Galatia 2

1KE hwaban ta je huna a fotin oge me he hmetu Jerusalema ai tha inya me Banaba, ke oge hum Tito minya. 2Ke oge me he hoton hna omanenâ; me thumetu ödrin ge evangelia, oge khetâ ka Aten ke je hnyei; ke oge me ha duöngâ ka hnyat ae lung, wâ e nye ûnyi baû but wadring a inya, me hnok hna wadring ehac. 3Ke haba Tito at ame tha e mönya, adre me ca ûjengö e bi he ka peritom, wale ae at Heleni: 4ke wale thibi e can je liamekeiny thoi ödrin e odilâ duöngâ, ödrin eʼ dit duöng he ka tuö hna hnʼ ota, waleji ate me hu ge Keriso Iesu, mʼ ödrin e he ka thalu öta: 5ke öhmun e ca mita bi ködrin hnyi awa a khaca; me me tethmâ unyibun hnathuiny evangelia. 6Ke haba hnyat eji ae lung (me ca khanö nya ödrin, ke ca ûnyi hnathu e könya: haba Khong ame ca wâhmakhmetoâ bi at) —haba hnyat eji ae lung, me ödrin e ca bi hanen bi könya: 7ke so bi, e khanʼ ödrin a gʼ adre me ham könya evangelia hobi kâu tavat adre ca peritomonâ, helâe kö Peteru hobi kâu tavat adre peritomonâ, 8(anyin a haba at a huliwan hnyeku Peteru ka hnyi hanymen aposetolo hobi kâu tavat adre peritomonâ, e minya bi at ame huliwan hnyekuk hobi kâu Aten ke je hnyei); 9ke haba Iakobo, me Kefa, me Ioane, je hnyat adre ha gadrin ka habe, je hmolom, ödrin e wâ ibetengiö baû adre ham könya, me adre me ham könya me Banaba je hnyam a metâiny tha hnyok, mʼ ohmu me he ka he ka Aten ke je hnyei, ke haba ödrin bi ka tavat adre peritomonâ; 10ke ame wedrin thibi mʼ ohmu me he ka ûnykûme tavat ae theduoc; wale thibi ûnyi ae hmehmelâ hnyekuk he ka ânyâ.

11Ke ame o but Kefa hnyi Anetioka, me oge me hwege ivinö më, anyin ae monu. 12Anyin a e ame tha han me Aten ke je hnyei ke tiga hia bi keihen ûhedra unyi Iakobo: ke ödrin e o but, me e ame todrö, me öûsâkâuöâ e bi, anyin ame outen tavat adre peritomonâ. 13Ke haba keihen at Juda adre me tha iyawo më; me ödrin e omonu Banaba minya hnen anyidra iyawö. 14Ke oge me wâ a ödrin e ca he wisa hoton hnathuiny evangelia, inya oge me ha kö Kefa hnyi hnyimaködrin hia, ka habe, U at Juda, ke u je ne tha hwakecâm me Aten ke je hnyei, ke ca tha hwakecâm bi me at Juda, me ieû gam u me ûjengö Aten ke je hnyei he ka tha hwakecidra me at Juda? 15Ötin at Juda ûnyi hnyi unyin, ke ca Aten ke je hnyei bi ae monu, 16e khanʼ öta a gʼ adre me ca haiwisa at ge ta je huliwainy hnanyibu, ke so bi hnen labageju kö Iesu Keriso, öta minya ang tavat otin e labageju kö Keriso Iesu, mʼ adre me he ka hai wisʼ öta hnen labageju ka Keriso, ke ca hnen bi ta je huliwa hnyi hnanyibu: anyin ae ba at me khaca adre me he ka haiwisa hnen ta je huliwa hnyi hnanyibu. 17Ke ate ne elâm, e me he Keriso ka haiwisʼ öta, ke ame ō ʼta bi a öta tavat ae kong, hawa, haba Keriso me at huliwan hulo? Ohe. 18Anyin oge ne op hmetu ta je ûnyi oge hia but ohia, inya oge me ka omanenö nya bi, a iny at hanyâûâ. 19Anyin oge mok ut ka hnyi hnanyibu ûnyi ge hnanyibu, mʼ inye he ka möt bi ka Khong. 20Adre hia but tha osatauroi nya me Keriso; ke iny möt bi; ke ca inya hmetu bi, ke Keriso bi at ae möt eû hnyik: ke haba möt oge me melö hnyi unyin, inya oge me melö e hnen labageju ka Nokon Khong, waleji at ame betenge gak, me ka ham e hnân hobi könya. 21Oge me ca oûnyibâûâ ibetengiö baû anyin Khong: anyin a ne hu hwakecin ae wisa ûnyi ge hnanyibu, awe, e ûnyi baû bi mok anyin Keriso.

Currently Selected:

Galatia 2: IAAI

Highlight

Copy