Ma̱te̱yo̱ 1
1
Tatuget ciko ji̱ji̱ti̱k Ye̱su̱
(Lu̱ka̱ 3:23-38)
1A̱kku̱ Ye̱su̱ Ki̱ri̱sto̱#1:1 Ye̱su̱ Ki̱ri̱sto̱: Azi keng cik zar cik een Ye̱su̱ ko̱ ne i̱ti̱ri̱zze̱t Ta̱mu̱ta̱dde̱n agita. Utuge ci Gi̱ri̱yo̱ azi keng ci zar cik een Ki̱ri̱sto̱ ko̱ ne, wa o̱de̱ atahala Ta̱mu̱ta̱dde̱n kize Alaan. Utuge ci I̱bu̱ru̱ azi keng ci zar cik een Ki̱ri̱sto̱ ko̱ ne Missaya. ngerrti Da̱vi̱de̱#1:1 Da̱vi̱de̱: Atahala Ta̱mu̱ta̱dde̱n nonno kize alaan ci Israilo kar bo̱do̱k a̱kku̱ atin alaani ci riili boore cinne, ci atin abal lo̱o̱c udut. Een alaani neci Ye̱su̱ Ki̱ri̱sto̱. IkebCaliwon 132:11-12; Buk wa To̱ni̱a̱u̱ 2:30. Abak bali Da̱vi̱de̱ e̱rki̱nya̱ i̱bbo̱ng co̱de̱ baling ngen Ye̱su̱ ki̱ti̱rra̱i̱. Ikeb1 Samwel 16-30; 2 Samwel 1-24; 1 Alaat 1-2. tatuge ciko alaan wa een zara Da̱vi̱de̱ ki ngerrti Aburahami,#1:1 Aburaham: Awu Ta̱mu̱ta̱dde̱n nonno abunna ming uungnek boor ki lo̱o̱c cinne lo̱o̱c kar kunu Ta̱mu̱ta̱dde̱n rok lo̱o̱c ci een jor. I̱ki̱ya̱ enne ize be̱e̱ti̱ olli Ya̱u̱do̱. Abak enne e̱rki̱nya̱ i̱bbo̱ng co̱de̱ ki obet tu̱rge̱ (1,800) baling ngen Ye̱su̱ ki̱ti̱rra̱i̱ ke̱. IkebKananet 12-26. een necu lelet ci tatug cinne̱ng.
2Een Aburahami be̱e̱ti̱ I̱sa̱ko̱,#1:2 I̱sa̱ko̱: Een enne do̱le̱c ci bali u̱du̱wa̱ Ta̱mu̱ta̱dde̱n azi ne, kanyik Aburaham. IkebKananet 17-35.
okko I̱sa̱ko̱ een be̱e̱ti̱ Ya̱ko̱bo̱,#1:2 Ya̱ko̱bo̱: Een enne ngerrti do̱le̱c ci Aburahami wa bali anyak dooli cik macik omoto ki rama. Utuhu Ta̱mu̱ta̱dde̱n zar ciginnek kize Israil. Awu ol dooli ciginnek kizeto olli Israilo, imma i̱i̱te̱ne̱ ci Ye̱su̱ awu ol nogo kizeto Ya̱u̱d. IkebKananet 25-50.
okko Ya̱ko̱bo̱ een be̱e̱ti̱ Ju̱da̱ ki gotonoggi ciginnek
3Een dooli cik Ju̱da̱ ciko, Perez ki Zerah ki e̱e̱ti̱nne̱ng ci azi zar ne, Tamar.
Een Perizzites be̱e̱ti̱ Hezron,
een Hezroni be̱e̱ti̱ Ram,
4okko Rami een be̱e̱ti̱ Amminadab,
okko Amminadabi een be̱e̱ti̱ Nahshon,
okko Nahshoni a̱rri̱ta̱ Salmon,
5Okko Salmoni een be̱e̱ti̱ Boaz, wa een yaatinne zara ne, Rahab.
Een Boazi be̱e̱ti̱ Obed, wa een yaatinne zara ne, Ruz,
okko Obedi een be̱e̱ti̱ Jesse.
6Okko Jesse een be̱e̱ti̱ alaan ci azi zara ne Da̱vi̱de̱.
Okko Da̱vi̱de̱ een be̱e̱ti̱ Solomoni wa bali een yaatinne ngaa ci Uriya.
7Een Solomoni be̱e̱ti̱ Rohobom,
okko Rohobomi een be̱e̱ti̱ Abijah,
een Abijah be̱e̱ti̱ Acca,
8een Acca be̱e̱ti̱ Jehoshaphat,
een Jehoshaphati be̱e̱ti̱ Jehoram,
okko Jehorami een be̱e̱ti̱ Uzziah,
9een Uzziah be̱e̱ti̱ Jotham,
een Jothami be̱e̱ti̱ Ahaz,
okko Ahazi een be̱e̱ti̱ Hezekiah,
10a̱rri̱ta̱ Hezekiah Manasseh,
okko Manassehi a̱rri̱ta̱ Amon,
a̱rri̱ta̱ Amoni Josiah, 11okko Josiah a̱rri̱ta̱ Jeconiah ki gotonoggi e̱rki̱te̱ bali ovvoye ol nogo lo̱o̱ce̱ ci Israilo rok lo̱o̱c ci Babiloni#1:11 Babilon: Baling edeccai i̱i̱te̱ni̱ bali Nowa ke̱, idimanit ol ce̱e̱z ci u̱u̱ni̱ okko rok ta̱mu̱-keng ngati een Babel kar e̱rki̱nya̱ cik meelek bali vu̱rrta̱ utuwet ol azi ne Babilon, imma bali e̱rki̱nya̱ cik meelek i̱ki̱ya̱ alaani Nebuchadnezzar ci Babiloni kar ki̱ki̱ya̱ kuwe ol u̱gge̱ cik Israilo lo̱o̱ce̱ ci Babilona. Ogon enne zoz necu ngati enne azan Jerusalem e̱rki̱te̱ ci een obet tu̱r ki moten turgerem (570) bali ngen Ye̱su̱ ki̱ti̱rra̱i̱ ke̱. IkebKananet 11; 2 Alaat 24-25; Daniel 1:1-7. ke̱.
12Baling a̱vvu̱to̱ nege lo̱o̱ce̱ ci een Babilon:
i̱ti̱rra̱ Jeconiah Shealtiel,
okko Shealtieli a̱rri̱ta̱ Zerubbabel.
13Okko Zerubbabeli een be̱e̱ti̱ Abiud,
okko Abiudi een be̱e̱ti̱ Eliakim,
okko Eliakimi een be̱e̱ti̱ Azor.
14Een Azori be̱e̱ti̱ Zadok,
okko Zadoki een be̱e̱ti̱ Akim,
okko Akimi een be̱e̱ti̱ Eliud,
15Een Eliudi be̱e̱ti̱ Eleazar,
een Eleazari be̱e̱ti̱ Matthan,
okko Matthani een be̱e̱ti̱ Ya̱ko̱bo̱,
16een Ya̱ko̱bo̱ be̱e̱ti̱ Yosevo, okko Yosevo een mac ci Ma̱ri̱ya̱ wa okko a̱rri̱ta̱ Ye̱su̱, wa ovvo ol akannek zar cik een Ki̱ri̱sto̱.
17I̱yo̱ko̱ zin e̱e̱ggi̱n tatugeta ne̱ko̱ do̱o̱k, omoto ki we̱c. Akane ngati Aburahami ki̱ki̱ya̱k Da̱vi̱de̱. Ovvo bo̱do̱k tatugeta cik akane ngati Da̱vi̱de̱, e̱e̱ggi̱n omoto ki we̱c akannai ngati Da̱vi̱de̱ ki̱ki̱ya̱k ol balik ovvoye ol Babiloniya ke̱. E̱e̱ggi̱n bali tatugeta ne̱ke̱ bo̱do̱k omoto ki we̱c, akane ngin bali ovvoye nege ol Babiloniya ki̱ki̱ya̱ Ki̱ri̱sto̱ ki̱ti̱rra̱i̱.
Ti̱ra̱ne̱t ci Ye̱su̱
(Lu̱ka̱ 2:1-7)
18Een necu gool ci kar Ye̱su̱ Ki̱ri̱sto̱ ki̱ti̱rra̱i̱. Owo ba̱li̱ye̱ yaatinne e̱e̱ti̱ ci azi zara ne, Yosevo ci bali orong kar ki̱ti̱k Ma̱ri̱ya̱ la̱du̱n. Baling ngen Yosevo ka̱vvu̱to̱ ki Ma̱ri̱ya̱ nga̱to̱de̱, a̱gga̱ da̱ Ma̱ri̱ya̱ ele cinne ming anyakce Vongize ci A̱li̱le̱#1:18 Vongiz ci A̱li̱le̱: Een Vongizi ci A̱li̱le̱ ko̱ Vongiz ci Ta̱mu̱ta̱dde̱no̱. A̱du̱wa̱ Zoz ci Ta̱mu̱ta̱dde̱no̱ azi ne, een Baba Ta̱mu̱ta̱dde̱n, okko Ngerinne Ye̱su̱ een Ta̱mu̱ta̱dde̱n kar bo̱do̱k Vongizi ci A̱li̱le̱ een Ta̱mu̱ta̱dde̱n. E̱e̱ggi̱n Baba, ki Ngerinne ki Vongiz nege do̱o̱k Ta̱mu̱ta̱dde̱n co̱de̱. IkebJon 1:1-18; 8:41-42; Buk wa To̱ni̱a̱u̱ 5:3-4. Ta̱mu̱ta̱dde̱no̱. 19Een Yosevo e̱e̱t ci abunna oroot, iróng oowik buuwec cinne ngoot ka̱gga̱c ol do̱o̱k. Icin niko izong, orong kar kutungek Ma̱ri̱ya̱ lo̱o̱c lo̱mu̱k.
20Imma zin baling ngen enne i̱no̱n zoz necu niko, i̱ki̱ya̱k nonno anjilo#1:20 Anjilo: Abak anjilonya ta̱mu̱-kenga ki Ta̱mu̱ta̱dde̱n, e̱e̱ggi̱n nege vongizzok cik iróng e̱e̱ggi̱n ol. I̱tto̱na̱ gon Ta̱mu̱ta̱dde̱n anjilonya ciginnek i̱i̱ imma ki̱vi̱ta̱ kanyaktak ol zoz cinne. ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak. 21Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”
22Imma zin go̱o̱le̱ necu niko, akat zoz ci Manyi ko̱ mo̱o̱le̱t go̱o̱le̱ bali a̱du̱wa̱ne̱ a̱ri̱tto̱wa̱#1:22 A̱ri̱tto̱wa̱: Ozoz Ta̱mu̱ta̱dde̱n ngati a̱ri̱tto̱u̱ kar kuwaktek nege ol zoz cinne. cik zoz ci Ta̱mu̱ta̱dde̱no̱ ke̱, 23“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel”#Isaya 7:14 azi keng cinne ne, “Aave Ta̱mu̱ta̱dde̱n ngati een agita.”
24Baling okko Yosevo ingazi unyahe, u̱tu̱gu̱ kaal balik u̱du̱wa̱k nonno anjilo ci Manyi ke̱, idima zin enne Ma̱ri̱ya̱ i̱ti̱k kize ngaa cinne, 25Ma zin nginatu niko, iróng Yosevo ngen okko kar ka̱ta̱ngu̱zzo̱ bu̱k zee ki̱ti̱rra̱i̱ do̱le̱c. A̱vvu̱ Ma̱ri̱ya̱ izong, kutuyai kar Yosevo kakatek zar cik een Ye̱su̱.
Currently Selected:
Ma̱te̱yo̱ 1: tex
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.