Buk wa To̱ni̱a̱u̱ 26
26
U̱du̱wa̱k Pa̱u̱lo̱ zoz cinne alaan Agirippa
1Iizek zin Agirippa Pa̱u̱lo̱ ne, “Kaanyi zoz zoz cunne eliya.” Odong Pa̱u̱lo̱ a̱zzi̱t kar zin enne ku̱du̱wa̱ zoz cinne: 2“Alaan Agirippa, katalne anna oroot ngati kabili ngu̱me̱ cunne wazin cu ki i̱yo̱ko̱ kokko anna ka̱du̱wa̱ nyaa olli Ya̱u̱do̱ ming ecebja annita ko̱, 3eci i̱nna̱ a̱gga̱ keerani cik Ya̱u̱do̱ ki go̱o̱llo̱k cik engere nege e̱le̱tti̱. I̱yo̱ko̱ zin, kalayi ziya annit ju̱rru̱m.
4“A̱gga̱ olli Ya̱u̱do̱ do̱o̱k baiz cinanni baling ngen ke̱e̱ni̱ anna idica ke̱, akane baizi cinanni o̱rge̱ cinanni ele kar bo̱do̱k Jerusalema. 5A̱gga̱ya̱ nege annit ba̱li̱ye̱ la̱du̱n, a̱du̱wa̱ ucca nege bu̱k zoz cinanni ming orong nege kozozit zoz ci een de̱de̱, go̱o̱le̱ wa kazunne anna lo̱ti̱nno̱k wak Varaciso oroot. 6Imma zin i̱yo̱ko̱, eci karik anna zinin zoz bali u̱du̱wa̱k Ta̱mu̱ta̱dde̱n ji̱ji̱ti̱gga̱c, eci zo̱ze̱ neci kabili zin anna lo̱ki̱ko̱ i̱yo̱ko̱ niko ko̱. 7Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita. 8Nyaa ming odoi zi̱nze̱tti̱ cuggo̱k ko̱, ming ingane Ta̱mu̱ta̱dde̱n ol wak a̱da̱i̱to̱ daiza ko̱?
9“Kelema bali anna bu̱k kar kadang ol balik a̱tu̱ Ye̱su̱ wa Nazereti. 10Een zin zoz necu ci ku̱tu̱gu̱ anna Jerusalema. Imma komize ci alaat cik olli wawaco kariya anna ol cik meelek a̱tu̱we̱ lagam. Kelema anna kettedek nogo daiz. 11Kokko anna Ce̱e̱zi̱nne̱ wak Lawinto#26:11 Ce̱e̱z wa Lawinto: Anyak Ya̱u̱di̱ Ce̱e̱zi̱ cik meelek giir lawintak o̱ro̱gjo̱we̱ cigge̱k. Arumo nege Ce̱e̱ze̱ wa Lawinto I̱i̱te̱ne̱ wa Yu̱bze̱nto̱ kar kalac Ta̱mu̱ta̱dde̱n kar bo̱do̱k kikebit Zoz cinne. odohize eci korongi ol ke̱de̱zi̱t nogo. Kadangek nogo abunna atizik zar cik Manyi Ye̱su̱. Ka̱bu̱ri̱ bali anna nong oroot, kokko gon anna rok lo̱o̱cco̱k cik i̱do̱ngi̱nnu̱ kokko ka̱gi̱di̱ nogo.
12“Imma i̱i̱nya̱we̱ ne̱ke̱ co̱de̱ balik kerone ke̱, kokko bali o̱rge̱ ci een Damascus komize ci alaat cik olli wawaco. 13Ma̱i̱je̱ ngati okko ki yo̱mo̱n, Oh alaan, bali kaave goola, kicina tukulec ta̱mu̱-kenga, voora kommog i̱i̱, kedenya tukulec ci ataran ebere cigannik ki ol balik korkorya ke̱ bu̱k. 14Kudukta naga do̱o̱k lo̱o̱c, kar zin kizik muluk ci ozozika utuge ci Aramaik azi ne, ‘Saul, Saul, nyaa ming a̱gi̱dda̱ niko ko̱? Okkomi ngatunne kar ru̱k ele cunne coola.’
15“Ki̱jji̱na̱ zin anna, ‘I̱nne̱t ngene ddi̱ki̱ryo̱i̱t?’
“Abariz zin Manyi, azi ne, ‘Ke̱e̱ni̱ anna Ye̱su̱, wa a̱gi̱ddi̱ i̱nna̱ gon ko̱. 16I̱yo̱ko̱ tinga je̱e̱na̱ bil zoone cigunnek. Ka̱kku̱nna̱ki̱ anna i̱nne̱t kar katahalai ize du̱ca̱i̱t ki bbacait ci kaal ne̱k icinnu i̱nna̱ ko̱ ngatinanni ki kaal cik kokko anna ki̱ye̱le̱ki̱ i̱nne̱ta̱. 17Keelani atin anna i̱nne̱ta̱ ngati ol cigunnek kar bo̱do̱k ngati ol cik e̱e̱ggi̱n i̱do̱ngi̱. Ki̱tto̱ni̱ki̱ anna i̱nne̱t nogo 18kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’
19“Alaan Agirippa, Iróng zin anna ka̱bu̱ri̱ zoz ci a̱kku̱ o̱no̱zo̱we̱ ta̱mu̱-kenga. 20Arrak oowa kuwaheya olli Damascusi kar bo̱do̱k olli Jerusalemo, ki olli Ju̱de̱ya̱ do̱o̱k ki i̱do̱ngi̱ne̱ bu̱k. Kuwahek anna nogo kar kutungttek ba̱ci̱nno̱k lo̱o̱c kar kunuwet Ta̱mu̱ta̱dde̱n ku̱tu̱gu̱zzo̱ kaal wak i̱ye̱la̱ utungtek nege mu̱nye̱n lo̱o̱c. 21Een necu zoz wa a̱gga̱mnya̱ olli Ya̱u̱do̱ reene ci Ce̱e̱z wa Ta̱mu̱ta̱dde̱no̱ ko̱ nenen necu, kar orong ku̱ru̱kta̱ annita. 22Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t, 23okko atin Ki̱ri̱sto̱ apirna kar kize oo ngati ingane enne daiza. Uwahek atin enne ol ciginnek ki i̱do̱ngi̱ ka̱gga̱c tukulec ci Ta̱mu̱ta̱dde̱no̱.”
24Baling ngen Pa̱u̱lo̱ ozozi, etteddek Vestusi Pa̱u̱lo̱ zoz, egerenyek a̱nne̱k ne, “Adaki ngamoni Pa̱u̱lo̱! Aanyi de̱mzi̱ne̱t ci a̱ppwe̱ ko̱ ngamon.”
25Abariz zin Pa̱u̱lo̱, “Vestus ddi̱ki̱ryo̱i̱t wa a̱ddi̱ki̱re̱ oroot, iróng annit adaka ngamoni. Een zoz ci ka̱du̱wa̱ anna ko̱ zoz ci caale een de̱de̱. 26A̱gga̱ alaani Agirippa zoz necu, koobek wo̱ye̱ anna nonno labak. Ka̱gga̱ anna a̱gga̱ enne e̱e̱ggi̱n kaala ne̱ko̱ de̱de̱, eci iróng ba̱li̱ye̱ ogone lo̱mu̱k. 27Alaan Agirippa, a̱tu̱ i̱nna̱ a̱ri̱tto̱k? Ka̱gga̱ anna a̱tu̱ i̱nna̱.”
28Kar zin Agirippa kizek Pa̱u̱lo̱ ne, “Iróng wo̱ye̱ i̱nna̱ aanya annit kize Kiristian#26:28 Kiristian: Ol cik annu zoz ci Ki̱ri̱sto̱ awu ol nogo azi ne, Kiristian eci nege elemtta nonno kize Manyi ki ti̱ri̱zo̱i̱t cinne̱ng. i̱i̱te̱n co̱de̱?”
29Iizek Pa̱u̱lo̱ nonno ne, “Ma̱i̱je̱ nu̱nu̱n ming een i̱i̱te̱n co̱de̱ icima i̱i̱nya̱ cik meelek, kalaweki i̱nne̱t ki ol cik azikna ko̱ do̱o̱k Ta̱mu̱ta̱dde̱n kar kizeto Kiristian ki i̱yo̱ko̱ anna ko̱, iróng korongi ming e̱ce̱bje̱ nege lagama.”
30Itinga alaani ki ddi̱ki̱ryo̱i̱t ci gaalau ki Bernice ki ol wak aavtte ki nogo. 31Utungtek lo̱ki̱ko̱ lo̱o̱c, ma baling ngen nege ozozo e̱le̱tti̱ne̱, izeto ne, “Ngen e̱e̱ti̱ cu ku̱tu̱gu̱ gi̱i̱ imma ci wo̱ye̱ eleno ki daiz icima ce̱bi̱ne̱t lagama.”
32Iizek Agirippa Vestus ne, “Oogjai weete e̱e̱ti̱ cu, ming ngen enne ki̱jji̱n zoz ci okkoye ngati alaan ci a̱ddi̱ki̱re̱ Romi.”
Currently Selected:
Buk wa To̱ni̱a̱u̱ 26: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 26
26
U̱du̱wa̱k Pa̱u̱lo̱ zoz cinne alaan Agirippa
1Iizek zin Agirippa Pa̱u̱lo̱ ne, “Kaanyi zoz zoz cunne eliya.” Odong Pa̱u̱lo̱ a̱zzi̱t kar zin enne ku̱du̱wa̱ zoz cinne: 2“Alaan Agirippa, katalne anna oroot ngati kabili ngu̱me̱ cunne wazin cu ki i̱yo̱ko̱ kokko anna ka̱du̱wa̱ nyaa olli Ya̱u̱do̱ ming ecebja annita ko̱, 3eci i̱nna̱ a̱gga̱ keerani cik Ya̱u̱do̱ ki go̱o̱llo̱k cik engere nege e̱le̱tti̱. I̱yo̱ko̱ zin, kalayi ziya annit ju̱rru̱m.
4“A̱gga̱ olli Ya̱u̱do̱ do̱o̱k baiz cinanni baling ngen ke̱e̱ni̱ anna idica ke̱, akane baizi cinanni o̱rge̱ cinanni ele kar bo̱do̱k Jerusalema. 5A̱gga̱ya̱ nege annit ba̱li̱ye̱ la̱du̱n, a̱du̱wa̱ ucca nege bu̱k zoz cinanni ming orong nege kozozit zoz ci een de̱de̱, go̱o̱le̱ wa kazunne anna lo̱ti̱nno̱k wak Varaciso oroot. 6Imma zin i̱yo̱ko̱, eci karik anna zinin zoz bali u̱du̱wa̱k Ta̱mu̱ta̱dde̱n ji̱ji̱ti̱gga̱c, eci zo̱ze̱ neci kabili zin anna lo̱ki̱ko̱ i̱yo̱ko̱ niko ko̱. 7Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita. 8Nyaa ming odoi zi̱nze̱tti̱ cuggo̱k ko̱, ming ingane Ta̱mu̱ta̱dde̱n ol wak a̱da̱i̱to̱ daiza ko̱?
9“Kelema bali anna bu̱k kar kadang ol balik a̱tu̱ Ye̱su̱ wa Nazereti. 10Een zin zoz necu ci ku̱tu̱gu̱ anna Jerusalema. Imma komize ci alaat cik olli wawaco kariya anna ol cik meelek a̱tu̱we̱ lagam. Kelema anna kettedek nogo daiz. 11Kokko anna Ce̱e̱zi̱nne̱ wak Lawinto#26:11 Ce̱e̱z wa Lawinto: Anyak Ya̱u̱di̱ Ce̱e̱zi̱ cik meelek giir lawintak o̱ro̱gjo̱we̱ cigge̱k. Arumo nege Ce̱e̱ze̱ wa Lawinto I̱i̱te̱ne̱ wa Yu̱bze̱nto̱ kar kalac Ta̱mu̱ta̱dde̱n kar bo̱do̱k kikebit Zoz cinne. odohize eci korongi ol ke̱de̱zi̱t nogo. Kadangek nogo abunna atizik zar cik Manyi Ye̱su̱. Ka̱bu̱ri̱ bali anna nong oroot, kokko gon anna rok lo̱o̱cco̱k cik i̱do̱ngi̱nnu̱ kokko ka̱gi̱di̱ nogo.
12“Imma i̱i̱nya̱we̱ ne̱ke̱ co̱de̱ balik kerone ke̱, kokko bali o̱rge̱ ci een Damascus komize ci alaat cik olli wawaco. 13Ma̱i̱je̱ ngati okko ki yo̱mo̱n, Oh alaan, bali kaave goola, kicina tukulec ta̱mu̱-kenga, voora kommog i̱i̱, kedenya tukulec ci ataran ebere cigannik ki ol balik korkorya ke̱ bu̱k. 14Kudukta naga do̱o̱k lo̱o̱c, kar zin kizik muluk ci ozozika utuge ci Aramaik azi ne, ‘Saul, Saul, nyaa ming a̱gi̱dda̱ niko ko̱? Okkomi ngatunne kar ru̱k ele cunne coola.’
15“Ki̱jji̱na̱ zin anna, ‘I̱nne̱t ngene ddi̱ki̱ryo̱i̱t?’
“Abariz zin Manyi, azi ne, ‘Ke̱e̱ni̱ anna Ye̱su̱, wa a̱gi̱ddi̱ i̱nna̱ gon ko̱. 16I̱yo̱ko̱ tinga je̱e̱na̱ bil zoone cigunnek. Ka̱kku̱nna̱ki̱ anna i̱nne̱t kar katahalai ize du̱ca̱i̱t ki bbacait ci kaal ne̱k icinnu i̱nna̱ ko̱ ngatinanni ki kaal cik kokko anna ki̱ye̱le̱ki̱ i̱nne̱ta̱. 17Keelani atin anna i̱nne̱ta̱ ngati ol cigunnek kar bo̱do̱k ngati ol cik e̱e̱ggi̱n i̱do̱ngi̱. Ki̱tto̱ni̱ki̱ anna i̱nne̱t nogo 18kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’
19“Alaan Agirippa, Iróng zin anna ka̱bu̱ri̱ zoz ci a̱kku̱ o̱no̱zo̱we̱ ta̱mu̱-kenga. 20Arrak oowa kuwaheya olli Damascusi kar bo̱do̱k olli Jerusalemo, ki olli Ju̱de̱ya̱ do̱o̱k ki i̱do̱ngi̱ne̱ bu̱k. Kuwahek anna nogo kar kutungttek ba̱ci̱nno̱k lo̱o̱c kar kunuwet Ta̱mu̱ta̱dde̱n ku̱tu̱gu̱zzo̱ kaal wak i̱ye̱la̱ utungtek nege mu̱nye̱n lo̱o̱c. 21Een necu zoz wa a̱gga̱mnya̱ olli Ya̱u̱do̱ reene ci Ce̱e̱z wa Ta̱mu̱ta̱dde̱no̱ ko̱ nenen necu, kar orong ku̱ru̱kta̱ annita. 22Eelanna Ta̱mu̱ta̱dde̱n i̱i̱nya̱ ne̱ko̱ do̱o̱k. I̱yo̱ko̱ kabili ngatu, ka̱du̱wa̱i̱ zoz cinanni ol veelek cikidik ki ol cik a̱ddi̱ki̱re̱ nga̱to̱de̱. Een zoz ci ka̱du̱wa̱ ko̱ bali u̱du̱kta̱ a̱ri̱tto̱wa̱ wak zoz ci Ta̱mu̱ta̱dde̱no̱ ki Muses azi ne, akati atin zoz necu mo̱o̱le̱t, 23okko atin Ki̱ri̱sto̱ apirna kar kize oo ngati ingane enne daiza. Uwahek atin enne ol ciginnek ki i̱do̱ngi̱ ka̱gga̱c tukulec ci Ta̱mu̱ta̱dde̱no̱.”
24Baling ngen Pa̱u̱lo̱ ozozi, etteddek Vestusi Pa̱u̱lo̱ zoz, egerenyek a̱nne̱k ne, “Adaki ngamoni Pa̱u̱lo̱! Aanyi de̱mzi̱ne̱t ci a̱ppwe̱ ko̱ ngamon.”
25Abariz zin Pa̱u̱lo̱, “Vestus ddi̱ki̱ryo̱i̱t wa a̱ddi̱ki̱re̱ oroot, iróng annit adaka ngamoni. Een zoz ci ka̱du̱wa̱ anna ko̱ zoz ci caale een de̱de̱. 26A̱gga̱ alaani Agirippa zoz necu, koobek wo̱ye̱ anna nonno labak. Ka̱gga̱ anna a̱gga̱ enne e̱e̱ggi̱n kaala ne̱ko̱ de̱de̱, eci iróng ba̱li̱ye̱ ogone lo̱mu̱k. 27Alaan Agirippa, a̱tu̱ i̱nna̱ a̱ri̱tto̱k? Ka̱gga̱ anna a̱tu̱ i̱nna̱.”
28Kar zin Agirippa kizek Pa̱u̱lo̱ ne, “Iróng wo̱ye̱ i̱nna̱ aanya annit kize Kiristian#26:28 Kiristian: Ol cik annu zoz ci Ki̱ri̱sto̱ awu ol nogo azi ne, Kiristian eci nege elemtta nonno kize Manyi ki ti̱ri̱zo̱i̱t cinne̱ng. i̱i̱te̱n co̱de̱?”
29Iizek Pa̱u̱lo̱ nonno ne, “Ma̱i̱je̱ nu̱nu̱n ming een i̱i̱te̱n co̱de̱ icima i̱i̱nya̱ cik meelek, kalaweki i̱nne̱t ki ol cik azikna ko̱ do̱o̱k Ta̱mu̱ta̱dde̱n kar kizeto Kiristian ki i̱yo̱ko̱ anna ko̱, iróng korongi ming e̱ce̱bje̱ nege lagama.”
30Itinga alaani ki ddi̱ki̱ryo̱i̱t ci gaalau ki Bernice ki ol wak aavtte ki nogo. 31Utungtek lo̱ki̱ko̱ lo̱o̱c, ma baling ngen nege ozozo e̱le̱tti̱ne̱, izeto ne, “Ngen e̱e̱ti̱ cu ku̱tu̱gu̱ gi̱i̱ imma ci wo̱ye̱ eleno ki daiz icima ce̱bi̱ne̱t lagama.”
32Iizek Agirippa Vestus ne, “Oogjai weete e̱e̱ti̱ cu, ming ngen enne ki̱jji̱n zoz ci okkoye ngati alaan ci a̱ddi̱ki̱re̱ Romi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.