Buk wa To̱ni̱a̱u̱ 27
27
I̱nya̱ma̱ni̱t aciiri Pa̱u̱lo̱ i̱bo̱wa̱ kuk Romakte
1Baling odolta nege kar ki̱tto̱nnte̱t i̱bo̱wa̱ rok lo̱o̱c ci een Italiya, anyozik Pa̱u̱lo̱ ki ol u̱gge̱ wak e̱ce̱bje̱ lagama ko̱, ddi̱ki̱ryo̱i̱t ci een zara Julius. “Een enne ddi̱ki̱ryo̱i̱t ci aciiru balik akannek ol zar cik alaan wa Romi.” 2Kotodda naga i̱bo̱ ngati een Adramitam, i̱bo̱ ci da̱ orong kuk o̱ro̱gjo̱we̱ cik aavtte nyatapare ci a̱ddi̱ki̱re̱ ti̱ti̱ma̱ lo̱o̱ce̱ ci Asia. Korkorya ki e̱e̱t ci een Aristarkas ci orog ci Te̱se̱lo̱ni̱ka̱ lo̱o̱ce̱ ci Macedonia.
3Imma i̱i̱te̱n ci reng ka̱ra̱yya̱ naga orog ci een Sidon; kar Juliusi bunnate cinne aanyik Pa̱u̱lo̱ kuk ki̱vo̱n gonoggi abunna ming anyik kaal cik orong enne. 4Imma nginati ko̱o̱tta̱ nyatapare ci a̱ddi̱ki̱re̱ dee kar ki̱li̱tta̱ ngoot ci a̱ppwa̱ kar zin kiyokta abanyce ci lo̱o̱c ci een Cyprus aburuk maama ko̱. 5Baling kettedda nyatapar ci a̱ddi̱ki̱re̱ ki lo̱o̱cco̱k cik een Cilicia ki Pamphylia, ko̱o̱tta̱ naga o̱rge̱ ci een Mira aave lo̱o̱ce̱ ci een Lasiya. 6Uruba ddi̱ki̱ryo̱i̱ti̱ i̱bo̱ ci a̱kku̱ Alikzandria lo̱o̱ce̱ ci Masiro okko lo̱o̱ce̱ ci een Italiya kar zin enne arikket i̱bo̱. 7Kanyakta i̱i̱nya̱ cik meelek goola ngati kowoya i̱bo̱wa̱, kizetta ojone o̱rge̱ ci een Cnidus. Baling ize a̱ppwa̱ ngooti, ko̱o̱tta̱ ki lo̱o̱c ci een Crete aburuk maama ko̱, kowoya Crete lo̱o̱ta̱ ngati ojono ki Salmone. 8Kowoya ti̱ti̱ma̱ piryanzeta kar ki̱vi̱tta̱ orog ci awu ol azi ne, Nginti Maye, ojono ki orog ci een zara Lasea.
9Ke̱de̱cca̱ i̱i̱nya̱ cik meelek oroot. Ize we̱t liila i̱bo̱wa̱ gerza oroot eci i̱yo̱ko̱ ozoro I̱i̱te̱ni̱ wa I̱ya̱wi̱ne̱#27:9 I̱i̱te̱n wa I̱ya̱wi̱ne̱: A̱kku̱ I̱i̱te̱ni̱ wa I̱ya̱wi̱ne̱ nye̱lo̱we̱ ci een torkoc icima nye̱lo̱we̱ ci een omoto e̱rki̱ta̱. Een i̱i̱nya̱ ne̱ko̱ cik gerzek oroot ming eron ol i̱bo̱wa̱, eci a̱ppwe̱ ngooti oroot. Een necu i̱i̱te̱n co̱de̱ e̱rki̱ta̱ ci okkoye alaani ci a̱ddi̱ki̱re̱ wawaco Ngati A̱li̱le̱ Oroot Ce̱e̱ze̱ wa Ta̱mu̱ta̱dde̱no̱, okko azacek bi̱ye̱ kar abunna alalnek ol cik Israilo mu̱nye̱n cigge̱k. I̱ya̱ye̱ olli Israilo i̱i̱te̱n cu kar ki̱ye̱lta̱ azi ne uturtta nege mu̱nye̱n cigge̱k. Ikeb Leviticus 16; To̱ni̱a̱k 27:9; I̱bu̱ru̱ 9-10. Ya̱u̱di̱. I̱ti̱lo̱ Pa̱u̱lo̱ nogo, a̱nne̱k ne, 10“Lo̱o̱ko̱, kacinni zee uk atin we̱t cinna ize gerza i̱bo̱wa̱, egerzan atin kaal cik meelek ki i̱bo̱ ki ruget cinna bu̱k.” 11Ma̱i̱je̱ ddi̱ki̱ryo̱i̱ti̱, aziye zoz ci e̱e̱t ci i̱bo̱wo̱ ki e̱e̱t wa amacuce kommog zoz ci Pa̱u̱lo̱. 12Imma nginti abile i̱bo̱ ko̱, iróng een nginti abunna ming ize tagiz#27:12 Tagiz: Een icu i̱i̱te̱n ci e̱rki̱to̱ okkomi kak ming olli Israilo orong keronit eci ngatinne̱ng aṯile ta̱mu̱, alali kar bo̱do̱k a̱ppwa̱ ngooti oroot. Iróng i̱bo̱ ngatu owo. Imma Tenneta e̱rki̱te̱ cu, een ci odoi looci., izeto ol cik meelek ne, kotozo eci korong naga ku̱zu̱cca̱ orog ci een Phoenis ming ngen kize tagiz. Een necu bali nginti abunna abilne i̱be̱tta̱ ngati een Crete, edevo ki o̱to̱n ci i̱do̱li̱yo̱ ki nyege ki bo̱do̱k i̱do̱ ki nyege.
Ngoot ci een borowoc
13Baling akate ngooti imma cidici u̱vu̱wa̱n o̱to̱ne̱ ci i̱do̱li̱yo̱, i̱no̱ni̱t ol wak a̱li̱ngli̱ng i̱bo̱wa̱ izeto ne kar kotozzo. Odongta zin i̱bo̱le̱ni̱t bali abiliz i̱bo̱ ke̱ ta̱dde̱n, kar zin naga ko̱o̱tta̱ zee kize ojon ti̱ti̱m ci Crete. 14Imma ataman niko, u̱vu̱wa̱n ngooti ci een borowoc a̱kku̱ orgene ci o̱to̱n ci “I̱do̱wa̱ ki je̱e̱na̱,” alucak lo̱o̱c ngati aburuk maama. 15Baling ommoget ngooti, kanyciya ki̱ti̱k i̱bo̱ go̱o̱le̱ ci okkoye ngooti nonno. 16Kozoroya naga i̱do̱li̱yo̱ ci lo̱o̱c cidici een zara Kauda aburuk maama, okkomi zin ba̱li̱ye̱ ngati kodongnyya i̱bo̱ cidici ko̱ rok i̱bo̱ ci a̱ddi̱ki̱re̱ ko̱. 17Baling odongttek nege i̱bo̱ cidici ko̱ ta̱dde̱n, e̱ce̱bi̱t zin nege barune cik okkomi ku̱lu̱cce̱t i̱bo̱ ci a̱ddi̱ki̱re̱ ko̱ ju̱rru̱m kokkom kak. O̱ngo̱o̱le̱ bali nege lo̱o̱c azi ne icima wo̱ye̱ a̱ti̱kke̱t ngooti rok ti̱ti̱m ci anyak azac lo̱o̱ce̱ ci een Syrtis. U̱lu̱co̱i̱ zin nege ru̱u̱m ci e̱ce̱bje̱ i̱bo̱wa̱ kar kaanyik i̱bo̱ koto idic, kar ngooti ki̱tti̱k i̱bo̱. 18U̱vu̱wa̱n zin ngooti ci een borowoc bali nge̱rre̱ti̱n ci reng, okolttek zin nege i̱jjo̱ wak i̱ba̱ ko̱ maam. 19Baling e̱de̱cca̱ nege i̱i̱nya̱ i̱i̱yo̱, u̱ju̱ktte̱k zin kaal u̱gge̱ maam kar kaanyik i̱bo̱ koto. 20Iróng ngen kacinna i̱i̱ ki munyuny i̱i̱nya̱ cik meelek giir, ma̱i̱je̱ ngooti abarik otorye a̱vu̱wa̱n niko. Ma bali vu̱rrta̱, i̱llo̱i̱ gi̱i̱ imma ci ki̱no̱na̱, i̱zzi̱ rugeti to.
21Baling a̱ta̱gu̱zzo̱ ol magizet i̱i̱nya̱ cik meelek, ibil Pa̱u̱lo̱ je̱e̱na̱ ngu̱me̱ cinne̱ng kar zin kize ne, “Lo̱o̱ko̱, ming izikttang, iróng weda ungneku Crete lo̱o̱c oot u̱mu̱dda̱ zoz ci gerze i̱na̱ku̱ng i̱yo̱ko̱ ko̱. 22I̱yo̱ko̱ zin, ka̱nne̱kku̱ng ne aanycik zi̱nze̱tti̱ kokkomit kak, i̱llo̱i̱ atin e̱e̱t imma ci a̱da̱i̱ ngatinno̱ng udut. A̱li̱be̱ atin i̱bo̱ do̱. 23Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni, 24kar kize ne, ‘Ma o̱ngo̱o̱le̱ lo̱o̱c, Pa̱u̱lo̱! Okko atin i̱nna̱ la̱du̱n abili lo̱ki̱ko̱ ngu̱me̱ ci alaan ci a̱ddi̱ki̱re̱ Romi, ma̱i̱je̱ zin Ta̱mu̱ta̱dde̱n bunnate cinne, aanyik ol do̱o̱k wak i̱bo̱wa̱ ka̱vvu̱to̱ labak.’ 25I̱yo̱ko̱ zin, lo̱o̱ko̱, aanycik zi̱nze̱tti̱ kokkomit. Eci anna kanyai tu̱we̱ne̱t ngati Ta̱mu̱ta̱dde̱no̱, okko atin zoz necu ogone ki ming bali a̱du̱wa̱ka̱ enne annit ke̱. 26Abunna la̱du̱n naga ming kazuca lo̱o̱c ngati aburuk maama.”
27Baling izeto ja̱ti̱no̱wa̱ omoto ki we̱c, ngen ngooti a̱ti̱kke̱t nyatapare ci a̱ddi̱ki̱re̱ een zara Adriyatik dee niko. Imma bali ba̱a̱li̱n kenga, a̱gga̱c ol cik a̱li̱ngli̱ng i̱bo̱wa̱ ko̱ ming ize ojon looci. 28Itimanit zin u̱u̱nze̱t ci maamu, amuda e̱e̱ggi̱n maama caazzok o̱bo̱n co̱de̱ ki moten rama, ngen da̱ nege aavtte buluc orgena. Baling ovvo azuca ngin imma, itimanit bo̱do̱k dee, u̱mu̱dda̱ caazzok moten torkoc a̱vvu̱to̱ nege ngati uturi. 29O̱to̱ngo̱o̱ltte̱ nege okko wo̱ye̱ i̱bo̱ ovocek ele biyen, u̱ju̱ktte̱k kaal cik a̱di̱ngdi̱nge̱ ki biyena cik een we̱c kar zin kecebtek i̱bo̱ abunna ming abile maame, kar zin nege kalac Ta̱mu̱ta̱dde̱n zee ba̱a̱li̱n do̱o̱k kaala looci. 30Ma̱i̱je̱ ol wak a̱li̱ngli̱ng i̱bo̱wa̱ ko̱ orong ki̱vi̱re̱t. Idimtta zin i̱bo̱ cidici ko̱ ngati gooni ci a̱ddi̱ki̱re̱ ke̱ kar zin ku̱ju̱ktte̱k maam. U̱ru̱we̱t talaben ngati otod i̱bo̱ azi ne, ovvo nege arike gi̱i̱ ci a̱di̱ngdi̱nge̱ abiliz i̱bo̱ oowa. 31Iizek Pa̱u̱lo̱ ddi̱ki̱ryo̱i̱t ki aciir ciginnek ne, “Ming iróng ol ne̱ko̱ aavtte i̱bo̱wa̱, iróng niga arugnu.” 32Kar zin aciiri etteddit baru i̱bo̱we̱ cidici ke̱ kar kaanycik katavane kuk maame orgena.
33Ma baling ize ojon alizi, u̱du̱wa̱k Pa̱u̱lo̱ nogo do̱o̱k kadakto kar kize ne, “Eci i̱i̱nya̱we̱ balik e̱e̱ggi̱n omoto ki we̱c ke̱, aavtiyyu niga magizet ngen adait rok gi̱i̱ imma. 34I̱yo̱ko̱ zin, ka̱du̱wa̱kku̱ng adait á̱há̱t imma. Abunna arugnu. Kar ki̱zzi̱ e̱e̱ti̱ ci apirna atin ngatinno̱ng.” 35Baling u̱du̱wa̱ Pa̱u̱lo̱ zoz necu, idima zin enne umune kar zin kaanyik Ta̱mu̱ta̱dde̱n zany ngu̱me̱ cinne̱ng do̱o̱k ngati alawine kiziyet nege do̱o̱k, u̱bu̱nya̱n umune neci, kar kadaho. 36Ma baling u̱tu̱gu̱ niko, okkomit zin nogo do̱o̱k zi̱nze̱tti̱, adait zin nege á̱há̱t. 37Ke̱e̱ggi̱nna̱ bali naga do̱o̱k i̱bo̱wa̱ obet rama ki moten turgerem ki torkonom (276). 38Ma baling adakto nege do̱o̱k ke̱le̱zzo̱, u̱ju̱ktte̱k zin labi maam orgen abunna ming ovolvoli i̱bo̱.
39Bali nge̱rre̱ti̱n ci reng, iróng nege ngen a̱gga̱ lo̱o̱c, kar zin abarik edenyca nginti abunna abilne i̱bo̱. Odolta orong ko̱o̱tte̱ i̱bo̱ rok nginti odoi ti̱ti̱ma̱ ming uule nege. 40Etteddit zin baru ne̱k a̱gga̱m kaal wak a̱di̱ngdi̱nge̱ aanyik i̱bo̱ kibil ko̱, kar kutungttek maam kar bo̱do̱k koogit gi̱i̱ ci amacuce nege i̱bo̱ ko̱. Odongit zin ru̱u̱m ci a̱ddi̱ki̱re̱ aave i̱bo̱wa̱ ta̱dde̱na̱ kar ku̱vu̱wa̱n ngooti i̱bo̱ kuk ti̱ti̱ma̱. 41Uguman i̱bo̱ azac ci da̱ alute maame ngati okko ki ti̱ti̱m. A̱gga̱m azac i̱bo̱ kodok kak iróng ngen owo. Ma̱i̱je̱ vu̱rru̱t ci i̱bo̱wo̱ u̱du̱le̱t maama cik apalpalana ngooti.
42I̱no̱ni̱t aciiri orong ku̱ru̱we̱t ol wak e̱ce̱bje̱ lagama ka̱da̱i̱to̱ gerza ming etted maam koot ti̱ti̱ma̱ kar ki̱vi̱re̱t. 43Imma ddi̱ki̱ryo̱i̱ti̱ wa aciiru orong keela Pa̱u̱lo̱ kurug. Alam zin enne aciir ngati orong ku̱ru̱kte̱ nogo. U̱du̱wa̱k zin enne ol cik a̱gga̱ du̱nye̱ne̱t anyik ki̱ta̱za̱k maam kar koot ti̱ti̱ma̱. 44Ovvo uggak annu nogo vu̱rrta̱, ngati a̱gga̱me̱ keen balik a̱du̱la̱i̱ i̱bo̱wa̱ ke̱. Kar zin go̱o̱le̱ necu uzucca ol do̱o̱k ti̱ti̱m labak.
Currently Selected:
Buk wa To̱ni̱a̱u̱ 27: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 27
27
I̱nya̱ma̱ni̱t aciiri Pa̱u̱lo̱ i̱bo̱wa̱ kuk Romakte
1Baling odolta nege kar ki̱tto̱nnte̱t i̱bo̱wa̱ rok lo̱o̱c ci een Italiya, anyozik Pa̱u̱lo̱ ki ol u̱gge̱ wak e̱ce̱bje̱ lagama ko̱, ddi̱ki̱ryo̱i̱t ci een zara Julius. “Een enne ddi̱ki̱ryo̱i̱t ci aciiru balik akannek ol zar cik alaan wa Romi.” 2Kotodda naga i̱bo̱ ngati een Adramitam, i̱bo̱ ci da̱ orong kuk o̱ro̱gjo̱we̱ cik aavtte nyatapare ci a̱ddi̱ki̱re̱ ti̱ti̱ma̱ lo̱o̱ce̱ ci Asia. Korkorya ki e̱e̱t ci een Aristarkas ci orog ci Te̱se̱lo̱ni̱ka̱ lo̱o̱ce̱ ci Macedonia.
3Imma i̱i̱te̱n ci reng ka̱ra̱yya̱ naga orog ci een Sidon; kar Juliusi bunnate cinne aanyik Pa̱u̱lo̱ kuk ki̱vo̱n gonoggi abunna ming anyik kaal cik orong enne. 4Imma nginati ko̱o̱tta̱ nyatapare ci a̱ddi̱ki̱re̱ dee kar ki̱li̱tta̱ ngoot ci a̱ppwa̱ kar zin kiyokta abanyce ci lo̱o̱c ci een Cyprus aburuk maama ko̱. 5Baling kettedda nyatapar ci a̱ddi̱ki̱re̱ ki lo̱o̱cco̱k cik een Cilicia ki Pamphylia, ko̱o̱tta̱ naga o̱rge̱ ci een Mira aave lo̱o̱ce̱ ci een Lasiya. 6Uruba ddi̱ki̱ryo̱i̱ti̱ i̱bo̱ ci a̱kku̱ Alikzandria lo̱o̱ce̱ ci Masiro okko lo̱o̱ce̱ ci een Italiya kar zin enne arikket i̱bo̱. 7Kanyakta i̱i̱nya̱ cik meelek goola ngati kowoya i̱bo̱wa̱, kizetta ojone o̱rge̱ ci een Cnidus. Baling ize a̱ppwa̱ ngooti, ko̱o̱tta̱ ki lo̱o̱c ci een Crete aburuk maama ko̱, kowoya Crete lo̱o̱ta̱ ngati ojono ki Salmone. 8Kowoya ti̱ti̱ma̱ piryanzeta kar ki̱vi̱tta̱ orog ci awu ol azi ne, Nginti Maye, ojono ki orog ci een zara Lasea.
9Ke̱de̱cca̱ i̱i̱nya̱ cik meelek oroot. Ize we̱t liila i̱bo̱wa̱ gerza oroot eci i̱yo̱ko̱ ozoro I̱i̱te̱ni̱ wa I̱ya̱wi̱ne̱#27:9 I̱i̱te̱n wa I̱ya̱wi̱ne̱: A̱kku̱ I̱i̱te̱ni̱ wa I̱ya̱wi̱ne̱ nye̱lo̱we̱ ci een torkoc icima nye̱lo̱we̱ ci een omoto e̱rki̱ta̱. Een i̱i̱nya̱ ne̱ko̱ cik gerzek oroot ming eron ol i̱bo̱wa̱, eci a̱ppwe̱ ngooti oroot. Een necu i̱i̱te̱n co̱de̱ e̱rki̱ta̱ ci okkoye alaani ci a̱ddi̱ki̱re̱ wawaco Ngati A̱li̱le̱ Oroot Ce̱e̱ze̱ wa Ta̱mu̱ta̱dde̱no̱, okko azacek bi̱ye̱ kar abunna alalnek ol cik Israilo mu̱nye̱n cigge̱k. I̱ya̱ye̱ olli Israilo i̱i̱te̱n cu kar ki̱ye̱lta̱ azi ne uturtta nege mu̱nye̱n cigge̱k. Ikeb Leviticus 16; To̱ni̱a̱k 27:9; I̱bu̱ru̱ 9-10. Ya̱u̱di̱. I̱ti̱lo̱ Pa̱u̱lo̱ nogo, a̱nne̱k ne, 10“Lo̱o̱ko̱, kacinni zee uk atin we̱t cinna ize gerza i̱bo̱wa̱, egerzan atin kaal cik meelek ki i̱bo̱ ki ruget cinna bu̱k.” 11Ma̱i̱je̱ ddi̱ki̱ryo̱i̱ti̱, aziye zoz ci e̱e̱t ci i̱bo̱wo̱ ki e̱e̱t wa amacuce kommog zoz ci Pa̱u̱lo̱. 12Imma nginti abile i̱bo̱ ko̱, iróng een nginti abunna ming ize tagiz#27:12 Tagiz: Een icu i̱i̱te̱n ci e̱rki̱to̱ okkomi kak ming olli Israilo orong keronit eci ngatinne̱ng aṯile ta̱mu̱, alali kar bo̱do̱k a̱ppwa̱ ngooti oroot. Iróng i̱bo̱ ngatu owo. Imma Tenneta e̱rki̱te̱ cu, een ci odoi looci., izeto ol cik meelek ne, kotozo eci korong naga ku̱zu̱cca̱ orog ci een Phoenis ming ngen kize tagiz. Een necu bali nginti abunna abilne i̱be̱tta̱ ngati een Crete, edevo ki o̱to̱n ci i̱do̱li̱yo̱ ki nyege ki bo̱do̱k i̱do̱ ki nyege.
Ngoot ci een borowoc
13Baling akate ngooti imma cidici u̱vu̱wa̱n o̱to̱ne̱ ci i̱do̱li̱yo̱, i̱no̱ni̱t ol wak a̱li̱ngli̱ng i̱bo̱wa̱ izeto ne kar kotozzo. Odongta zin i̱bo̱le̱ni̱t bali abiliz i̱bo̱ ke̱ ta̱dde̱n, kar zin naga ko̱o̱tta̱ zee kize ojon ti̱ti̱m ci Crete. 14Imma ataman niko, u̱vu̱wa̱n ngooti ci een borowoc a̱kku̱ orgene ci o̱to̱n ci “I̱do̱wa̱ ki je̱e̱na̱,” alucak lo̱o̱c ngati aburuk maama. 15Baling ommoget ngooti, kanyciya ki̱ti̱k i̱bo̱ go̱o̱le̱ ci okkoye ngooti nonno. 16Kozoroya naga i̱do̱li̱yo̱ ci lo̱o̱c cidici een zara Kauda aburuk maama, okkomi zin ba̱li̱ye̱ ngati kodongnyya i̱bo̱ cidici ko̱ rok i̱bo̱ ci a̱ddi̱ki̱re̱ ko̱. 17Baling odongttek nege i̱bo̱ cidici ko̱ ta̱dde̱n, e̱ce̱bi̱t zin nege barune cik okkomi ku̱lu̱cce̱t i̱bo̱ ci a̱ddi̱ki̱re̱ ko̱ ju̱rru̱m kokkom kak. O̱ngo̱o̱le̱ bali nege lo̱o̱c azi ne icima wo̱ye̱ a̱ti̱kke̱t ngooti rok ti̱ti̱m ci anyak azac lo̱o̱ce̱ ci een Syrtis. U̱lu̱co̱i̱ zin nege ru̱u̱m ci e̱ce̱bje̱ i̱bo̱wa̱ kar kaanyik i̱bo̱ koto idic, kar ngooti ki̱tti̱k i̱bo̱. 18U̱vu̱wa̱n zin ngooti ci een borowoc bali nge̱rre̱ti̱n ci reng, okolttek zin nege i̱jjo̱ wak i̱ba̱ ko̱ maam. 19Baling e̱de̱cca̱ nege i̱i̱nya̱ i̱i̱yo̱, u̱ju̱ktte̱k zin kaal u̱gge̱ maam kar kaanyik i̱bo̱ koto. 20Iróng ngen kacinna i̱i̱ ki munyuny i̱i̱nya̱ cik meelek giir, ma̱i̱je̱ ngooti abarik otorye a̱vu̱wa̱n niko. Ma bali vu̱rrta̱, i̱llo̱i̱ gi̱i̱ imma ci ki̱no̱na̱, i̱zzi̱ rugeti to.
21Baling a̱ta̱gu̱zzo̱ ol magizet i̱i̱nya̱ cik meelek, ibil Pa̱u̱lo̱ je̱e̱na̱ ngu̱me̱ cinne̱ng kar zin kize ne, “Lo̱o̱ko̱, ming izikttang, iróng weda ungneku Crete lo̱o̱c oot u̱mu̱dda̱ zoz ci gerze i̱na̱ku̱ng i̱yo̱ko̱ ko̱. 22I̱yo̱ko̱ zin, ka̱nne̱kku̱ng ne aanycik zi̱nze̱tti̱ kokkomit kak, i̱llo̱i̱ atin e̱e̱t imma ci a̱da̱i̱ ngatinno̱ng udut. A̱li̱be̱ atin i̱bo̱ do̱. 23Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni, 24kar kize ne, ‘Ma o̱ngo̱o̱le̱ lo̱o̱c, Pa̱u̱lo̱! Okko atin i̱nna̱ la̱du̱n abili lo̱ki̱ko̱ ngu̱me̱ ci alaan ci a̱ddi̱ki̱re̱ Romi, ma̱i̱je̱ zin Ta̱mu̱ta̱dde̱n bunnate cinne, aanyik ol do̱o̱k wak i̱bo̱wa̱ ka̱vvu̱to̱ labak.’ 25I̱yo̱ko̱ zin, lo̱o̱ko̱, aanycik zi̱nze̱tti̱ kokkomit. Eci anna kanyai tu̱we̱ne̱t ngati Ta̱mu̱ta̱dde̱no̱, okko atin zoz necu ogone ki ming bali a̱du̱wa̱ka̱ enne annit ke̱. 26Abunna la̱du̱n naga ming kazuca lo̱o̱c ngati aburuk maama.”
27Baling izeto ja̱ti̱no̱wa̱ omoto ki we̱c, ngen ngooti a̱ti̱kke̱t nyatapare ci a̱ddi̱ki̱re̱ een zara Adriyatik dee niko. Imma bali ba̱a̱li̱n kenga, a̱gga̱c ol cik a̱li̱ngli̱ng i̱bo̱wa̱ ko̱ ming ize ojon looci. 28Itimanit zin u̱u̱nze̱t ci maamu, amuda e̱e̱ggi̱n maama caazzok o̱bo̱n co̱de̱ ki moten rama, ngen da̱ nege aavtte buluc orgena. Baling ovvo azuca ngin imma, itimanit bo̱do̱k dee, u̱mu̱dda̱ caazzok moten torkoc a̱vvu̱to̱ nege ngati uturi. 29O̱to̱ngo̱o̱ltte̱ nege okko wo̱ye̱ i̱bo̱ ovocek ele biyen, u̱ju̱ktte̱k kaal cik a̱di̱ngdi̱nge̱ ki biyena cik een we̱c kar zin kecebtek i̱bo̱ abunna ming abile maame, kar zin nege kalac Ta̱mu̱ta̱dde̱n zee ba̱a̱li̱n do̱o̱k kaala looci. 30Ma̱i̱je̱ ol wak a̱li̱ngli̱ng i̱bo̱wa̱ ko̱ orong ki̱vi̱re̱t. Idimtta zin i̱bo̱ cidici ko̱ ngati gooni ci a̱ddi̱ki̱re̱ ke̱ kar zin ku̱ju̱ktte̱k maam. U̱ru̱we̱t talaben ngati otod i̱bo̱ azi ne, ovvo nege arike gi̱i̱ ci a̱di̱ngdi̱nge̱ abiliz i̱bo̱ oowa. 31Iizek Pa̱u̱lo̱ ddi̱ki̱ryo̱i̱t ki aciir ciginnek ne, “Ming iróng ol ne̱ko̱ aavtte i̱bo̱wa̱, iróng niga arugnu.” 32Kar zin aciiri etteddit baru i̱bo̱we̱ cidici ke̱ kar kaanycik katavane kuk maame orgena.
33Ma baling ize ojon alizi, u̱du̱wa̱k Pa̱u̱lo̱ nogo do̱o̱k kadakto kar kize ne, “Eci i̱i̱nya̱we̱ balik e̱e̱ggi̱n omoto ki we̱c ke̱, aavtiyyu niga magizet ngen adait rok gi̱i̱ imma. 34I̱yo̱ko̱ zin, ka̱du̱wa̱kku̱ng adait á̱há̱t imma. Abunna arugnu. Kar ki̱zzi̱ e̱e̱ti̱ ci apirna atin ngatinno̱ng.” 35Baling u̱du̱wa̱ Pa̱u̱lo̱ zoz necu, idima zin enne umune kar zin kaanyik Ta̱mu̱ta̱dde̱n zany ngu̱me̱ cinne̱ng do̱o̱k ngati alawine kiziyet nege do̱o̱k, u̱bu̱nya̱n umune neci, kar kadaho. 36Ma baling u̱tu̱gu̱ niko, okkomit zin nogo do̱o̱k zi̱nze̱tti̱, adait zin nege á̱há̱t. 37Ke̱e̱ggi̱nna̱ bali naga do̱o̱k i̱bo̱wa̱ obet rama ki moten turgerem ki torkonom (276). 38Ma baling adakto nege do̱o̱k ke̱le̱zzo̱, u̱ju̱ktte̱k zin labi maam orgen abunna ming ovolvoli i̱bo̱.
39Bali nge̱rre̱ti̱n ci reng, iróng nege ngen a̱gga̱ lo̱o̱c, kar zin abarik edenyca nginti abunna abilne i̱bo̱. Odolta orong ko̱o̱tte̱ i̱bo̱ rok nginti odoi ti̱ti̱ma̱ ming uule nege. 40Etteddit zin baru ne̱k a̱gga̱m kaal wak a̱di̱ngdi̱nge̱ aanyik i̱bo̱ kibil ko̱, kar kutungttek maam kar bo̱do̱k koogit gi̱i̱ ci amacuce nege i̱bo̱ ko̱. Odongit zin ru̱u̱m ci a̱ddi̱ki̱re̱ aave i̱bo̱wa̱ ta̱dde̱na̱ kar ku̱vu̱wa̱n ngooti i̱bo̱ kuk ti̱ti̱ma̱. 41Uguman i̱bo̱ azac ci da̱ alute maame ngati okko ki ti̱ti̱m. A̱gga̱m azac i̱bo̱ kodok kak iróng ngen owo. Ma̱i̱je̱ vu̱rru̱t ci i̱bo̱wo̱ u̱du̱le̱t maama cik apalpalana ngooti.
42I̱no̱ni̱t aciiri orong ku̱ru̱we̱t ol wak e̱ce̱bje̱ lagama ka̱da̱i̱to̱ gerza ming etted maam koot ti̱ti̱ma̱ kar ki̱vi̱re̱t. 43Imma ddi̱ki̱ryo̱i̱ti̱ wa aciiru orong keela Pa̱u̱lo̱ kurug. Alam zin enne aciir ngati orong ku̱ru̱kte̱ nogo. U̱du̱wa̱k zin enne ol cik a̱gga̱ du̱nye̱ne̱t anyik ki̱ta̱za̱k maam kar koot ti̱ti̱ma̱. 44Ovvo uggak annu nogo vu̱rrta̱, ngati a̱gga̱me̱ keen balik a̱du̱la̱i̱ i̱bo̱wa̱ ke̱. Kar zin go̱o̱le̱ necu uzucca ol do̱o̱k ti̱ti̱m labak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.