Buk wa To̱ni̱a̱u̱ 25
25
Lo̱ki̱ko̱ ci Pa̱u̱lo̱ ngu̱me̱ ci Vestusi
1Baling a̱vvu̱ enne i̱i̱nya̱ i̱i̱yo̱ alaanzete cinne, uk Vestusi o̱rge̱ ci een Kesarea rok Jerusalem, 2ngin wa ovvoye alaata cik olli wawaco ki lo̱ddi̱ki̱re̱ cik Ya̱u̱do̱ ovvo oobek nonno zoz ci ovolonge nege Pa̱u̱lo̱. 3U̱du̱kta̱k nege Vestus kar kanyahak nogo Pa̱u̱lo̱ ataman Jerusalema, eci nege orong kar ku̱ru̱we̱t Pa̱u̱lo̱ goola ka̱da̱k. 4O̱bo̱de̱k Vestusi nogo, a̱nne̱k ne, “E̱ce̱bje̱ Pa̱u̱lo̱ Kesareakte, kokko anna ele nginati, i̱i̱nya̱ ne̱ko̱. 5Anycik ddi̱ki̱ryyo̱k u̱gge̱ cuggo̱k ko̱o̱tta̱ ki annita kar ku̱du̱kta̱ ba̱ci̱ cinne nginati, ming u̱tu̱gu̱ enne gi̱i̱ imma ci gerze.”
6Ma baling edeca enne i̱i̱nya̱ tu̱rge̱ icima omoto ki nogo, uluce uk Kesareakte, kar nge̱rre̱ti̱n ci reng, uk lo̱ki̱ka̱ kar ku̱du̱wa̱k ol kanyakta Pa̱u̱lo̱. 7Baling i̱ki̱ya̱ Pa̱u̱lo̱, ibilet Ya̱u̱di̱ balik a̱vvu̱ Jerusalema ke̱ uburuwet nonno, a̱du̱wa̱ no̱ngi̱tto̱n cik gerzek oroot obod ki Pa̱u̱lo̱, ci iróng nege bu̱k anyak rok bbacak.
8U̱du̱wa̱ zin Pa̱u̱lo̱ zoz cinne, azi ne, “Ngen anna ku̱du̱l lo̱ti̱nno̱k cik olli Ya̱u̱do̱ icima kadanga zoz ci obod ki Ce̱e̱z wa Ta̱mu̱ta̱dde̱no̱ icima alaan ci a̱ddi̱ki̱re̱ Romi.”
9Orong alaani Vestusi olli Ya̱u̱do̱ kar kirezit nonno, i̱jji̱n Pa̱u̱lo̱, a̱nne̱k ne, “Elemna i̱nna̱ kar bit Jerusalema kar anna kuk ketted zoz cunne ko̱ nginati?”
10O̱bo̱de̱k Pa̱u̱lo̱ nonno, a̱nne̱k ne, “Kabili anna lo̱ki̱ko̱ ci alaan ci a̱ddi̱ki̱re̱ Romi, nginti kar ol kapakteya ba̱ci̱. Ngen anna ku̱tu̱gu̱we̱k olli Ya̱u̱di̱ gi̱i̱ imma ci gerze, a̱gga̱ i̱nna̱ bu̱k eliya ju̱rru̱m. 11Ming da̱ kabaca zoz imma, abarik zin iróng wo̱ye̱ ko̱ngo̱o̱le̱ daiz. Ma̱i̱je̱ ming een zoz ci anyaha ol cik e̱e̱ggi̱n Ya̱u̱d ko̱ volong, i̱llo̱i̱ e̱e̱t imma ci wo̱ye̱ okkoyya annit ngatinne̱ng. Kalayi i̱nne̱t to̱nna̱ annit kuk rok alaan ci a̱ddi̱ki̱re̱ Romi!”
12Baling edeca Vestusi ki ol ciginnek zoz, kar zin kize ne: “I̱jji̱nu̱ i̱nna̱ orongi bit ngati alaan ci a̱ddi̱ki̱re̱ Romi. Okko atin i̱nna̱ rok nonno!”
Oobek Vestusi alaan Agirippa zoz ci Pa̱u̱lo̱
13Ma bali i̱i̱nya̱ u̱gge̱ vu̱rrta̱, i̱ki̱ya̱ alaani Agirippa ki Bernice,#25:13 Bernice: Een enne ngooni alaan Agirippa. a̱vvu̱na̱k Kesarea, ovvo izza Vestus. 14Baling ovvo nege anyak i̱i̱nya̱ cik meelek nginati, ozoz zin Vestusi zoz ci Pa̱u̱lo̱ ki alaan. Azi enne ne, “Anyak e̱e̱t imma ngatu ci ungnek ddi̱ki̱ryo̱i̱ti̱ ci gaalau een Ve̱li̱ce̱ ko̱ lagam. 15Baling kokko anna Jerusalema, anyaktta alaata cik olli wawaco ki lo̱ddi̱ki̱re̱ cik Ya̱u̱do̱ zoz ci abaci e̱e̱ti̱ neci kar kizeto ne, anyik annit ketted lo̱ki̱ko̱ ci e̱e̱t necu gerzet.
16“Ka̱du̱wa̱k anna nogo a̱nne̱k ne, iróng gon keere ci olli Romi etted lo̱ki̱ko̱ ci e̱e̱to̱ ming ngen enne kozoz zoz cinne ngati aavtte ol balik eceb nonno ke̱, kar abunna enne anyak gool ci ozoze bu̱k. 17Baling i̱vi̱ta̱ nege annit ngatu ngen zin ka̱vvu̱ oroot abarik ku̱du̱wa̱ha̱ aciir kanyakta nonno ngintu. 18Baling itingazzo ol balik ovvoye nonno lo̱ki̱ka̱ ke̱, iróng zin nege a̱du̱wa̱ ba̱ci̱ imma, kere bali anna nogo ku̱du̱kta̱. 19Abarik da̱ nege anyak zoz ci adangone ki nonno zo̱ze̱ ci obod ki tu̱we̱ne̱t cinne̱ng ki bo̱do̱k e̱e̱t ci da̱ a̱da̱k een zara Ye̱su̱ ci azi Pa̱u̱lo̱ ne ngen aruge. 20A̱ma̱li̱le̱ zin oo cinanne kar anna iróng ka̱gga̱ kar ku̱cu̱b zoz ci ogon ki i̱yo̱ko̱ necu ko̱. Ki̱jji̱na̱ zin anna Pa̱u̱lo̱ ming elemna kuk rok Jerusalem kar kuk kibil lo̱ki̱ko̱ nginati. 21Abarik zin Pa̱u̱lo̱ a̱jji̱nna̱, azi ne, kaanyik anna nonno ka̱vvu̱ lagama zee kozozik enne alaan ci a̱ddi̱ki̱re̱ Romi zoz cinne. Kar zin anna ku̱du̱wa̱k aciir kebeit nonno zee ki̱ki̱ya̱ atin ki̱tto̱n nonno kuk ngati alaan ci a̱ddi̱ki̱re̱.”
22Iizek zin Agirippa Vestus ne, “Korongi kizik e̱e̱t neci anna eliya.”
O̱bo̱de̱k Vestusi nonno a̱nne̱k ne, “Okko i̱nna̱ aziyi nonno loza.”
Anyakttak ol Pa̱u̱lo̱ alaan Agirippa
23Okko i̱i̱te̱n ci reng, i̱vi̱ta̱ Agirippa ki Bernice ki koole ci a̱ppwe̱ kar ki̱tto̱zzo̱ lo̱ki̱ko̱ ki ddi̱ki̱ryyo̱k wak aciiru ki wak o̱rgu̱ ko̱. Kar zin Vestusi ku̱du̱wa̱k aciir kanyakta Pa̱u̱lo̱. 24Ozoz zin Vestusi ize ne, “Alaan Agirippa ki ol cik aavtte ngatu ko̱ do̱o̱k, icinntu e̱e̱t cu! I̱vi̱ta̱ zu̱we̱ cik Ya̱u̱do̱ do̱o̱k Jerusalema a̱vvu̱na̱k Kesarea zo̱ze̱ cinne, egereny nege azi ne, anyik nonno ku̱ru̱we̱ ka̱da̱k. 25Abarik zin i̱llo̱i̱ gi̱i̱ ci gerze karuba ogon e̱e̱ti̱ cu, kar wo̱ye̱ enne ku̱ru̱we̱ ka̱da̱k. Ma baling i̱jji̱nna̱ enne annita azi ne, korongi zoz cinanni kozoz alaani ci a̱ddi̱ki̱re̱ Romi, kodola zin anna kar ki̱tto̱na̱ nonno kuk Romakte. 26A̱zze̱ zin zoz ci kar anna keteherek alaan wa a̱ddi̱ki̱re̱ Romi. I̱yo̱ko̱ zin, kanyahakung anna la̱du̱n nonno i̱ge̱ta̱, ommogje i̱nne̱t alaan Agirippa, kar ming edeca i̱nna̱ ji̱ne̱ne̱t nonno, kar wo̱ye̱ anna keteher zoz ci obod ki nonno. 27Abarik zin anna ki̱no̱ni̱ iróng abunna kar ki̱tto̱n e̱e̱t ci e̱ce̱bje̱ ngati i̱llo̱i̱ rok zoz imma ci abaci enne.”
Currently Selected:
Buk wa To̱ni̱a̱u̱ 25: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 25
25
Lo̱ki̱ko̱ ci Pa̱u̱lo̱ ngu̱me̱ ci Vestusi
1Baling a̱vvu̱ enne i̱i̱nya̱ i̱i̱yo̱ alaanzete cinne, uk Vestusi o̱rge̱ ci een Kesarea rok Jerusalem, 2ngin wa ovvoye alaata cik olli wawaco ki lo̱ddi̱ki̱re̱ cik Ya̱u̱do̱ ovvo oobek nonno zoz ci ovolonge nege Pa̱u̱lo̱. 3U̱du̱kta̱k nege Vestus kar kanyahak nogo Pa̱u̱lo̱ ataman Jerusalema, eci nege orong kar ku̱ru̱we̱t Pa̱u̱lo̱ goola ka̱da̱k. 4O̱bo̱de̱k Vestusi nogo, a̱nne̱k ne, “E̱ce̱bje̱ Pa̱u̱lo̱ Kesareakte, kokko anna ele nginati, i̱i̱nya̱ ne̱ko̱. 5Anycik ddi̱ki̱ryyo̱k u̱gge̱ cuggo̱k ko̱o̱tta̱ ki annita kar ku̱du̱kta̱ ba̱ci̱ cinne nginati, ming u̱tu̱gu̱ enne gi̱i̱ imma ci gerze.”
6Ma baling edeca enne i̱i̱nya̱ tu̱rge̱ icima omoto ki nogo, uluce uk Kesareakte, kar nge̱rre̱ti̱n ci reng, uk lo̱ki̱ka̱ kar ku̱du̱wa̱k ol kanyakta Pa̱u̱lo̱. 7Baling i̱ki̱ya̱ Pa̱u̱lo̱, ibilet Ya̱u̱di̱ balik a̱vvu̱ Jerusalema ke̱ uburuwet nonno, a̱du̱wa̱ no̱ngi̱tto̱n cik gerzek oroot obod ki Pa̱u̱lo̱, ci iróng nege bu̱k anyak rok bbacak.
8U̱du̱wa̱ zin Pa̱u̱lo̱ zoz cinne, azi ne, “Ngen anna ku̱du̱l lo̱ti̱nno̱k cik olli Ya̱u̱do̱ icima kadanga zoz ci obod ki Ce̱e̱z wa Ta̱mu̱ta̱dde̱no̱ icima alaan ci a̱ddi̱ki̱re̱ Romi.”
9Orong alaani Vestusi olli Ya̱u̱do̱ kar kirezit nonno, i̱jji̱n Pa̱u̱lo̱, a̱nne̱k ne, “Elemna i̱nna̱ kar bit Jerusalema kar anna kuk ketted zoz cunne ko̱ nginati?”
10O̱bo̱de̱k Pa̱u̱lo̱ nonno, a̱nne̱k ne, “Kabili anna lo̱ki̱ko̱ ci alaan ci a̱ddi̱ki̱re̱ Romi, nginti kar ol kapakteya ba̱ci̱. Ngen anna ku̱tu̱gu̱we̱k olli Ya̱u̱di̱ gi̱i̱ imma ci gerze, a̱gga̱ i̱nna̱ bu̱k eliya ju̱rru̱m. 11Ming da̱ kabaca zoz imma, abarik zin iróng wo̱ye̱ ko̱ngo̱o̱le̱ daiz. Ma̱i̱je̱ ming een zoz ci anyaha ol cik e̱e̱ggi̱n Ya̱u̱d ko̱ volong, i̱llo̱i̱ e̱e̱t imma ci wo̱ye̱ okkoyya annit ngatinne̱ng. Kalayi i̱nne̱t to̱nna̱ annit kuk rok alaan ci a̱ddi̱ki̱re̱ Romi!”
12Baling edeca Vestusi ki ol ciginnek zoz, kar zin kize ne: “I̱jji̱nu̱ i̱nna̱ orongi bit ngati alaan ci a̱ddi̱ki̱re̱ Romi. Okko atin i̱nna̱ rok nonno!”
Oobek Vestusi alaan Agirippa zoz ci Pa̱u̱lo̱
13Ma bali i̱i̱nya̱ u̱gge̱ vu̱rrta̱, i̱ki̱ya̱ alaani Agirippa ki Bernice,#25:13 Bernice: Een enne ngooni alaan Agirippa. a̱vvu̱na̱k Kesarea, ovvo izza Vestus. 14Baling ovvo nege anyak i̱i̱nya̱ cik meelek nginati, ozoz zin Vestusi zoz ci Pa̱u̱lo̱ ki alaan. Azi enne ne, “Anyak e̱e̱t imma ngatu ci ungnek ddi̱ki̱ryo̱i̱ti̱ ci gaalau een Ve̱li̱ce̱ ko̱ lagam. 15Baling kokko anna Jerusalema, anyaktta alaata cik olli wawaco ki lo̱ddi̱ki̱re̱ cik Ya̱u̱do̱ zoz ci abaci e̱e̱ti̱ neci kar kizeto ne, anyik annit ketted lo̱ki̱ko̱ ci e̱e̱t necu gerzet.
16“Ka̱du̱wa̱k anna nogo a̱nne̱k ne, iróng gon keere ci olli Romi etted lo̱ki̱ko̱ ci e̱e̱to̱ ming ngen enne kozoz zoz cinne ngati aavtte ol balik eceb nonno ke̱, kar abunna enne anyak gool ci ozoze bu̱k. 17Baling i̱vi̱ta̱ nege annit ngatu ngen zin ka̱vvu̱ oroot abarik ku̱du̱wa̱ha̱ aciir kanyakta nonno ngintu. 18Baling itingazzo ol balik ovvoye nonno lo̱ki̱ka̱ ke̱, iróng zin nege a̱du̱wa̱ ba̱ci̱ imma, kere bali anna nogo ku̱du̱kta̱. 19Abarik da̱ nege anyak zoz ci adangone ki nonno zo̱ze̱ ci obod ki tu̱we̱ne̱t cinne̱ng ki bo̱do̱k e̱e̱t ci da̱ a̱da̱k een zara Ye̱su̱ ci azi Pa̱u̱lo̱ ne ngen aruge. 20A̱ma̱li̱le̱ zin oo cinanne kar anna iróng ka̱gga̱ kar ku̱cu̱b zoz ci ogon ki i̱yo̱ko̱ necu ko̱. Ki̱jji̱na̱ zin anna Pa̱u̱lo̱ ming elemna kuk rok Jerusalem kar kuk kibil lo̱ki̱ko̱ nginati. 21Abarik zin Pa̱u̱lo̱ a̱jji̱nna̱, azi ne, kaanyik anna nonno ka̱vvu̱ lagama zee kozozik enne alaan ci a̱ddi̱ki̱re̱ Romi zoz cinne. Kar zin anna ku̱du̱wa̱k aciir kebeit nonno zee ki̱ki̱ya̱ atin ki̱tto̱n nonno kuk ngati alaan ci a̱ddi̱ki̱re̱.”
22Iizek zin Agirippa Vestus ne, “Korongi kizik e̱e̱t neci anna eliya.”
O̱bo̱de̱k Vestusi nonno a̱nne̱k ne, “Okko i̱nna̱ aziyi nonno loza.”
Anyakttak ol Pa̱u̱lo̱ alaan Agirippa
23Okko i̱i̱te̱n ci reng, i̱vi̱ta̱ Agirippa ki Bernice ki koole ci a̱ppwe̱ kar ki̱tto̱zzo̱ lo̱ki̱ko̱ ki ddi̱ki̱ryyo̱k wak aciiru ki wak o̱rgu̱ ko̱. Kar zin Vestusi ku̱du̱wa̱k aciir kanyakta Pa̱u̱lo̱. 24Ozoz zin Vestusi ize ne, “Alaan Agirippa ki ol cik aavtte ngatu ko̱ do̱o̱k, icinntu e̱e̱t cu! I̱vi̱ta̱ zu̱we̱ cik Ya̱u̱do̱ do̱o̱k Jerusalema a̱vvu̱na̱k Kesarea zo̱ze̱ cinne, egereny nege azi ne, anyik nonno ku̱ru̱we̱ ka̱da̱k. 25Abarik zin i̱llo̱i̱ gi̱i̱ ci gerze karuba ogon e̱e̱ti̱ cu, kar wo̱ye̱ enne ku̱ru̱we̱ ka̱da̱k. Ma baling i̱jji̱nna̱ enne annita azi ne, korongi zoz cinanni kozoz alaani ci a̱ddi̱ki̱re̱ Romi, kodola zin anna kar ki̱tto̱na̱ nonno kuk Romakte. 26A̱zze̱ zin zoz ci kar anna keteherek alaan wa a̱ddi̱ki̱re̱ Romi. I̱yo̱ko̱ zin, kanyahakung anna la̱du̱n nonno i̱ge̱ta̱, ommogje i̱nne̱t alaan Agirippa, kar ming edeca i̱nna̱ ji̱ne̱ne̱t nonno, kar wo̱ye̱ anna keteher zoz ci obod ki nonno. 27Abarik zin anna ki̱no̱ni̱ iróng abunna kar ki̱tto̱n e̱e̱t ci e̱ce̱bje̱ ngati i̱llo̱i̱ rok zoz imma ci abaci enne.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.