Buk wa To̱ni̱a̱u̱ 24
24
Lo̱ki̱ko̱ ci Pa̱u̱lo̱ ngati Ve̱li̱ce̱
1Baling edeccai i̱i̱nya̱ cik een tu̱r, uluce alaani ci a̱ddi̱ki̱re̱ wawaco een Ananiyas ki lo̱ddi̱ki̱re̱ u̱gge̱ ki e̱e̱t wa lo̱ti̱nno̱u̱ een Tertulias oot o̱rge̱ ci een Kesarea, ovvo a̱du̱wa̱k ddi̱ki̱ryo̱i̱t ci gaalau zoz ci gerze u̱tu̱gu̱ Pa̱u̱lo̱. 2Utuwet ol Pa̱u̱lo̱ ki̱ki̱ya̱ lo̱ki̱ko̱ ecito, akate Tertuliasi ooba no̱ngi̱tto̱n ngu̱me̱ ci Ve̱li̱ce̱: “Kabakta naga bali alaanzete cunne labak necu do̱o̱k, anyaha genyizi cunne bunnat lo̱o̱c cu. 3A̱ddi̱ki̱ri̱ i̱nna̱ oroot, Ve̱li̱ce̱, ka̱du̱wa̱nna̱ naga zoz cu ngati kaanyi i̱nne̱ta̱ zany oroot, lo̱o̱co̱we̱ ki go̱o̱lo̱we̱ do̱o̱k. 4Ma̱i̱je̱ gerza ming kaanyi i̱nne̱t wu̱ce̱z ci zinino, korongi zin anna abunna ming aziknet arrak do̱yo̱i̱t.
5“Kurubta naga e̱e̱t cu, een e̱e̱ti̱ cu e̱e̱t ci a̱vi̱r oo, arumuz Ya̱u̱d lo̱o̱co̱we̱ do̱o̱k. Een enne ddi̱ki̱ryo̱i̱t ci koole imma ci annu Ye̱su̱ wa Nazarethi 6orong ba̱li̱ye̱ enne ku̱tu̱l Ce̱e̱z wa Ta̱mu̱ta̱dde̱no̱; kar zin naga ka̱gga̱mta̱ nonno. 7I̱ki̱ya̱ zin ddi̱ki̱ryo̱i̱ti̱ wa a̱ddi̱ki̱re̱ aciiru een zara Lysias a̱gga̱ma̱i̱t nonno ngatinna̱ng i̱ba̱ti̱ne̱. 8Ji̱n da̱ i̱nna̱ nonno eliya, okko i̱nna̱ aruba zoz cinne gerze kanyahana naga ko̱ ming een de̱de̱.”
9Elemtta Ya̱u̱di̱ do̱o̱k, azi ne, een zo̱zo̱wa̱ ne̱ko̱ do̱o̱k de̱de̱.
10Baling u̱du̱wa̱k ddi̱ki̱ryo̱i̱ti̱ ci gaalau Pa̱u̱lo̱ kozoz, ize zin Pa̱u̱lo̱ ne, “Ka̱gga̱yi̱ uuwe e̱rki̱nya̱ cik meelek ming e̱e̱ni̱ i̱nna̱ e̱e̱t ci ettedi no̱ngi̱tto̱n cik lo̱o̱c cu; i̱yo̱ko̱ zin katalne anna oroot kar ku̱du̱wa̱i̱ i̱nne̱t zoz cinanni. 11Kar i̱nna̱ muda zoz cinanni ju̱rru̱m, ngen kuwe i̱i̱nya̱ cik e̱e̱ggi̱n omoto ki rama ngati bali kokko anna ka̱di̱ngdi̱nga̱ni̱ Ta̱mu̱ta̱dde̱n Jerusalema. 12Ngen Ya̱u̱di̱ ku̱mu̱dda̱ ming kadangona ki e̱e̱t imma Ce̱e̱ze̱ wa Ta̱mu̱ta̱dde̱no̱ icima kanyik ol koyokto Ce̱e̱zi̱nne̱ wak Lawinto, icima ucca orgato Jerusalema. 13Iróng wo̱ye̱ nege i̱ye̱le̱ki̱ zoz ci gerze ku̱tu̱gu̱ anna. 14Abarik zin, kelemna ngati kala Ta̱mu̱ta̱dde̱n wa ji̱ji̱ti̱gga̱c kize nuyait ci kanu gool ci Manyi Ye̱su̱, ci i̱yo̱ko̱ azi nege ne kanu anna gool ci gerze. Ka̱tu̱ anna do̱o̱k kaal wak orkor ki Lo̱ti̱nno̱k ki wak a̱ri̱tto̱u̱, 15karik anna zinin cinanni Ta̱mu̱ta̱dde̱n ki i̱yo̱ko̱ ol ciko, zoz wa azi ne, ingazi atin ol do̱o̱k wak abunna ki wak gerzek daiza. 16Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.
17“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n. 18Baling arubana nege annit re̱e̱ne̱ ci Ce̱e̱z wa Ta̱mu̱ta̱dde̱no̱, kanyiya bali anna ele cinanni ki̱li̱li̱. I̱llo̱i̱ bali koole ci kaavtiya ki annita icima kadangona ki e̱e̱t imma. 19Anyak bali Ya̱u̱d u̱gge̱ lo̱o̱ce̱ ci Asia, abunna abarik ming a̱vvu̱ nege e̱le̱tti̱ne̱ kar ki̱vi̱ta̱ ku̱du̱kta̱ ming ku̱tu̱gu̱ anna gi̱i̱ ci gerze. 20Icima anyik ol cik aavtte ngatu ko̱ ku̱du̱kta̱ ba̱ci̱ cinanni i̱i̱te̱ne̱ bali kabile anna lo̱ki̱ka̱ ke̱ 21a̱du̱wa̱ wo̱ye̱ nege gi̱i̱ co̱de̱ ko̱, kawalwala bali anna ngu̱me̱ cinne̱ng lo̱ki̱ka̱, ka̱nne̱k nogo ne, ‘Kabili lo̱ki̱ka̱ zo̱ze̱ ci ol cik a̱da̱i̱ ovvo atin ingazi daiza.’”
22Kar zin Ve̱li̱ce̱, wa a̱gga̱ gool ci Manyi Ye̱su̱ ju̱rru̱m, ibiliz ro̱ni̱. Kar enne kizek ol ne, “Ming i̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ aciiru een Lysias, kokko atin anna kettedi zoz cunno̱ng.” 23Kar zin enne ku̱du̱wa̱k ddi̱ki̱ryo̱i̱t wa aciiru kebek Pa̱u̱lo̱ kar kaanyik nonno koto labak kar bo̱do̱k kanyik gonoggi kanyaktak gi̱i̱ ci ette orong enne.
24Baling e̱de̱cca̱ i̱i̱nya̱ u̱gge̱, i̱vi̱ta̱ Ve̱li̱ce̱ ki ngaa cinne een zara Drusilla, een enne Ya̱u̱do̱c. I̱tto̱n ol koot kanyakta Pa̱u̱lo̱ ki̱ki̱ya̱ kuwahek nogo zoz ci obod ki tu̱we̱ne̱t ngati Ye̱su̱ Ki̱ri̱sto̱. 25Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.” 26Abarik da̱ Ve̱li̱ce̱ arik zinin, azi ne, aanya atidic Pa̱u̱lo̱ o̱ro̱bi̱ya̱ kar enne kooga nonno, awu enne Pa̱u̱lo̱ odohize kar kozozit ki nonno.
27Ma baling edeccai e̱rki̱to̱wa̱ cik e̱e̱ggi̱n rama, aragiz ddi̱ki̱ryo̱i̱ti̱ ci gaalau imma lo̱o̱c, ci een zara Porcius Vestus, eci bali Ve̱li̱ce̱ orong Ya̱u̱d katalit nonno, utungek zin enne Pa̱u̱lo̱ kecebe lagama.
Currently Selected:
Buk wa To̱ni̱a̱u̱ 24: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 24
24
Lo̱ki̱ko̱ ci Pa̱u̱lo̱ ngati Ve̱li̱ce̱
1Baling edeccai i̱i̱nya̱ cik een tu̱r, uluce alaani ci a̱ddi̱ki̱re̱ wawaco een Ananiyas ki lo̱ddi̱ki̱re̱ u̱gge̱ ki e̱e̱t wa lo̱ti̱nno̱u̱ een Tertulias oot o̱rge̱ ci een Kesarea, ovvo a̱du̱wa̱k ddi̱ki̱ryo̱i̱t ci gaalau zoz ci gerze u̱tu̱gu̱ Pa̱u̱lo̱. 2Utuwet ol Pa̱u̱lo̱ ki̱ki̱ya̱ lo̱ki̱ko̱ ecito, akate Tertuliasi ooba no̱ngi̱tto̱n ngu̱me̱ ci Ve̱li̱ce̱: “Kabakta naga bali alaanzete cunne labak necu do̱o̱k, anyaha genyizi cunne bunnat lo̱o̱c cu. 3A̱ddi̱ki̱ri̱ i̱nna̱ oroot, Ve̱li̱ce̱, ka̱du̱wa̱nna̱ naga zoz cu ngati kaanyi i̱nne̱ta̱ zany oroot, lo̱o̱co̱we̱ ki go̱o̱lo̱we̱ do̱o̱k. 4Ma̱i̱je̱ gerza ming kaanyi i̱nne̱t wu̱ce̱z ci zinino, korongi zin anna abunna ming aziknet arrak do̱yo̱i̱t.
5“Kurubta naga e̱e̱t cu, een e̱e̱ti̱ cu e̱e̱t ci a̱vi̱r oo, arumuz Ya̱u̱d lo̱o̱co̱we̱ do̱o̱k. Een enne ddi̱ki̱ryo̱i̱t ci koole imma ci annu Ye̱su̱ wa Nazarethi 6orong ba̱li̱ye̱ enne ku̱tu̱l Ce̱e̱z wa Ta̱mu̱ta̱dde̱no̱; kar zin naga ka̱gga̱mta̱ nonno. 7I̱ki̱ya̱ zin ddi̱ki̱ryo̱i̱ti̱ wa a̱ddi̱ki̱re̱ aciiru een zara Lysias a̱gga̱ma̱i̱t nonno ngatinna̱ng i̱ba̱ti̱ne̱. 8Ji̱n da̱ i̱nna̱ nonno eliya, okko i̱nna̱ aruba zoz cinne gerze kanyahana naga ko̱ ming een de̱de̱.”
9Elemtta Ya̱u̱di̱ do̱o̱k, azi ne, een zo̱zo̱wa̱ ne̱ko̱ do̱o̱k de̱de̱.
10Baling u̱du̱wa̱k ddi̱ki̱ryo̱i̱ti̱ ci gaalau Pa̱u̱lo̱ kozoz, ize zin Pa̱u̱lo̱ ne, “Ka̱gga̱yi̱ uuwe e̱rki̱nya̱ cik meelek ming e̱e̱ni̱ i̱nna̱ e̱e̱t ci ettedi no̱ngi̱tto̱n cik lo̱o̱c cu; i̱yo̱ko̱ zin katalne anna oroot kar ku̱du̱wa̱i̱ i̱nne̱t zoz cinanni. 11Kar i̱nna̱ muda zoz cinanni ju̱rru̱m, ngen kuwe i̱i̱nya̱ cik e̱e̱ggi̱n omoto ki rama ngati bali kokko anna ka̱di̱ngdi̱nga̱ni̱ Ta̱mu̱ta̱dde̱n Jerusalema. 12Ngen Ya̱u̱di̱ ku̱mu̱dda̱ ming kadangona ki e̱e̱t imma Ce̱e̱ze̱ wa Ta̱mu̱ta̱dde̱no̱ icima kanyik ol koyokto Ce̱e̱zi̱nne̱ wak Lawinto, icima ucca orgato Jerusalema. 13Iróng wo̱ye̱ nege i̱ye̱le̱ki̱ zoz ci gerze ku̱tu̱gu̱ anna. 14Abarik zin, kelemna ngati kala Ta̱mu̱ta̱dde̱n wa ji̱ji̱ti̱gga̱c kize nuyait ci kanu gool ci Manyi Ye̱su̱, ci i̱yo̱ko̱ azi nege ne kanu anna gool ci gerze. Ka̱tu̱ anna do̱o̱k kaal wak orkor ki Lo̱ti̱nno̱k ki wak a̱ri̱tto̱u̱, 15karik anna zinin cinanni Ta̱mu̱ta̱dde̱n ki i̱yo̱ko̱ ol ciko, zoz wa azi ne, ingazi atin ol do̱o̱k wak abunna ki wak gerzek daiza. 16Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.
17“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n. 18Baling arubana nege annit re̱e̱ne̱ ci Ce̱e̱z wa Ta̱mu̱ta̱dde̱no̱, kanyiya bali anna ele cinanni ki̱li̱li̱. I̱llo̱i̱ bali koole ci kaavtiya ki annita icima kadangona ki e̱e̱t imma. 19Anyak bali Ya̱u̱d u̱gge̱ lo̱o̱ce̱ ci Asia, abunna abarik ming a̱vvu̱ nege e̱le̱tti̱ne̱ kar ki̱vi̱ta̱ ku̱du̱kta̱ ming ku̱tu̱gu̱ anna gi̱i̱ ci gerze. 20Icima anyik ol cik aavtte ngatu ko̱ ku̱du̱kta̱ ba̱ci̱ cinanni i̱i̱te̱ne̱ bali kabile anna lo̱ki̱ka̱ ke̱ 21a̱du̱wa̱ wo̱ye̱ nege gi̱i̱ co̱de̱ ko̱, kawalwala bali anna ngu̱me̱ cinne̱ng lo̱ki̱ka̱, ka̱nne̱k nogo ne, ‘Kabili lo̱ki̱ka̱ zo̱ze̱ ci ol cik a̱da̱i̱ ovvo atin ingazi daiza.’”
22Kar zin Ve̱li̱ce̱, wa a̱gga̱ gool ci Manyi Ye̱su̱ ju̱rru̱m, ibiliz ro̱ni̱. Kar enne kizek ol ne, “Ming i̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ aciiru een Lysias, kokko atin anna kettedi zoz cunno̱ng.” 23Kar zin enne ku̱du̱wa̱k ddi̱ki̱ryo̱i̱t wa aciiru kebek Pa̱u̱lo̱ kar kaanyik nonno koto labak kar bo̱do̱k kanyik gonoggi kanyaktak gi̱i̱ ci ette orong enne.
24Baling e̱de̱cca̱ i̱i̱nya̱ u̱gge̱, i̱vi̱ta̱ Ve̱li̱ce̱ ki ngaa cinne een zara Drusilla, een enne Ya̱u̱do̱c. I̱tto̱n ol koot kanyakta Pa̱u̱lo̱ ki̱ki̱ya̱ kuwahek nogo zoz ci obod ki tu̱we̱ne̱t ngati Ye̱su̱ Ki̱ri̱sto̱. 25Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.” 26Abarik da̱ Ve̱li̱ce̱ arik zinin, azi ne, aanya atidic Pa̱u̱lo̱ o̱ro̱bi̱ya̱ kar enne kooga nonno, awu enne Pa̱u̱lo̱ odohize kar kozozit ki nonno.
27Ma baling edeccai e̱rki̱to̱wa̱ cik e̱e̱ggi̱n rama, aragiz ddi̱ki̱ryo̱i̱ti̱ ci gaalau imma lo̱o̱c, ci een zara Porcius Vestus, eci bali Ve̱li̱ce̱ orong Ya̱u̱d katalit nonno, utungek zin enne Pa̱u̱lo̱ kecebe lagama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.