Buk wa To̱ni̱a̱u̱ 23
23
1Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.” 2Okko zin zo̱ze̱ necu, u̱du̱wa̱k Ananiyasi alaani ci a̱ddi̱ki̱re̱ wawaco ol wak abile abanyce ci Pa̱u̱lo̱ kapannit nonno utug. 3Izek Pa̱u̱lo̱ nonno ne, “Edezi atin Ta̱mu̱ta̱dde̱n, ogoni i̱nna̱ ki ce̱e̱z ci a̱di̱le̱ eci re̱e̱nu̱no̱ imma ecito a̱mu̱we̱! Aave i̱nna̱ ngatu kar tedeka annit lo̱ki̱ko̱ go̱o̱le̱ ci lo̱ti̱nno̱u̱, abarik zin i̱nna̱ u̱du̱lu̱ lo̱ti̱nno̱k eci u̱du̱wa̱u̱ i̱nna̱ ol kapanta annita.”
4Ma̱i̱je̱ ol balik abile abanyce ci Pa̱u̱lo̱ ojonun ke̱ izeto ne, “Nyaa i̱nna̱ ming odomi alaan ci a̱ddi̱ki̱re̱ wawaco Ta̱mu̱ta̱dde̱no̱ ko̱?”
5O̱bo̱de̱k Pa̱u̱lo̱ nogo izek ne, “Gotonogga, iróng anna ka̱gga̱ ming een e̱e̱ti̱ cu alaan ci a̱ddi̱ki̱re̱ wawaco; eci e̱he̱rye̱ azi ne: ‘Ma ozozi gerzet ngati ddi̱ki̱ryo̱i̱t ci abal ol cigunnek.’”#Lu̱ge̱z 22:28
6A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.” 7Baling u̱du̱wa̱ enne zoz necu, adangto Varacisi ki Saddocis, kengerto ol orgena. 8Azi Saddocis ne, a̱zze̱ ngazi to, kar bo̱do̱k kizeto ne, a̱zze̱ rok anjilonya icima vongizzok, ma̱i̱je̱ Varacisi azi ne, aavtte kaala ne̱ko̱ do̱o̱k to.
9A̱vvu̱ zoz ci aburne ol nong oroot to, kar de̱me̱zzo̱wa̱ wak lo̱ti̱nno̱u̱ uggak wak een Varacis, ibilet je̱e̱na̱ kar zin kadangto oroot, azi nege ne, “I̱llo̱i̱ gi̱i̱ ci gerze kamudanna ngati e̱e̱t cu. Nyaa ming ozozik vongizi icima anjilo nonno ko̱?” 10Adangto ol oroot ko̱to̱ngo̱o̱le̱ ddi̱ki̱ryo̱i̱ti̱ wa a̱ddi̱ki̱re̱ aciiru, i̱no̱n enne azi ne a̱ru̱k atidic ol Pa̱u̱lo̱ ka̱da̱k. U̱du̱wa̱k zin aciir koot kanyakta nonno nginati i̱ba̱ti̱ne̱ kar kanyaktak ngin wa aavtte nege.
11Imma bali ba̱a̱li̱n ci reng, ibil Manyi abanyce ci Pa̱u̱lo̱ kar kize ne, “Anyik zinin cunne kokkom! Ki i̱yo̱ko̱ baling iize i̱nna̱ bbacait Jerusalema ke̱, abunna zin la̱du̱n ming e̱e̱ni̱ bbacait Roma.”
Orong ol kumunyet Pa̱u̱lo̱
12Kar nge̱rre̱ti̱n ci reng, u̱lu̱tte̱ Ya̱u̱di̱ uggak kar zin kuwait ku̱tu̱gu̱zzo̱ olom ci azi nege ne, iróng arrak adakce icima aud maam zee ku̱ru̱we̱t Pa̱u̱lo̱ ka̱da̱k. 13Ommog ol cik orong ku̱ru̱we̱t Pa̱u̱lo̱ ko̱ moten we̱c. 14Oot nege ngati alaat cik olli wawaco ki lo̱ddi̱ki̱re̱ kar kizek nogo ne, “Ku̱tu̱gu̱zza̱ naga olom ci iróng kadaina zee ku̱ru̱kta̱ Pa̱u̱lo̱ ka̱da̱k. 15I̱yo̱ko̱ zin, niga ki olli lo̱ki̱ko̱, alabta ddi̱ki̱ryo̱i̱t wa a̱ddi̱ki̱re̱ kar kanyaha Pa̱u̱lo̱, izektek nonno ne, korongnya naga ki̱jji̱nta̱ zoz cinne ju̱rru̱m. Kereya naga nonno goola kar ku̱ru̱kta̱ ka̱da̱k ming ngen ku̱zu̱cca̱ ngintu.”
16Baling izik ngerrti ngooni Pa̱u̱lo̱ zoz necu, uk ngati aavtte aciiri ko̱ kar ku̱du̱wa̱k Pa̱u̱lo̱ zoz necu.
17Utu zin Pa̱u̱lo̱ ddi̱ki̱ryo̱i̱t co̱de̱ ci aciiru kar kizek ne, “Bite lo̱gu̱t cu ngati ddi̱ki̱ryo̱i̱t wa a̱ddi̱ki̱re̱ ko̱, anyak zoz ci orong enne ku̱du̱wa̱k nonno.” 18Uwe zin enne nonno rok ddi̱ki̱ryo̱i̱t wa a̱ddi̱ki̱re̱.
Kar zin ddi̱ki̱ryo̱i̱ti̱ kizek nonno ne, “I̱tto̱na̱na̱ Pa̱u̱lo̱ wa e̱ce̱bje̱ ko̱, a̱jji̱nna̱ bo̱do̱k annita kar kanyaha lo̱gu̱t cu rok i̱nne̱ta̱ eci enne anyak zoz ci okko a̱du̱wa̱ki̱ i̱nne̱ta̱.”
19A̱gga̱m ddi̱ki̱ryo̱i̱ti̱ wa a̱ddi̱ki̱re̱ a̱zzi̱t ci lo̱gu̱t neci kar kuwe abanyca kar ki̱jji̱n nonno a̱nne̱k ne, “Nyaa ci orongi i̱nna̱ du̱wa̱ka̱ ko̱?”
20Ize zin enne ne: “Elemtta olli Ya̱u̱do̱ kar ki̱jji̱nti̱n kar nyaha Pa̱u̱lo̱ lo̱ki̱ko̱ loza, eci nege a̱ru̱k talaben, azi ne korongnya ka̱gga̱yya̱ zoz ci Pa̱u̱lo̱ ju̱rru̱m. 21Ma edeconik ngati anyike nogo Pa̱u̱lo̱, eci anyak ol cik meelek giir aavtte goola orong ku̱ru̱we̱t nonno. Ogon bali nege olom ci i̱ya̱ye̱ iróng aud rok maam zee ku̱ru̱we̱t nege Pa̱u̱lo̱ ka̱da̱k. A̱vvu̱to̱ abarik nege goola, ngen ere i̱nne̱t oogak nogo Pa̱u̱lo̱.”
22Aanyik zin ddi̱ki̱ryo̱i̱ti̱ wa a̱ddi̱ki̱re̱ lo̱gu̱t neci kuk kar ki̱ti̱lo̱ nonno, “Ma zin a̱du̱wa̱k e̱e̱t imma, azi ne, u̱du̱wa̱ i̱nna̱ annit zoz necu.”
U̱lu̱gte̱ ol Pa̱u̱lo̱ rok orog ci Kesarea
23Utu zin ddi̱ki̱ryo̱i̱ti̱ wa a̱ddi̱ki̱re̱ ko̱ ddi̱ki̱ryyo̱k ciginnek rama kar ku̱du̱wa̱k nogo, a̱nne̱k ne, “Idimtta aciir cik een obet rama, aciir cik ottod vartange moten turgerem ki aciir cik illanyau obet rama koot o̱rge̱ ci een Kesarea ming ize saa torkoc atidic ba̱a̱l. 24O̱o̱tte̱ vartange kar Pa̱u̱lo̱ kotod zee kuzuca Ve̱li̱ce̱ ddi̱ki̱ryo̱i̱t ci gaalau labak.”
25Eher enne waraga ci ogon ke̱te̱:
26Eher Claudius Lysias,
Keherik ddi̱ki̱ryo̱i̱t, Ve̱li̱ce̱ ddi̱ki̱ryo̱i̱t ci gaalau:
Zawinet.
27A̱gga̱mi̱t ba̱li̱ye̱ ol wak Ya̱u̱di̱ e̱e̱t necu, orong abarik ku̱ru̱we̱t nonno ka̱da̱k, ki̱ki̱ya̱ zin anna ki aciir cigannik kokko keela nonno, eci anna kamuda een enne e̱e̱t ci Romi. 28Korongi anna ka̱gga̱ nyaa ming aburnek nege nonno nong, kar zin anna kanyahak nonno lo̱ki̱ko̱ cinne̱ng. 29Kumuda zin abure nege nong zo̱ze̱ ci obod ki lo̱ti̱nno̱k cigge̱k, imma zin zo̱ze̱ necu, kacinni i̱llo̱i̱ ba̱ci̱ imma kar anna kettedik nonno daiz icima karike lagam. 30Ma baling kiziya anna zoz ci adawane ol nonno orong ku̱ru̱we̱t ka̱da̱k, ki̱tto̱na̱i̱ zin anna i̱nne̱t nonno lak co̱de̱ niko. Ku̱du̱wa̱ha̱ bo̱do̱k anna ol balik abure nong ngatinne ke̱ kar kanyaktai i̱nne̱t zoz cinne̱ng.
31U̱tu̱gu̱zzo̱ zin aciiri zoz bali a̱du̱wa̱k ddi̱ki̱ryo̱i̱ti̱ nogo ke̱, o̱o̱tte̱ zin Pa̱u̱lo̱ bali ba̱a̱l rok orog ci een zara Antipatris. 32Kar nge̱rre̱ti̱n ci reng, o̱bo̱dda̱ aciiri wak balik owo zoone ke̱ rok nginti aavtte nege, i̱nya̱ma̱ni̱t ol wak ottod vartange ke̱ Pa̱u̱lo̱. 33Baling u̱zu̱cca̱ nege Kesarea, aanycik zin waraga ddi̱ki̱ryo̱i̱t ci gaalau kar bo̱do̱k kaanycik nonno Pa̱u̱lo̱. 34Ikeb zin enne waraga kar ki̱jji̱nno̱ aave da̱ enne lo̱o̱ce̱ jang. Eci enne uruba, aave da̱ Pa̱u̱lo̱ lo̱o̱ce̱ ci een Cilicia, 35kar kizek nonno ne, “A̱vvu̱ i̱nna̱, koobi atin anna zoz cunne ming u̱zu̱cca̱ ol balik abili i̱nne̱t ke̱ ngintu.” Kar zin enne ku̱du̱wa̱k ol wak ebekce ko̱ ku̱zu̱tte̱ Pa̱u̱lo̱ ce̱e̱ze̱ ci a̱ddi̱ki̱re̱ alaan He̱ro̱d ko̱ ju̱rru̱m.
Currently Selected:
Buk wa To̱ni̱a̱u̱ 23: tex
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Buk wa To̱ni̱a̱u̱ 23
23
1Egelem Pa̱u̱lo̱ ol wak lo̱ki̱ko̱ kar kize ne, “Gotonogga, ku̱tu̱gu̱ anna li̱ngli̱ngo̱n ci Ta̱mu̱ta̱dde̱no̱ zinine ci abunna rok wazin cu.” 2Okko zin zo̱ze̱ necu, u̱du̱wa̱k Ananiyasi alaani ci a̱ddi̱ki̱re̱ wawaco ol wak abile abanyce ci Pa̱u̱lo̱ kapannit nonno utug. 3Izek Pa̱u̱lo̱ nonno ne, “Edezi atin Ta̱mu̱ta̱dde̱n, ogoni i̱nna̱ ki ce̱e̱z ci a̱di̱le̱ eci re̱e̱nu̱no̱ imma ecito a̱mu̱we̱! Aave i̱nna̱ ngatu kar tedeka annit lo̱ki̱ko̱ go̱o̱le̱ ci lo̱ti̱nno̱u̱, abarik zin i̱nna̱ u̱du̱lu̱ lo̱ti̱nno̱k eci u̱du̱wa̱u̱ i̱nna̱ ol kapanta annita.”
4Ma̱i̱je̱ ol balik abile abanyce ci Pa̱u̱lo̱ ojonun ke̱ izeto ne, “Nyaa i̱nna̱ ming odomi alaan ci a̱ddi̱ki̱re̱ wawaco Ta̱mu̱ta̱dde̱no̱ ko̱?”
5O̱bo̱de̱k Pa̱u̱lo̱ nogo izek ne, “Gotonogga, iróng anna ka̱gga̱ ming een e̱e̱ti̱ cu alaan ci a̱ddi̱ki̱re̱ wawaco; eci e̱he̱rye̱ azi ne: ‘Ma ozozi gerzet ngati ddi̱ki̱ryo̱i̱t ci abal ol cigunnek.’”#Lu̱ge̱z 22:28
6A̱gga̱ Pa̱u̱lo̱ e̱e̱ggi̱n ol ciko uggak Saddocis, ovvo uggak e̱e̱ggi̱n Varacis, egerenyik olli lo̱ki̱ko̱, a̱nne̱k ne, “Gotonogga, ke̱e̱ni̱ anna Varacis, ngerrti Varacisoc. Kabili anna lo̱ki̱ka̱, eci karik anna zinin ngazi ci atin ingane ol wak a̱da̱i̱to̱.” 7Baling u̱du̱wa̱ enne zoz necu, adangto Varacisi ki Saddocis, kengerto ol orgena. 8Azi Saddocis ne, a̱zze̱ ngazi to, kar bo̱do̱k kizeto ne, a̱zze̱ rok anjilonya icima vongizzok, ma̱i̱je̱ Varacisi azi ne, aavtte kaala ne̱ko̱ do̱o̱k to.
9A̱vvu̱ zoz ci aburne ol nong oroot to, kar de̱me̱zzo̱wa̱ wak lo̱ti̱nno̱u̱ uggak wak een Varacis, ibilet je̱e̱na̱ kar zin kadangto oroot, azi nege ne, “I̱llo̱i̱ gi̱i̱ ci gerze kamudanna ngati e̱e̱t cu. Nyaa ming ozozik vongizi icima anjilo nonno ko̱?” 10Adangto ol oroot ko̱to̱ngo̱o̱le̱ ddi̱ki̱ryo̱i̱ti̱ wa a̱ddi̱ki̱re̱ aciiru, i̱no̱n enne azi ne a̱ru̱k atidic ol Pa̱u̱lo̱ ka̱da̱k. U̱du̱wa̱k zin aciir koot kanyakta nonno nginati i̱ba̱ti̱ne̱ kar kanyaktak ngin wa aavtte nege.
11Imma bali ba̱a̱li̱n ci reng, ibil Manyi abanyce ci Pa̱u̱lo̱ kar kize ne, “Anyik zinin cunne kokkom! Ki i̱yo̱ko̱ baling iize i̱nna̱ bbacait Jerusalema ke̱, abunna zin la̱du̱n ming e̱e̱ni̱ bbacait Roma.”
Orong ol kumunyet Pa̱u̱lo̱
12Kar nge̱rre̱ti̱n ci reng, u̱lu̱tte̱ Ya̱u̱di̱ uggak kar zin kuwait ku̱tu̱gu̱zzo̱ olom ci azi nege ne, iróng arrak adakce icima aud maam zee ku̱ru̱we̱t Pa̱u̱lo̱ ka̱da̱k. 13Ommog ol cik orong ku̱ru̱we̱t Pa̱u̱lo̱ ko̱ moten we̱c. 14Oot nege ngati alaat cik olli wawaco ki lo̱ddi̱ki̱re̱ kar kizek nogo ne, “Ku̱tu̱gu̱zza̱ naga olom ci iróng kadaina zee ku̱ru̱kta̱ Pa̱u̱lo̱ ka̱da̱k. 15I̱yo̱ko̱ zin, niga ki olli lo̱ki̱ko̱, alabta ddi̱ki̱ryo̱i̱t wa a̱ddi̱ki̱re̱ kar kanyaha Pa̱u̱lo̱, izektek nonno ne, korongnya naga ki̱jji̱nta̱ zoz cinne ju̱rru̱m. Kereya naga nonno goola kar ku̱ru̱kta̱ ka̱da̱k ming ngen ku̱zu̱cca̱ ngintu.”
16Baling izik ngerrti ngooni Pa̱u̱lo̱ zoz necu, uk ngati aavtte aciiri ko̱ kar ku̱du̱wa̱k Pa̱u̱lo̱ zoz necu.
17Utu zin Pa̱u̱lo̱ ddi̱ki̱ryo̱i̱t co̱de̱ ci aciiru kar kizek ne, “Bite lo̱gu̱t cu ngati ddi̱ki̱ryo̱i̱t wa a̱ddi̱ki̱re̱ ko̱, anyak zoz ci orong enne ku̱du̱wa̱k nonno.” 18Uwe zin enne nonno rok ddi̱ki̱ryo̱i̱t wa a̱ddi̱ki̱re̱.
Kar zin ddi̱ki̱ryo̱i̱ti̱ kizek nonno ne, “I̱tto̱na̱na̱ Pa̱u̱lo̱ wa e̱ce̱bje̱ ko̱, a̱jji̱nna̱ bo̱do̱k annita kar kanyaha lo̱gu̱t cu rok i̱nne̱ta̱ eci enne anyak zoz ci okko a̱du̱wa̱ki̱ i̱nne̱ta̱.”
19A̱gga̱m ddi̱ki̱ryo̱i̱ti̱ wa a̱ddi̱ki̱re̱ a̱zzi̱t ci lo̱gu̱t neci kar kuwe abanyca kar ki̱jji̱n nonno a̱nne̱k ne, “Nyaa ci orongi i̱nna̱ du̱wa̱ka̱ ko̱?”
20Ize zin enne ne: “Elemtta olli Ya̱u̱do̱ kar ki̱jji̱nti̱n kar nyaha Pa̱u̱lo̱ lo̱ki̱ko̱ loza, eci nege a̱ru̱k talaben, azi ne korongnya ka̱gga̱yya̱ zoz ci Pa̱u̱lo̱ ju̱rru̱m. 21Ma edeconik ngati anyike nogo Pa̱u̱lo̱, eci anyak ol cik meelek giir aavtte goola orong ku̱ru̱we̱t nonno. Ogon bali nege olom ci i̱ya̱ye̱ iróng aud rok maam zee ku̱ru̱we̱t nege Pa̱u̱lo̱ ka̱da̱k. A̱vvu̱to̱ abarik nege goola, ngen ere i̱nne̱t oogak nogo Pa̱u̱lo̱.”
22Aanyik zin ddi̱ki̱ryo̱i̱ti̱ wa a̱ddi̱ki̱re̱ lo̱gu̱t neci kuk kar ki̱ti̱lo̱ nonno, “Ma zin a̱du̱wa̱k e̱e̱t imma, azi ne, u̱du̱wa̱ i̱nna̱ annit zoz necu.”
U̱lu̱gte̱ ol Pa̱u̱lo̱ rok orog ci Kesarea
23Utu zin ddi̱ki̱ryo̱i̱ti̱ wa a̱ddi̱ki̱re̱ ko̱ ddi̱ki̱ryyo̱k ciginnek rama kar ku̱du̱wa̱k nogo, a̱nne̱k ne, “Idimtta aciir cik een obet rama, aciir cik ottod vartange moten turgerem ki aciir cik illanyau obet rama koot o̱rge̱ ci een Kesarea ming ize saa torkoc atidic ba̱a̱l. 24O̱o̱tte̱ vartange kar Pa̱u̱lo̱ kotod zee kuzuca Ve̱li̱ce̱ ddi̱ki̱ryo̱i̱t ci gaalau labak.”
25Eher enne waraga ci ogon ke̱te̱:
26Eher Claudius Lysias,
Keherik ddi̱ki̱ryo̱i̱t, Ve̱li̱ce̱ ddi̱ki̱ryo̱i̱t ci gaalau:
Zawinet.
27A̱gga̱mi̱t ba̱li̱ye̱ ol wak Ya̱u̱di̱ e̱e̱t necu, orong abarik ku̱ru̱we̱t nonno ka̱da̱k, ki̱ki̱ya̱ zin anna ki aciir cigannik kokko keela nonno, eci anna kamuda een enne e̱e̱t ci Romi. 28Korongi anna ka̱gga̱ nyaa ming aburnek nege nonno nong, kar zin anna kanyahak nonno lo̱ki̱ko̱ cinne̱ng. 29Kumuda zin abure nege nong zo̱ze̱ ci obod ki lo̱ti̱nno̱k cigge̱k, imma zin zo̱ze̱ necu, kacinni i̱llo̱i̱ ba̱ci̱ imma kar anna kettedik nonno daiz icima karike lagam. 30Ma baling kiziya anna zoz ci adawane ol nonno orong ku̱ru̱we̱t ka̱da̱k, ki̱tto̱na̱i̱ zin anna i̱nne̱t nonno lak co̱de̱ niko. Ku̱du̱wa̱ha̱ bo̱do̱k anna ol balik abure nong ngatinne ke̱ kar kanyaktai i̱nne̱t zoz cinne̱ng.
31U̱tu̱gu̱zzo̱ zin aciiri zoz bali a̱du̱wa̱k ddi̱ki̱ryo̱i̱ti̱ nogo ke̱, o̱o̱tte̱ zin Pa̱u̱lo̱ bali ba̱a̱l rok orog ci een zara Antipatris. 32Kar nge̱rre̱ti̱n ci reng, o̱bo̱dda̱ aciiri wak balik owo zoone ke̱ rok nginti aavtte nege, i̱nya̱ma̱ni̱t ol wak ottod vartange ke̱ Pa̱u̱lo̱. 33Baling u̱zu̱cca̱ nege Kesarea, aanycik zin waraga ddi̱ki̱ryo̱i̱t ci gaalau kar bo̱do̱k kaanycik nonno Pa̱u̱lo̱. 34Ikeb zin enne waraga kar ki̱jji̱nno̱ aave da̱ enne lo̱o̱ce̱ jang. Eci enne uruba, aave da̱ Pa̱u̱lo̱ lo̱o̱ce̱ ci een Cilicia, 35kar kizek nonno ne, “A̱vvu̱ i̱nna̱, koobi atin anna zoz cunne ming u̱zu̱cca̱ ol balik abili i̱nne̱t ke̱ ngintu.” Kar zin enne ku̱du̱wa̱k ol wak ebekce ko̱ ku̱zu̱tte̱ Pa̱u̱lo̱ ce̱e̱ze̱ ci a̱ddi̱ki̱re̱ alaan He̱ro̱d ko̱ ju̱rru̱m.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.