Kada Bulawan 28
28
1Ia to togaja' te'da nadiula' namale palai,
apa ia to tomakassing, barani susi singa.
2Disullei tarruh to tomangparenta llan kampong,
ke mangngewa tarruhhi to tobuda,
apa ia ke den tomapahang na paissen mangparenta,
la rapa' to tobuda namanyaman to kampong.
3Ia to tokaasi-asi, ke mpandasai padanna totangpakulle,
susii uran bara' to ssolangan tananan.
4Ia to tote'da naparinawa atoran-Na Puang Allataala, mpuji togaja',
apa ia to tonturu' atoran-Na, nnewa togaja'.
5Ia to togaja', te'da napahangngi to maruruh mangra'tah,
apa ia to tossompa Puang Allataala gaja napahang.
6La'biranmo tokaasi-asi apa maruruh to penawa,
na ia tosugih apa majekkong.
7Mapahang to kallolo mparinawa tongan atoran-Na Puang Allataala,
apa ia to tosiama' tomaullak mpakasiri' ambe'na.
8Ia to tompusugih assele' bunga doi'na na mesaro la'da',
tongkamaseira tokaasi-asi la mputawai to kasugiranna.
9Ia to tocia' nturu' atoran-Na Puang Allataala,
Nakako'do' Puang Allataala to passambajangna.
10Ia to tossede tomaruruh penawanna la mangpanggaukan gaja',
kannora ia naatta passedena.
Apa ia to tote'da caccana la nduppa kamasannangan.
11Ia to tosugih ssanga kalena macca,
apa ia to tokaasi-asi mapahang, naissen kumua indara sitonganna joo tosugih.
12Ia ke pataloi to tomakassing,
buda tau masannang.
apa ia ke togaja' diben kuasa mangparenta,
napessalai tau.
13Ia to tombuni kasalanna te'da napusaroi,
apa ia to tonnakui kasalanna napaja mpugaukki, la Nakamasei Puang Allataala.
14Masannang to toda'tan ngkalaja' ngkasiri' Puang Allataala,
apa la macilaka to tomatojo.
15Ia ke togaja' mparenta tokaasi-asi,
susii singa mberreng, ba'tu asu lampung meatta.
16Ia to tomangparenta to te'da kamapahanganna, mpandasa taunna,
apa la masain mangparenta to tongkaba'ci kamajekkongan.
17Danggi' lendungngii to topapatean.
Ake' na ratu lako matena susi to diula' tarruh bang.
18La dipasalama' to tote'da caccana llan katuoanna,
apa den wattu dau nata'pa masolang to tomajekkong.
19Te'da nalakakurangan kande to pangdusung bassa' mpusara bara'bahna,
apa la kakurangan kande to tojio bangra bola mangkoko kalepak.
20La buda barakka'na to todikatappa'i,
apa la dicalla to tomadoang bang madoi' sugih.
21Te'da namelo to mpasilaenan tau,
apa den to tomangra'tah kara-kara moi doi' ci'dira namemmajekkong.
22Ia to tomacecceng madoang bang madoi' sugih,
te'da naingaranni kumua la naratui kaasi-asian.
23Ia to tomatarruh mpakainga' tau, la'bih diangga',
na ia to tomelo jio bangra timunna.
24Ia to torrampai tomatuanna,
namangkada kumua tangngia panggaukan gaja' to napugauk,
pada unai parampo'.
25Mpaden kasisakkan to toraka,
apa la diben buda to tomatappa' lako Puang Allataala.
26Battuk to tossanga bang kalena tongan,
apa la salama' to tonturu' pangpangngajahna tomacca.
27Te'da nalakakurangan to tomamase lako tokaasi-asi,
apa liwa' ditangdoi to tote'da naparinawa tokaasi-asi.
28Ia ke mangparentai to togaja'
napessalaii to buda,
apa ia ke lanynya'mi,
la sabuda-budannami to tomakassing.
Currently Selected:
Kada Bulawan 28: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
