Kada Bulawan 26
26
1Susi uran ke pealloanni ba'tu peparean,
susi toomi joo te'da bua'na to ntaratte' tobattuk.
2Ia to petangdo te'da na la ngkannai to totangsala,
susiri denah sola kalumpini mentia'.
3Susi nyarang dirambi, susi keledai dikalang dinii mpatujui lalanna,
susi toomi to tobattuk dipekajupi ke dipatujui.
4Danggi' mupebalii pekutana bango'na tobattuk,
dikua nadanggi' mupada bango'.
5Dibali bango' todapi to pekutana bango'na tobattuk,
dikua nadanggi' nasanga kalena tomacca.
6Pada to lle'toanki' ajeta' ba'tu nnangah cilaka,
ke ssuaki' tobattuk male mbawa pepasan.
7Ia to pangpangngajahna tobattuk,
padai to tokupi' la mpellesean ajena.
8Te'da bua'na to ntaratte' tobattuk,
susi batu dikapu' mandik jio patta'.
9Ia to pangpangngajahna tobattuk te'da bua'na,
padai to duri ntossok tomalango.
10Mparugi tau to mpupangjama tobattuk ba'tu toliu lalan,
padai to mata pana ngkojongngi buda tau.
11 #
2Petrus 2:22
Ia to tobattuk ndadu'-dadu' bang mpugauk kabangosanna,
padai to asu llepa'i luana.
12Den unapa rannuanna to tobattuk,
na ia to tossanga bang kalena macca.
13Ia to tomakuttu nakabudai torro bang jio bola, namangkada nakua,
“Den singa jio salean, iamo dau ke napateina' jio tangnga lalan.”
14Susi salli' titimbak melako,
susi toomi to tomakuttu, membaliang melako bang jao katindoanna.
15Ia to totakkaliwa' makuttu,
moi jiomo olona to kande, makuttu toopa ntimbu'i.
16Ia to tomakuttu ssanga kalena la'bih macca
na ia to pebali tonganna jio mai pitu tomacca.
17Ia to tompentama-taman tomassipura,
susii tontoe talinga asu liu lalan.
18-19Ia to tonnuraga padanna rupa tau, na mangkada nakua, “Maningo-ningora',”
padai to tomame mpaningo-ningoi balili' ssolangan tau.
20Ia ke cappu'mi to kaju nakande api bosimi,
ia ke te'dami tomangpau sala bang, pajami to passipuran.
21Susi kuaro sola kaju tatta' mpamasarrang api,
susi toomi to topassipuran ssarrang kasisakkan.
22Marasa mentama penawa to kadanna tompau sala tau,
susi kande marasa diamma'.
23Ia to tomelo jio timunna, apa gaja' llan penawanna,
padai to kurin litak disapu' pera'.
24Ia to tongkabullung tau, melo jiori timunna,
apa pangnguraga llan penawanna.
25Moi namelo kadanna danggi' katappa'ii,
sanga gaja buda kamaba'cian llan penawanna.
26Moi namaba'ci naangga'-angga'i mabassa,
nang la naissen ngasan tau to sipa' gaja'na.
27Inda-inda ngkalian garuang tau,
kannora ia polloh do'.
Inda-inda to la mpalolinni batu tau,
kannora ia nalolinni.
28Ia to nnuraga tau, pada bang una to ngkaba'ci tau,
na ia to kada passede mparatu kamasolangan.
Currently Selected:
Kada Bulawan 26: mvpAD
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
