GALATIANS 1
1
1Ni-wepnag mam am kih Galasia jewed ch ed:
Am ant wo i em-oꞌohani ahni Paul mat g Jesus Christ am i ni-kei g e-ohg Jiosh wehm. 2K ia haꞌi i ni-wehmt g t-wepnag ch ab s-em-hoꞌigeꞌid.
3Ab o wa s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.
4Jesus Christ at ab s-wohog el g e-ohg k e shoꞌigchud k ab muh kots t ab mat gam hu hab wo i juh g pi ap t-chuꞌijigk ab wo i t-wuwhas ab amjed g pi t-apꞌedag. T g Jiosh ab i wuhshad muhkig amjed. 5Pegih, tt heg hekaj ab wo si has elidad g Jiosh.
Mamt pi gawul wo juh g Jiosh haꞌichu ahga
6Jiosh o ab t-mahkch g e-hoꞌigeꞌidadag am gahi wuhshanim g e-alidag. Kunt si ni-tods mamtsh s-hohtam dagito g s-kehg haꞌichu ahgaj k ab s-wohoch g gawul haꞌichu ahga. 7K heg pi d shaꞌi doꞌibiadag ahga. Hegai waꞌi Jiosh haꞌichu ahga o d doꞌibiadag ahga. K eda haꞌi hemajkam gawul haꞌichu am chum em-ahgid ch heg hekaj ab i chum em-gaꞌagwulkad ab amjed g Jiosh haꞌichu ahga. 8-9T wabshaba g Jiosh am wo ha lodait k s-koꞌokam wo ha namkid. Neh, mantp hems ahni o chum hems g anghil gawul haꞌichu wo em-ahgi, t g Jiosh hab wa masma wo t-lodait k s-koꞌokam wo t-namkid. Heki am hu ab kaiham g Jiosh haꞌichu ahga ch am wa chum s-mahch mo has chuꞌig.
10Tp hems pi wo hohhoꞌi g hemajkam mani has kaij. Ni eda pi hab ahgch hab kaij mas g hemajkam wo s-hohhoꞌi. Jiosh o s-hohhoꞌid mani ahgachug g haꞌichu ahgaj. Dani Jiosh alidag pionag. K hab chum chuꞌig mant heg ab wo s-wohog elidad, chum as has wo ni-el g hemajkam.
Dash Jiosh alidag mat am i kei g Paul
11Mt wo chum s-mahchk mo pi ab hu d hemajkam ha amjedkam ihda s-kehg haꞌichu ahga mani am em-ahgid. 12Pi at hedai oꞌodham ni-ahgi o ab ni-mashcha. Do Jiosh alidag mat ab mahsko wua ni-wui.
13Dani Tuhligo. Kumki heki hu kah mani wa hab masma ab ihm g Jiosh mo g ni-wehm oꞌodham ch si ha shoꞌigchud hegam mo ab ihm g Jesus ch am chum s-keshwuimk g ha-hehemapda. 14Dani wa si s-has haꞌichu am t-himdag ed muꞌi ha baꞌiwechkim g ni-wepo geꞌedam nanid pi baꞌich i s-gewkam oid g t-himdag.
15T wabshaba g Jiosh s-ni-hoꞌigeꞌid k am heki hu i apꞌech mant eda koi mahsi mant d wo piongajk. 16T am hebai i cheka. T am hahawa mahsko wua g e-alidag ab ni-wui mant wo ahgachugad g s-kehg haꞌichu ahgaj ab em-wui ahpim goꞌol hemajkam. Kunt pi hedai i wui hih mas wo ni-tashogi g Jiosh haꞌichu ahga. 17Ab o dadha g Jesus Christ chuhchai Jerusalem kihhim t ab am Judea jewed ch ed ch am ahgachug g haꞌichu ahgaj. Nt wabshaba pi am hu shaꞌi hih manis hekaj wo ha neid k wo ha wehm neo. Im ant hu hab wabsh hih Arabia jewed wui k am hahawa ep uhpam hih Damascus kihhim wui.
18Am o d i waik aꞌahidag dahm, nt am hih Jerusalem wui k ab haꞌichu wo kakke g Peter k am wehmaj dakahim gohk domig ab. 19M ant waꞌi hemako ep nei g Jesus kehsha. K heg d James ch d wehngaj g Jesus. 20Jiosh o s-mahch mo d wohokam ihda mani em-ahgid.
21Am i dahm, mant am hahawa ep hih Syria jewed wui ch Cilicia jewed wui. 22K eda pi ni-mahch hegam mo ab ihm g Jesus ch am kih Judea jewed ch ed. 23Idam wabsh kah mo haꞌi hab kaij, “Hegai mo wa t-shoꞌigchud o am hahawa ahgachug ihda Jesus haꞌichu ahga mo wa heki hu chum s-keshwuimk.” 24Neh, bash kaij ch ab si ihm g Jiosh am i kaiok mat am gawul i ni-juh.
Currently Selected:
GALATIANS 1: ood
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.