2 CORINTHIANS 13
13
Mat am i kuhgi g e‑oꞌohana k ab ha ihm ch ab haꞌichu ha shohbid
1Neh, s‑koꞌokam ant ab wo ha namkid g pi ap chuꞌijkam am i ep em‑chehgimedk. K wabshaba an oꞌohadag:
Bat waꞌi masma wo e wohokamch g ha‑chuꞌijig mamt gohk o waikajj am wo ah mam neid mat pi ap chuꞌi. Deuteronomy 19:15
2Pi at hedai wo e doꞌibia ab amjed g s‑koꞌok e‑namkidadag matp pi wo dagito g pi ap e‑chuꞌijig. Id ani heki hu em‑ahgid mant wa am ep jiwia. 3Mt haha wo s‑ap s‑mai mo neok g Christ gahi ni‑wuhshanim.
Heg at s‑gewkam am wo i em‑chikpan k am wo chehgi g e‑gewkdag em‑shahgid. 4Woho o wa mat e wepogi g shoꞌig pi gewpkam oꞌodham k ab e muhkid kots t ab. T wabshaba g Jiosh am chehgi g e‑gewkdag. K g Christ hahawa ep doakam heg gewkdagkaj.
Kunt ahni am i s‑mai mani pi ha gewkdag ab i gehshk Christ wui. K wabshaba g Jiosh ab ni‑mahkch g gewkdag gahi wuhshanim g Christ mant hekaj s‑ap am wo i em‑chikp.
5Am g wo si e mamche k am hejel wo i e aꞌamich mams am hi wa s‑ap hab chuꞌig e‑wohochudadag oidch. Mt wo wa chum s‑ap s‑mahchk mam ab uꞌukch g Hekia S‑apꞌekam Gewkdag mamtp woho d wohochuddam 6k hab wa masma wo s‑mahchk mani ahni hab waꞌap woho d wohochuddam. 7Ab ani si ni‑hoꞌigeꞌidahun Jiosh wui mamt pi am hu hab wo junihid g pi apꞌekam ch wabshaba g s‑apꞌekam am hab wo junihid, chum as wo pi ap ni‑ahgad hegam mo s‑ni‑kehꞌid. 8Pi att wo t‑nako matt wo shohbi g wohokam. Hemho wa att am wo wohokamch. 9Tt wo s‑ap t‑taht k ab wabsh wo i t‑shoꞌigch mamtp ahpim wo i gewpka am e‑wohochudadag ed. Ab ach si t‑hoꞌigeꞌidahun mamt wehs ab wo i e dagito k am s‑ap wo i e nahto. 10T‑kownalig Jesus o ab ni‑mahkch g gewkdag mant wo shohbi g pi em‑apꞌekam. Kunt am i em‑oꞌohani mamt hekaj am wo i apꞌech mant eda koi jiwia. Nt hab pi wo em‑kehꞌel am jiwiak. Do Jiosh hab elida mant am wo i em‑gewkemhu. Kuni hab pi em kehꞌidamk.
11Pegih, ni‑wepnag, haꞌas ant hab wo chei. Am g wo i e nakogi mamt wehs ab wo i e dagito Hekia S‑apꞌekam Gewkdag wui. T heg wehs wo i em‑apꞌech. Ab g wo i s‑wohog elidad g t‑mashchamadag ch ab wo i hemakoch g e‑wohochudadag k wo s‑ap e tahtk ch e wehm kihkad. T g Jiosh wo em‑wehmajk ch wo em‑mah g pihk elidadag ch s‑ap tahhadkam.
12Ab g aꞌai wo si e tatchuad.
Idam t‑wepnag mo ia kih ash s‑em‑hoꞌigeꞌid.
13-14Ab o si s‑em‑hoꞌigeꞌid g t‑kownalig Jesus Christ. K g Jiosh ab si em‑tatchua. K g Hekia S‑apꞌekam Gewkdag ab em‑makiog g gewkdag mamt ab aꞌai e wui wo si s‑ap e tahtkkad.
Neh, id ant hab wo waꞌi chei.
Currently Selected:
2 CORINTHIANS 13: ood
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.