TAETAS 1
1
I Pol u kwaha tabetabe mai Taetas
1I nau i Pol a tangaloi boloki noi God, vake a kaihora* kokona noi Jisas Kraes*. Aia u mataiau mo horeau kwara na hago mana hauhuriana nona tangaloi hinea i God u mataira ba, kwara rana kikilai na vitikareaki hinea u taritarisa mana hala na noda hauhuriana bakoto. 2Aia u horeau kwara na hago maira rana tau na noga domidomi lo ahiana hinea a gwereki tikei. Tuai lengalenga hinea a varamana he tauana te radu, i God hinea tuku he kura lai tea aia u tuliki terekakinia ba kwara ne bete na ahiana hi lakwakita, 3vae lo taroki bakotoki mo matangwasaraki na ahiana hi lo leona. I God a noda Kaivakahi u tau na leo hi lakweau mo horeau kwara na heretuvakinia lakwa na tangaloi. #a Eves 1.9-10; b 1 Tim 1.1,11; d Taet 2.10; 3.4
4Taetas. Nu uli na leta hika lakwako, hinea lo hala na hauhuriana hinea taru bulu tabulutaki luna, i nigo i natugu bakotoki.
A tangaroa karea hika lakwako. I God a Tamaki mai Jisas Kraes a noda Kaivakahi, raru ne hago maiko kina nogaru domi tabetabe lakua, raru ne bete na magemuana ne eno maiko. #a 2 Kor 8.23; Gal 2.3; 2 Tim 4.10; b 1 Tim 1.2
A bolokiana noi Taetas lo vanua Krit
5Lolona nomo tiraki na vanua Krit nu tauko kwara kona vai rovorovonaki na bolokiana hinea rau eno radu nga. Nu viti lakwako kwara kona rivuki na ngwarasea* lo kwarelua* vatavataha na gwatuivanua lo hala hokinia i nau nomo huhuiko kinia. 6U taritarisa kwara a ngwarasea lo kwarelua ne kwareki a tangaloi hinea u loliloli u taritarisa, a tangaloi ranahe hagwe lavi na hatiki te luna. I vavinehina ne katukwale vohoki. #1.6: Lo hala kairuaki a domidomi na leo hi lo duviki kairuaki na ves hi aia hokinia hika kwara, Ne laki vakatukwale vohoki. U taritarisa kwara i raranatuna rana hauhuri lui God, a tangaloi ranahe viti lai tea kwara rau vonovonoka diko kwara rahe rongorongohuri tea. #1 Tim 3.2-7; 2 Tim 2.24-26 7A kaitomuaki lo kwarelua u tagahuri na bolokiana noi God, vae huri hi u taritarisa kwara ne loliloli ne taritarisa, a tangaloi ranahe hagwe lavi na hatiki te luna. Nehe domidomi hakekinia tea, vake nehe lologute te heheri. A tangaloi hinea u inu a inuinu hati hinea ne reraka kinia, diko a tangaloi hinea u tuku vikwali mana tangaloi, diko a tangaloi hinea u domidomi haburu lo mane* kwara ki nona, nehe kwali na bolokiana te hi. 8A tangaloi hinea ne kwalia ne kwareki a tangaloi hinea u tuku lai tabetabeki na tangaloi vaki tatana, vake u lagwa mana bohiana karea. U taritarisa kwara ne kwiribibia sibona, a bohianana ne bakoto tigwaravu, ne kwareki a tangaloi kokona hinea u domi mavaki God, vake ne vai lai kwara ne hugwe koro na nona lengalengahuri sibona. 9U taritarisa kwara ne kwiribibi na leo ne madi hinea tau kikilaia tau hauhuri lai luna kareaki, hinea tamo toko huhui na tangaloi kinia. Vunu ne vai lai kwara ne huhui na tangaloi kina huhuiana na vitikareaki. Vake ne vai lai kwara ne togoro koro na kwakwa na tangaloi hinea rau kwahakwaha hati vovohi na huhuiana na vitikareaki hi. #1 Tim 1.10; 2 Tim 4.3; Taet 2.1
A tangaloi huhui kurakura
10A tangaloi rusa rau maraka ramo tu vovohi na noga kaitomuaki. Ramo toko sina na tangaloi rusa kina noga leo rau hati. Aira hinea tomua ramo huri na doridori nona gwaloana noi Isrel*, rau rusa siletira ratuaki hinea rau vai na doridori hi. 11Kona surira kwara rana hatu viti na leo rau hati hokinia hi, huri a doridori hi u vai na tangaloi doluaki lo tokakivanua ratuaki ramo rongo hati. Rau tuku huhui na tangaloi kina kinau aira hinea rahe taritarisa tea. Rau tuku vai kwehi kwara rana seme te mane* luna. A doridori hi a maemaeana luna. #a 2 Tim 3.6; b Sione 10.12; 1 Pita 5.2 12A ngwera Krit tuai, hinea a noga tangaloi* duruduruki katukwale, mo viti kwara, “A ngwera Krit aira a tangaloi na kurakura. Aira hoki na boboroa hati vohoki. A tangaloi vano hi rau boloki loiloi, rau lengaia kwara rana va kanikani tigwaravu.” 13Vae a leo hi u kareaki vohoki. Huri na kinau hi, kona surira ne madi kwara vae rana huira vakevake lo noga hauhuriana. #2 Tim 4.2 14Kona surira kwara rana hatu kwiribibi na dekudekuni nona gwaloana noi Isrel tuai, vake rana hatu huri na leo nona tangaloi hinea rau bega kina vitikareaki. #1 Tim 1.4; 4.7 15A tangaloi hinea a domidomina u ngwasara, a mamaurianana savia u ngwasara vohoki. Vae a tangaloi hinea a domidomina he ngwasara tea, vake he hauhuri tea, a kinau tikei vohoki hinea u ngwasara lo mamaurianana, huri a domidomi hati u magaraki na domi ba, vae he rongo lai te lo tarabehina kwara u vakasile. #Mat 15.11; Rom 14.20 16A tangaloi hokinira hi rau tuku viti kwara rau kikilai i God, vae a bohibohianaga u vosangi kwara rau kura. Rau hati vohoki, rahe rongorongohuri tea, vake rahe vai lavi na kinau te vohoki hinea u karea. #1 Sione 1.6; 2.4
Currently Selected:
TAETAS 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
