Popular Bible Verses from TAETAS 1

Share

A tangaloi hokinira hi rau tuku viti kwara rau kikilai i God, vae a bohibohianaga u vosangi kwara rau kura. Rau hati vohoki, rahe rongorongohuri tea, vake rahe vai lavi na kinau te vohoki hinea u karea.

A tangaloi hinea a domidomina u ngwasara, a mamaurianana savia u ngwasara vohoki. Vae a tangaloi hinea a domidomina he ngwasara tea, vake he hauhuri tea, a kinau tikei vohoki hinea u ngwasara lo mamaurianana, huri a domidomi hati u magaraki na domi ba, vae he rongo lai te lo tarabehina kwara u vakasile.

U taritarisa kwara ne kwiribibi na leo ne madi hinea tau kikilaia tau hauhuri lai luna kareaki, hinea tamo toko huhui na tangaloi kinia. Vunu ne vai lai kwara ne huhui na tangaloi kina huhuiana na vitikareaki. Vake ne vai lai kwara ne togoro koro na kwakwa na tangaloi hinea rau kwahakwaha hati vovohi na huhuiana na vitikareaki hi.

A kaitomuaki lo kwarelua u tagahuri na bolokiana noi God, vae huri hi u taritarisa kwara ne loliloli ne taritarisa, a tangaloi ranahe hagwe lavi na hatiki te luna. Nehe domidomi hakekinia tea, vake nehe lologute te heheri. A tangaloi hinea u inu a inuinu hati hinea ne reraka kinia, diko a tangaloi hinea u tuku vikwali mana tangaloi, diko a tangaloi hinea u domidomi haburu lo mane* kwara ki nona, nehe kwali na bolokiana te hi. A tangaloi hinea ne kwalia ne kwareki a tangaloi hinea u tuku lai tabetabeki na tangaloi vaki tatana, vake u lagwa mana bohiana karea. U taritarisa kwara ne kwiribibia sibona, a bohianana ne bakoto tigwaravu, ne kwareki a tangaloi kokona hinea u domi mavaki God, vake ne vai lai kwara ne hugwe koro na nona lengalengahuri sibona.

U taritarisa kwara a ngwarasea lo kwarelua ne kwareki a tangaloi hinea u loliloli u taritarisa, a tangaloi ranahe hagwe lavi na hatiki te luna. I vavinehina ne katukwale vohoki. U taritarisa kwara i raranatuna rana hauhuri lui God, a tangaloi ranahe viti lai tea kwara rau vonovonoka diko kwara rahe rongorongohuri tea.