REVELESEN 1
1
A leo tomuaki
1Lo buku* hika i nau i Sione nu uli na kinau aira hinea i Jisas Kraes* mo matangwasarakinira lakweau. A kinau aira hi i God mo betera lakwae kwara ne vosangi na bulana tangaloi maira, kina kinau hinea vae rana mule luna nehe tuai tea. I Kraes u hora na nona kaihora tina taetae kwara ne matangwasaraki na kinau vano hi lakweau, i nau a nona tangaloi boloki. #Dan 2.28,29,45; Rev 1.19; 22.6 2Vunu nomo ulibibi doluaki na kinau aira hinea nomo tagaira. Hika a leo hinea i God u vitia, mana vitikareaki hinea i Jisas Kraes mo matangwasarakinia. #Rev 1.9; 6.9 3A tangaloi ne valuki na leo hika tivarea, hinea u durukiana ti God, ne havutia. A hahavutiana lakwara vake, hinea rau rongo na leo rau uliana lolo buku hika, ramo rongohurira, huri a taroki u garagarani, vae doluaki na kinau aira hika rana mule luna. #a Rev 22.7; b Rev 22.10
I Sione u kwaha tabetabe mana kwarelua a bulubulu kaibitu
4I nau i Sione nu uli na leo hika lakwakamu a kwarelua* a bulubulu kaibitu lo gwatuivanua lalakua Esia*. A tangaroa karea hika lakwakamu. I God hinea u toka hika karagwa, u toka tuai ba, vunu aia vae neri vanamai, a nona domi tabetabe lakua ne eno maikamu, vake ne betekamu kina magemuana. A tanungwe kaibitu hinea rau tu lo nakona mana hagehagelena, rana vai hokinia vake. #a Eks 3.14; Rev 1.8; 4.8; 11.17; 16.5; b Aes 41.4; Rev 1.8; 4.8; d Rev 3.1; 4.5; 5.6 5Vunu i Jisas Kraes* hinea u karohuri mo hago leo noi God, ne vai hokinia vake. Aia a Nakoi-natu hinea mo maraka tina mateana, vake u hugwe koro na hugwe lalakua doluaki lo varamana.
U lagwa maikita, vae lolona hi mo mate a daina mo huki mo lavikita tina noda vaivai hati rusa. #a Rev 3.14; 19.11; b Sam 89.27; Kol 1.18; d Sam 89.27; Rev 19.16; e Sam 130.8; Aes 40.2 6Mo vaikita tamo mulemai ki hugwe lalakua tavutina, vake mo vaikita tamo mulemai ki tangaloi* lingilingi kwara tana boloki lakwai Tamana a nona God. A hina i Jisas ne tabe hakekiana tigwaravu vaki tuai, vake a nona huirana nehe rovo tea. Io kareaki. #Eks 19.6; Aes 61.6; 1 Pita 2.5,9; Rev 5.10; 20.6
7!Tulu tagaia! I Jisas u tuku vanamai lolo taenalangi. Doluaki na tangaloi vae rana tagaia ki mataga. A tangaloi hinea rau haria tuai, vae rana tagaia vake. Savi na tangaloi na varamana vae rana tangi huria. Ne mule luna. Io kareaki. #a Dan 7.13; Mat 24.30; Mak 13.26; Luk 21.27; 1 Tes 4.17; b Sek 12.10; Sione 19.34,37; d Sek 12.10,12,14; Mat 24.30
8A Hugwe i God hinea u hugwe koro na kinau doluaki, aia hi u toka hika karagwa, u toka tuai ba, vunu aia vae neri vanamai, aia u viti “I nau a Gwatakiki, i nau a Gwereki.” #a Rev 21.6; 22.13; b Eks 3.14; Rev 1.4; 4.8; 11.17; 16.5; d Aes 41.4; Rev 1.4; 4.8; e Amos 3.13; 4.13; Rev 4.8; 11.17; 15.3; 16.7,14; 19.6,15; 21.22
A vakatabobo noi Kraes lakwai Sione
9I nau i Sione i belamiu lui Jisas hinea a noda Hugwe Lakua. Vae huri nu hariki luna tau bulu katukwale lo rongoana hati. Tau hariki katukwale luna, vunu vake tau bulu katukwale kwara tana tu ne madi, a domida ne bua lo taro na rongoana hati. Rau tauau lo vanua Patmos huri nu tuku heretuvaki na leo noi God mana vitikareaki hinea i Jisas u matangwasarakinia ba. 10Lo Rani na noda Hugwe* a Tanungwe Kokona u hivo tilugu, a nona huirana mo kwiribibiau. Vae nomo rongo na dilao huira u tatangi hoki na tavui, mo kwaha takuni tiau, mo viti kwara, 11“Ko ulibibi na kinau hi komo taga. Vunu komo hokaki na buku* hi lakwa na kwarelua* a bulubulu kaibitu, aira hi lolo gwatuivanua lalakua Evesas, Smana, Pekamam, Tuatira, Satis, Vilatelvia maia Laotisia.” #1.11: Tulu tagai na nunu na ureure na vanua hinea u vosangikita kina hala i Pol mo lakao laliki luga vakaitoluki mo toko heretuva lo rau.
12Hikani nomo halebohi kwara na taga kwara ihe u kwaha maiau. Vae lolona hi nomo halebohi nomo tagai na tutu na laeti kaibitu ramo tu, rau kihira kina kol. 13Lo livuka na tutu na laeti vano hi nu tagai na tangaloi aia hoki na Natu* na Tangaloi. #1.13: Lo hala kairuaki a domidomi na leo hi lo duviki tomuaki na ves hi aia hokinia hika kwara, Lo livuka na tutu na laeti vano hi nu tagai na tangaloi. U lugwaki na lugwa gwaravu tegetano vaki lo tano, hoki na lugwa na tangaloi lingilingi, a kwahina u kwahikwahiki na kol lo gwagwana. #a Dan 7.13; b Esik 9.2,11; Dan 10.5 14A vuluna u lotu hoki na koten, diko hoki na takotakora na tahi. Vunu a matana u sea hoki na kabu. #Dut 7.9 #Dan 10.6; Rev 2.18; 19.12 15Vunu a garuna u vilavila hoki na bras hinea rau huraia lo kabu mo huki mo vilavila, vunu ramo buruia taliku kwara ne vilavila vakevake nga. Vunu a dilaona u roro hoki na navo mo marobe. #Esik 1.24; 43.2; Rev 14.2; 19.6 16U hagobibi na vitu kaibitu lo matuai kabana, vunu a bue na vuro u hoko dalidali u tuku ngwalua tina kwakwana. A nakona u kwaka hoki na mataniaho hinea mo kwaka lo livukai-rani. #a Rev 1.20; 2.1; b Aes 49.2; Rev 2.12,16; 19.15
17Lolona nomo tagaia nomo sovi hivo vaki lo garuna hoki na tangaloi u mate. Vae mo tau na matuai kabana lugu, mo viti “Ko hatu mataku. I nau a tangaloi tomua halaradu, i nau a tangaloi ki rovonaki. #Aes 44.6; 48.12; Rev 2.8; 22.13 18I nau aia hi u ahi. !Tuai nu mate, vae hika ko taga, nu ahi vaki tuai! I nau nu hago huirana koro na mateana, vunu vake korora hinea rau hugu lo tanotano na tanungwe na tangaloi rau mate, vae nari takahi na matakihala na mateana lakwara rana soro tivarea. 19U karea, ko ulibibi savi na kinau hinea komo tagaira, vunuhi na kinau hinea rau tuku vai hika, maira hinea ranari vanamai vaki takuni. #Aes 48.6; Dan 2.28,29,45; Rev 1.1; 22.6 20Ku tagai na vitu kaibitu hi lo matuai kabagu, vunu a tutu na laeti hi kaibitu ramo tu, rau kihira kina kol. A leo tavuniki hurira aia hikwe. A vitu hi kaibitu, aira a kaihora tina taetae lakwa na kwarelua a bulubulu kaibitu, vunu a tutu na laeti hi kaibitu ramo tu, aira a kwarelua a bulubulu kaibitu.” #Rev 1.16; 2.1; 3.1
Currently Selected:
REVELESEN 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
