SUT 1
1
A leo tomuaki
1I nau i Sut, a tangaloi boloki noi Jisas Kraes*, vunu vake i nau i tua i Semis. Nu uli na leo hika lakwakamu hinea i God mo kwarekamu. I God a Tamaki u lagwa maikamu, vake i Jisas Kraes u tagahurikamu.
2A tangaroa karea hika lakwakamu. I God ne hakavikamu tigwaravu, neri betekamu vakevake kina magemuana mana lagwaana lakua. #2 Pita 1.2
Tulu vai vuro huri na vitikareaki
3Rabelagu. Tomuaki nu lengaia haburu kwara na uli na leogu lakwakamu, na viti na hala hinea i God mo vaia kwara ne vakahikita. Vae hika nu rongo kwara u taritarisa kwara na uli na leo hika lakwakamu, vae ne rakati na domimiu tulu ne vai vuro huri na vitikareaki hinea tau hauhuri luna ba. A vitikareaki hi i God mo betea vakatukwale vohoki lakwa na bulana tangaloi kokona maira. #1 Tim 1.18 4Nu rongo kwehi huri a tangaloi tuaki hinea rahe domi mavaki God tea, rau vanamai tavuniki vaki maikamu, vae tulu he taga kikilakinira te kwara rau hati. Aira rau bohiki na leo hinea u viti kwara i God u vakahikikita lo nona domi tabetabe lakua, ramo vaia mo mulemai kina leo hati kwara ne hago maira lo noga doridori hati rusa. Vake rau bega ki Jisas Kraes*, vae aia kehekeheki a noda God vake a noda Hugwe*. Vae i God u viti ba kwara rau hati vae rana sala, hokinia a Uliuli* Kokona u viti terekakinia tuai. #a Gal 2.4; b 2 Pita 2.1
A tangaloi huhui kurakura rana kwali na kakadiki
5Hikani tulu kikilai vunuhi na kinau aira hika ba, vae nu lengaia kwara na viti taliku lakwakamu kwara tulu ne domidomi-bibi. Tuai a Hugwe* i God mo vakahiki na gwaloana noi Isrel* mo lavira tina vanua Isiv, vunu vaki takuni tiua hi u kwohi matemate savi na tangaloi hinea rahe hauhuri tea. #a 2 Pita 1.12; b Eks 12.51; d Nam 14.29-30,35; 1 Kor 10.5 6Vake tulu domihagwe na kaihora tina taetae hinea rau domi bulakiki na hina lakua i God mo bete lakwara, ramo tirakinia, vunu ramo tiraki na tanotanoga. I God mo gwarubibira lolo dodoki kina seni hini u eno vaki tuai. Mo kwiribibira takwa-hi tara na nona Rani Lakua. #6: Nona Rani Lakua. Kona taga A RANI NONA HUGWE lo Deksenare lo buku hika takuni. Lo Rani hi i God neri viti kwara rau hati vae rana sala. #2 Pita 2.4,9 7Vunu vake tulu domihagwe na gwatuivanua lalakua Sotom maia Gomora, mana gwatugwatui-vanua garagarani takwahini. A tangaloiki rau tuku vano rerarera hoki na kaihora tina taetae vano hi ramo toko vai, ramo vai doridori hati mana ravavine, vunu ramo bohi tilo hatiana dolua vake, a ngwera mana ngwera, a vavine mana vavine. Vae ramo kwali na kakadiki lo kabu hinea he toko mate lai te vohoki, kwara ne kwareki a kaivosangi lakwa na tangaloi savira kwara rana hatu vai kwehi. #Jen 19.4-25; 2 Pita 2.6,10
A tangaloi huhui kurakura rau kwahakwaha hati
8Vae a tangaloi huhui kurakura vano hi lo taro hika rau tuku vai hokinia vake. Rau tuku tagai na vakatabobo, vunu mo vaira ramo magaraki na tarabehiga siboga lo vaivai hati. Rau domi bulakiki na bakotoana noi God mana nona huirana kwara ne hugwe korora, vake rau kwaha bulakiki na kaihora karekarea lolo taetae. #2 Pita 2.10 9Vae i Maekel a tomuai-kaihora lolo taetae he vai te hokinia hi. Kwahaia hi i Maekel mo viroro mai Setano* huri na tarabehi i Mosis kwara ihe kairuaki tirarua ne lavia, i Maekel he lailai hakekinia tea kwara ne vohoki na leo hati vovohi i Setano. Vae u viti kehekeheki kwara, “A Hugwe* i God neri arekinigo huri.” #a Dan 10.13,21; 12.1; Rev 12.7; b 2 Pita 2.11; d Sek 3.2 10Vae a tangaloi aira vano hi, rau kwahakwaha hati vovohi na kinau hinea rahe kikilai utuhakinira tea. Vake rau tuku huri na doridori hinea rau rongo lo tarabehiga hoki na boboroa ovi, vae a doridoriga aira vano hi rau tuku vai magarakinira. #2 Pita 2.12
A tangaloi huhui kurakura a doridoriga rau hati
11A rongoana hati lakua lakwa na tangaloi aira hi. Rau huri na hala hinea i Ken mo vano luna. Vunu rau tirakinira vaki lo vakasileana hinea i Balam mo toko vano luna, huri rau lengai na mane*. Rau rongo bulakiki i God hoki i Kora mo vai, vae rana mate hoki i Kora, kina lologute noi God. #a Jen 4.3-8; 1 Sione 3.12; b Nam 22.7; 31.16; Rev 2.14; d Nam 16.19-35 12Lolona tulu vileki tabulutaki huri na nomiu kanikani na lagwaana, a tangaloi huhui kurakura vano hi aira hoki na baba lolo karata hinea a aga ne haga lai luga. Rau magaraki na kanikani hi kina doridoriga huri rau kanikani hati, ramo inuinu haburu vae rahe maemae tea. Rau domi hurira siboga. Aira hoki na dodo hinea a langi mo kwalia vanamai vae he uha tea. Aira hoki na vikai hinea a taroki bakotoki kwara ne kwai, vae he kwai te vohoki. Vae a tangaloi ramo vurakinia mana kakwariki letiu, va matemate aulu. #a 2 Pita 2.13; b Esik 34.8; d Eves 4.14 13Lolona a navo ramo marobe ramo takotakora, vae a doridori na tangaloi vano hi aira hokinia hi. Rau tuku vai na maemaeana tigwaravu lakwa na tangaloi. Aira hoki na vitu hinea rau vano salasala, vae i God u kwiribibi na tanotano hurira ba lolo dodoki hinea u dodoka haburu, vae rana hugu eia vaki tuai. #a Aes 57.20; b 2 Pita 2.17
14I Atam a nona gwaloana vakaionoki lui Inok. I Inok hi mo duruki na leo hika ti God tuai mo viti huri na tangaloi vano hi kwara, “!Tulu tagaia! A Hugwe* i God vae ne vanamai mana nona tangaloi kokona taritarika #Dut 33.2; Sek 14.5; Mat 25.31 15kwara ne kwaheki na doridori na tangaloi savia. Ne areki na tangaloi vaivai hati hinea rau domi bulakiki God, ne vai kadira huri na doridori hati hinea ramo vai vovohi i God, vake ne vai kadira hinea rau kwaha bulakikinia huri na kinau hati ramo viti vovohia.”
16A tangaloi aira hi tigwaravu rau tuku kwaha ruturutu, rau tuku lidu na tangaloi dolua kwara rau vai kinau rau hati. Rau tuku huri na noga lengalengaiana rau hati. Rau kwaha kalukalura, vake rau kwaha mana tangaloi kina leo rau lulumu vohoki, kwara vae rana vano lai lo noga domidomi siboga.
A leo kwahabibi
17Rabelagu. Tulu domibibi na leo hinea a kaihora* kokona nona noda Hugwe* i Jisas Kraes* ramo viti lakwakamu tuai, huri na kinau hi kwara vae ne mule luna. #2 Pita 3.2 18Ramo viti lakwakamu kwara, “Lo taro garagarani mana rani ki rovonaki, a tangaloi rana maravuti rana mana tiehikamu. A tangaloi aira hi rana huri na noga lengalengaiana hati, rana domi bulakiki God.” #2 Pita 3.3 19A tangaloi aira hi rana vaikamu tulu ne makwahekwahe, huri rau huri na noga domidomi, rahe huri na Tanungwe Kokona tea.
A hala na lagwaana
20Vae i kamu, rabelagu, tulu ne boloki ne madi kwara vae tulu ne huihuira vake lo huhuiana kokona hinea i God mo betea lakwakamu, aia hi tulu hauhuri luna ba. Tulu ne tiutangaroa lo huirana nona Tanungwe Kokona. #Kol 2.7; 1 Tes 5.11 21Tulu ne toka lo lagwaana noi God tigwaravu, vake tulu ne taga vovohi i Jisas Kraes* noda Hugwe* kwara ne hakavikamu ne betekamu kina ahiana noi God vaki tuai.
22A tangaloi hinea rau domi kairua tulu ne hakavira, tulu ne hago maira. 23A tangaloi ratuaki tulu ne hago maira hokinia tulu reveira tina kabu. Diko hetea, vae rana mate. Vunu vake a tangaloi ratuaki eia tulu ne hakavira, tulu ne hago maira, vae tulu tagahuri ne karea tulu ne mataku kinira. A doridoriga rau hati haburu, vae tulu hatu lavi na lugwaga, huri a noga doridori hati u vai na lugwa vano hi rau hogora vake. #Amos 4.11; Sek 3.2
A tiutangaroa na kaluhakiana
24I God aia katukwale vohoki u kwiribibi lavikamu, vae tulu nehe sovi tea. Aia kehekeheki ne lavikamu tulu ne tu lo nakona a hatiki ne tikei lumiu, tulu ne tagai na huirana na nona karekarea, vae ne havutikamu haburu. #Vil 1.10; 1 Tes 5.23 25I God hi, aia katukwale vohoki, vunu vake aia a noda Kaivakahi. Vae i kita tau bulu mai Jisas Kraes* a noda Hugwe* kwara tana tabe hakeki na hina i God, tana viti kwara aia a noda Hugwe Lakua, a hinana aulu karakara, vake a nona huirana mana nona bakotoana eia vanamai evina kinia, vaki na hika, vaki na tuai a gwereki tikei. Io kareaki. #Rom 16.27
Currently Selected:
SUT 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
