SEMIS 1
1
A leo tomuaki
1I nau i Semis, a tangaloi boloki noi God mana Hugwe* i Jisas Kraes*. Lo leta hika nu bete nogu lagwaana lakwakamu a tangaloi noi God savia hinea tulu hugu laliki doluaki na varamana. #1.1: Lo hala kairuaki a domidomi na leo hi lo duviki kairuaki na ves hi aia hokinia hika kwara Lo leta hika nu bete nogu lagwaana lakwakamu a gwaloana noi Isrel tina gwatuidamu hangavulu dongwana kairua hinea tulu hugu laliki doluaki na varamana. #Bol 15.23; 1 Pita 1.1
A hauhuriana mana kikikila
2Rabela. Diko a kinau vatahae rau tuku vai rongohikamu, tulu ne domidomi luga vae ne havutikamu huri, #Rom 5.3-5; 1 Pita 1.6 3huri tulu kikilai hokinia a nomiu hauhuriana u huira, vunu tulu gui savi na kinau hinea rau vaivai rongohikamu, vae tulu ne huira vakevake kwara tulu ne tu ne madi tigwaravu. #1 Pita 1.7 4Tulu ne tu ne madi hokinia hi vaki lo gwereki kwara tulu ne bakoto vohoki, tulu nehe gwanugwanu te lo kinau, vunu vake, tulu ne lai savi na kinau ne taritarisa lo nomiu tokaana ngwasara.
5Diko te katukwale tikamu a nona kikikila tikei, ne uduhuri ki God, vae i God ne bete lakwae, huri i God nehe kwaha tea lo tangaloi hinea u uduhuri te kinau kinia, aia u hokoraki na nona hilehile lakwa na tangaloi vunuhia kina nona domi tabetabe lakua. #Prov 2.3-6 6Vae tulu mo uduhuri kinia, tulu hauhuri vake, a domidomimiu ne hatu kairua, huri a tangaloi hinea a domidomina kairua aia hoki na navo hinea u marakaraka, u vano takwanahavaki a langi mo herekinia. #Mat 7.7; Mak 11.24 7-8A tangaloi hinea a domidomina kairua hokinia hi, u domidomi lo hala kairua, ne hatu domi kwara vae ne lai te kinau tina noda Hugwe*.
A tangaloi kakaravi mana tangaloi hugwe
9A rabela hinea rau kakaravika, diko i God ne tabera, ne havutira. 10-11Vunu a rabela hinea aira a tangaloi hugwe, vae diko i God ne hivokinira ne havutira. A tangaloi hugwe aira hoki na vira na bubu hinea diko a mataniaho ne galo hake, mo ahoia, a vira hi mo kolokolo mo ngwarasu, a gelagelanaki va tikei. Vae lo hala hokinia hi, a tangaloi hugwe u rahakinira lo noga boloboloki radu nga, vae aira rana va sala. #Sam 102.4,11; Aes 40.6-7; 1 Pita 1.24
A sinasina mana kinau hinea rau kahi haro na domida
12A tangaloi hinea u tu madi lo nona karohuri lo taro hinea a kinau rau vaivai rongohia, vae ne havutia, huri diko u gui savi na kinau hinea rau vaivai rongohia, i God neri vakavulae hoki na tangaloi hinea ramo vakavulae lo taro hinea mo gui na nona tavaluivuro. Vae a kaimalaina aia a ahiana hinea i God u tuliki terekakinia lakwara hinea rau lagwa maia. #1 Kor 9.25; 2 Tim 4.8; 1 Pita 5.4; Rev 2.10 13Diko a sinasina u sinakamu, tulu hatu viti kwara, “A sinasina hi u vanamai ti God,” huri a sinasina nehe sina lavi God tea, vake i God he toko sina na tangaloi tea. 14A sinasina hati u sina na tangaloi lo taro hinea u lengai na kinau hati, vae a nona lengalengahuri hi u reveia mo kona luna. 15Vae diko u lengai na kinau hinea rau hati, a nona lengalengahuri hi u tuku lakua vakevake, vunu u tuku vai na vaivai hati. Vunu diko u vai na vaivai hati, a bohianana hi u tuku hati vakevake, vae ne mate kinia.
16Rabelagu. Tulu hatu tiraki na tangaloi ramo sinakamu. 17A doridori karea hinea tulu tuku betebete kinau lakwa na tangaloi, mana hilehile vunuhia hinea rau karea, rau vanamai tina taetae vaki maikita. I God hinea mo tau na kinau savia hinea rau kwaka lolo taetae, u tuku bete na kinau karekarea vano hi lakwakita. Aia he tuku bohi lai tea, vake he tu dori te kikita kwara ne tirakikita tana hugu lo dodoki. #Mat 7.11 18I God u vaikita tamo mulemai ki raranatuna lalahi na nona leo na vitikareaki huri u domikinia kwehi. Vae huri hi, lo kinau savia hinea mo taura, i kita hoki na hinaka hinea mo sea tomua halaradu lolo bulana agoago*. #a Sione 1.13; b 1 Pita 1.23
Tana rongo na leo i God tana vai luna
19Rabelagu. Tulu domidomi-bibi na kinau hika. I kamu vunu tulu ne rarai tigwaravu kwara tulu ne lai tabetabeki na leo, vae tulu hatu vaivai heheri kwara tulu ne kwaha. Tulu hatu lologute heheri, #Pri 7.9 20huri a doridori hi a tangaloi u lologute nehe vai na tangaloi te kwara ne bohibohi ne bakoto hokinia i God u lengaia. 21Tulu tau letiuki na doridori hati savia mana bohiana savia hinea rahe taritarisa tea tina mamaurianamiu. Tulu hugu tavuti i God, tulu kwiribibi na leo hinea u taua lolo domimiu hinea ne vakahiki lavikamu. #Kol 3.8; 1 Pita 2.1
22Tulu mo rongo na leo i God vae tulu he vai te luna, hi tulu vakasile. Tulu hatu vai kwehi, aia tulu ne vai luna hokinia hi mo viti. #Mat 7.26; Rom 2.13 23A tangaloi hinea u rongo na leo vae he vai te luna, aia hoki na tangaloi hinea u titiro lo gelas mo tagai na nakona. 24Mo tagai na nakona vunu va lakao, a lolona bongi kina nakona. 25Vae a tangwata hika hinea u bakoto vohoki u teri na gwarugwaru tina tangaloi. Vae a tangaloi hinea u tuku tagataga luna, u domidomi luna tigwaravu, a lolona he bongi te kinia. He rongoa te kehekeheki, aia u vai savi na kinau hinea a tangwata hi mo viti. Vae diko a tangaloi ne vai kwehini, i God ne vai tabetabekinia lo nona tokaana. #a Rom 8.2; Gal 6.2; Sem 2.12; 1 Pita 2.16; b Sione 13.17
26Diko te tangaloi u domi kwara aia a tangaloi noi God u domi mavakinia, vae he tagahuri na meana tea, a tangaloi hi u sinae sibona. A bohianana hi hinea u domi kwara u domi mavaki i God, vae he kareaki te vohoki. #Sam 34.13; 39.1; 141.3 27Hika a bohiana ngwasara hinea u bakoto lo nako i God i Tamada, vae u taritarisa kwara a tangaloi hinea u domi mavakinia ne huria. Ne tagahuri a natu madua mana gwati kwara ne hago maira lo noga rongoana hati, vake ne kwiribibia sibona tina hatiana na varamana.
Currently Selected:
SEMIS 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
