A Bolokiana 27

I Pol mo vano lo aga vaki lo gwatuivanua lakua Rom

1Lolona a domiga mo mautu kwara kena vano lo aga vaki lo vanua Itali, ramo tau i Pol maira ratuaki vake hinea ramo hugu lolo ingwa na gwarugwaru lo kaba i Sulias. Aia a kaitomuaki na tangaloi na vuro a gwatu katukwale u lakua, rau kwarekinia a noi Sisa* a hugwe lakua Rom. #Bol 25.12 2Kemo galo lo aga katukwale u vanamai tina gwatuivanua Adramitiam, u rarai kwara ne vano vaki lolo gwatugwatui-vanua Esia*, kemo huria. I Aristakas, a ngwera Masetonia tina gwatuivanua Tesalonaeka aia u hurikami vake. #Bol 19.29; 20.4 3Mavukona keu maravuti lo gwatuivanua Saeton. I Sulias u karea mai Pol haburu mo tirakinia mo vano mo tagai na rabuluina kwara vae rana tagahuria ne rongo karea. #a Bol 28.2; b Bol 24.23 4Kemo vano tina gwatuivanua takwa-hi taliku, a langi u here u huira haburu vovohikami vae kemo vano tavaluki lo ngwarara na vanua Saevras hinea a tahi u magemu eia. 5Kemo tiu tavalavarea tina vanua Silisia mana vanua Pamvilia, kemo maravuti lo gwatuivanua lakua Maera lo vanua Lisia, kemo galo hake. 6Takwahini a kaitomuaki na tangaloi na vuro hi mo hagwe na aga u tiraki tina gwatuivanua lakua Aleksadria u tuku vano vaki lo vanua Itali, hokinia mo lavikami vaki lo aga hi.

7Keu kwalao lo aga taliku tabetabeki a rani u rusa, huri a langi u here vovohikami. Kemo kwalao laliki, a taro u hati haburu rovonaki kemo maravuti lo gwatuivanua Nitas. A langi u huira haburu vovohikami, vae huri hi kehe kwalao lai tea vake, hokinia kemo kwalao tegetano kemo hili lo ngwarara na vanua Krit. Kemo kwalao lili lo singo Salmone vaki tavaluki. 8Vunu kemo kwalao garagarani vaki uta, vae a langi u huira vovohikami radu. Vunu kemo vanamai vaki lo tanotano rau kwarekinia kwara A Nuku Karea, a hilihili na aga karea, he vakahao tea tina gwatuivanua Lasea.

9Hikani keu mahuki na taro u tuai takwa-hi, hokinia a aga rahe kwalao lai tea, huri hika a taro na langi ua u garagarani. A taro nona gwaloana noi Isrel* rau kwarekinia a Rani na Vai Bakotoki na Vaivai Hati, #27.9: A Rani na Vai Bakotoki na Vaivai Hati. Aia lo vula hi Oktoba. Kona taga lo Deksenare lo buku hika takuni. u vano ba. Vae hika i Pol mo kwaha maira mo viti #2 Kor 11.26 #Lev 16.29 10“Ngwera. Nu tagaia kwara a halada tina gwatuivanua hike ne hati haburu. A vivilagoki rana sala mana aga. Vae a tangaloi vake rana sala.” #Bol 27.22 11Vae a kaitomuaki na tangaloi na vuro u hauhuri lo leo nona kailai na aga mana tangaloi hi a agana, aia he rongohuri na leo i Pol tea. 12A nuku hi he karea te kwara rana hugu eia lo taro na kangwkangwa huri a taro hi a taro na langi ua. Hokinia a tangaloi rusa rau lengaia kwara rana vai rongo rana tiraki vaki lo nuku Vinikis heheri. Rau lengaia kwara rana hugu eia lo taro na kangwkangwa. A nuku hi aia lo vanua Krit vake, vae u tu vovohi na kadua mana kwaibilake.

A tahi u hati

13A malakadua mo here kelekele, a tangaloi vano hi rau domi kwara vae rana vai lavi na noga domidomi. Hokinia ramo revei na noga vatu liko rau kwalao auta vohoki lo vanua Krit. 14Vae he tuai tea a langi mo here u huira, a langi ua rau kwarekinia kwara a marakai. Mo here tegetano tina vanua mo kihikami. 15Mo here tilo aga vae kehe vai lai tea kwara kena kwalao vovohi na langi hi. Hokinia kemo tiu huri na langi mo kwalikami. 16Hikani kemo kwalao behi na vanua kelekele Kaota kemo hili kelekele tavaluki-mabeo. Takwahini kemo vai lai kemo revei na aga kelekele tilolo aga lakua vae i kami mana tangaloi na aga keu boloki haburukikami luna. 17Ramo reveia hake vunu ramo lahibibi na aga lakua dalidalia kwara ne madi ne hatu takwaka. Rau mataku haburu rau domi kwara vae ramai haga lolo one ngwarere hi lo vanua Libia. Hokinia ramo suri na noga kabani ramo tiu huri na langi mo kwalira. 18A langi lakua hi he mautu tea, hokinia mavukona ramo tinakaki ramo vohoki a renga ratuaki tilolo tahi. 19Kwaihana aira siboga ramo vohoki a vivilagoki na aga hi ratuaki tilolo tahi. 20A rani u rusa hi kehe tagai na mataniaho tea, bongi kehe tagai na vitu tea. A langi u here he tiraki tea, u huira haburu. Mo vavavaikami vae hokinia kwara keu domi kwara kenahe ahi tea.

21A tangaloi savia rahe kani na kinau te vohoki u tuai. Vunu i Pol mo tu tomuakinira mo viti “Ngwera. Kwara vae tulu rongohuriau tanahe kwalao te tina vanua Krit, kwara vae ne karea. Kwara vae i kita tanahe hagwe na rongoana hati te hokinia hika, vake a kinau ranahe sala tea. 22Vae hika nu viti lakwakamu, tulu hatu mataku. Hete katukwale tikita kwara ne tiraki na mamaurianana, aia kehekeheki a aga ne sala tikita. #Bol 27.10,31 23I nau a tangaloi noi God, nu tuku kaluhakinia kina domi mavakiana. Noinoa bongi a nona kaihora tina taetae u vanamai vaki maiau. 24A kaihora hi mo viti kwara, ‘Pol, ko hatu mataku. I nigo vae konari tu koro na nako na hugwe lakua hi i Sisa*. Vake huri na vaitabetabe noi God, u lagwa kwara ne tiraki na tangaloi vano hika rau hugu maiko lolo aga, vae rana ahi.’ ” #Bol 23.11 25Vunu i Pol mo kwaha vano nga mo viti kwara, “Vae tulu hatu mataku, huri i nau nu hauhuri lui God kwara vae ne mule luna hokinia hi nomo viti lakwakamu. 26Vae a langi ne hakekikita lo ureure te katukwale.” #Bol 28.1

Rau maravuti garagarani mana ureure katukwale

27Hikani a bongi mo hangavulu dongwana kaivati a langi mo vohoki lalikikami lolo tahi lakua hi a Tahi Mediterenian. Livukata a tangaloi na aga rau domi kikilaki kwara i kami hika behi na vanua. 28Hokinia ramo vohoki na kaidumu lo karo tilolo tahi, ramo hagwe kwara u bua tegetano a ngava ngavu kairua. Vunu he tuai tea ramo hagwe taliku a ngava hangavulu dongwana kailima, hi mo toko taratarata. 29Hikani rau mataku kwara hika a agamai ne kwalao tilolo vatu, hokinia ramo vohoki na vatu liko na aga kaivati takuni, ramo tiutangaroa kwara ne rani heheri. 30A tangaloi na aga hi rau vai kwara rana kwalao tina aga. Ramo suri na aga kelekele vaki lolo tahi ramo kura kwara rana vohoki na vatu liko lo gwatu na aga. 31Vae i Pol mo viti lakwa na kaitomuaki na tangaloi na vuro mana tangaloi na vuro kwara, “Diko a tangaloi na aga vano hika ranahe hugu te lolo aga, i kamu tulu nehe ahi tea.” #Bol 27.22 32Hokinia a tangaloi na vuro ramo tai utuhi na karo na aga kelekele, ramo tirakinia va vano va sala.

33A rani mo kini, i Pol mo kwahabibira kwara rana kani te hinaka. Mo viti “Hikani a langi mo vavavaikita a rani hangavulu dongwana kaivati. Kwara tulu ne kani na kinau tea, hetea, tulu he kani na kinau te vohoki. 34Karea, tulu kanikani vae tulu ne ahi. A vulumiu hete kwara te katukwale ne sala.” #1 Saml 14.45; 2 Saml 14.11; Mat 10.30; Luk 12.7 35I Pol mo viti kwehini vunu mo lavi na bereti* mo lagwakinia lakwai God lo nakoga, mo volo utuutuhira vunu mo tinakaki mo kani. 36Hikani rahe mataku tea, aira vunu ramo kanikani. 37I kami kemo hugu lolo aga a valuvalumai vidolua vakairua eviki ngavu kaibitu dongwaki kaiono. #27.37: vidolua vakairua eviki ngavu kaibitu dongwaki kaiono aia 276. 38Aira vunu rau kani rau kugwa, vunu ramo vohoki na hinaka tilolo tahi kwara a aga ne mamarae.

A aga mo haga mo mavurivuri

39Mo rani ngwasarasara, a tangaloi na aga hi ramo taga vaki uta lo babaitahi rahe kikilai te kwara a hava vanua. Vae ramo tagai na kwakwahao katukwale a oneoneki eia. A domiga mo mautu kwara rana vai rongo rana kwalao hake takwa-hi. 40Hikani ramo tai utuutuhi na karo na vatu liko kaivati na aga hi ramo tirakinira ramo dono. Lo taro aia hi ramo teri na karo na vohelai, vunu ramo tabe hakeki na noga kabani tomua, hokinia a langi mo here mo kwali na aga vaki auta. 41Vae a aga mo kwalao vaki lo mahao u hati, mo haga lo one, vae i kami varea radu. A gwatu na aga tomua u haga u madi, he kilu lai tea, vae takuni u mavurivuri kina navo lalakua. #Bol 27.22

42A tangaloi na vuro ramo domidomi kwara rana kwohi mate savi na tangaloi gwarugwaru, kwara vae hete katukwale tiura ne karu hake ne kwalao. 43Vae a kaitomuaki na tangaloi na vuro u lengaia kwara ne vakahiki i Pol, hokinia mo tu korora kwara rana hatu vai hokinia hi. Vae mo viti lakwa na tangaloi aira hinea rau kikilai na karukaru kwara rana rovo tilolo tahi tomua rana karu hake. #Bol 27.22,24 44Vunu mo viti lakwara tuaki kwara rana hurira, rana karu lo gwiligwili na aga diko lo mavisa na vikai na aga hi mo mavurivuri. Hokinia hikani kemo karu hake, i kami vunu keu ahi.

Currently Selected:

A Bolokiana 27: HWT

Highlight

Copy