A Bolokiana 18

I Pol mo vano vaki Korin

1Takuni tina kinau aira vano hi i Pol mo tiraki na gwatuivanua Atens mo vano vaki lo gwatuivanua lakua Korin. 2Takwahini u hagwe na tangaloi katukwale a hinana i Akwila. Aia a gwaloana noi Isrel* u vora lo vanua Pontas, vunu mo vano mo hugu lo vanua Itali. Vae takuni tiua hi a hugwe lakua i Klotias u viti kwara a gwaloana noi Isrel savia rana tiraki na gwatuivanua lakua Rom. Hikani i Akwila mai vavinehina i Prisila, raru mo tiraki na gwatuivanua lakua hi raru mo vano raru mo maravuti Korin. Raru mori vanamai hi nga i Pol mo maravuti, mo vano mo tagairarua. #Rom 16.3 3Mo hugu mairarua mo bulu mairarua lo nogaru boloki, huri aia vake a nona boloki huri na kana hinaka u taritarisa mana nogaru boloki. Aira vunu rau tuku redi a tenit. #Bol 20.34; 1 Kor 4.12 4Vake tigwaravu lo Rani* na Mabuana, i Pol u tuku kwaha-karaveki na gwaloana noi Isrel mana ngwera Gris lolo vale* na tiutangaroa nona gwaloana noi Isrel kwara ne lai lavira rana hauhuri lui Jisas.

5Hikani i Saelas mai Timoti raru mo tiraki na vanua Masetonia, raru mo maravuti lo gwatuivanua hi. Lolona hi, i Pol mo tiraki na boloki hika lo rediredi tenit. Mo tiraki na nona taro doluaki mo heretuvaki na leo, mo matangwasaraki lakwa na gwaloana noi Isrel kwara i Jisas aia i Vurae*. #a Bol 17.14-15; b Bol 9.22; 17.3; 18.28 6Vae ramo tai gwerehi na leona ramo kwaha bulakikinia. Vunu i Pol mo vaivai bulaga mo teteraki na gwia tina lugwana lo nakoga kwara ne vosangi kwara rau kwahakwaha hati vovohi God, mo darakinira mo viti “Diko tulu ne sala tina ahiana noi God a domimiu sibomiu. I nau nogu tikei eia maikamu. Vae u tinakaki lo taro hikani na vano kehekeheki vaki mana tangaloi tavalavarea tina gwaloana noi Isrel.” #a Bol 13.45-46; b Mat 10.14; Mak 6.11; Luk 9.5; 10.10-11; Bol 13.51; d Bol 20.26 7Hokinia mo tirakinira mo vano mo toka lolo ingwa na tangaloi katukwale a hinana i Titias Sastas. Aia a tangaloi tavalavarea tina gwaloana noi Isrel vae u kaluhaki i God kina domi mavakiana. A ingwana u tu tavaluki garagarani mana vale* na tiutangaroa nona gwaloana noi Isrel. 8Hikani a kaitagahuri na vale* na tiutangaroa hi a hinana i Krisvas u hauhuri lo noda Hugwe* aia mai raranatuna savia. Vunu a tangaloi rusa vake lolo gwatuivanua Korin ramo rongo na leo, ramo hauhuri ramo lai bavtaes. #a 1 Kor 1.14; b Bol 16.15,33

9Bongi katukwale i Pol mo tagai na vakatabobo. U taga kwara a noda Hugwe u kwaha maia mo viti “Ko hatu mataku, ko kwaha ko hatu tiraki, 10huri i nau maiko. Hete kwara te katukwale ne vai bulakikinigo, huri a tangaloi rusa hinea rau hugu lo gwatuivanua lakua hika aira a nogu tangaloi.” #a 1 Kor 2.3; b Aes 41.10; 43.5; Jer 1.8 11Hikani i Pol mo hugu takwahini a hukao katukwale kairuaki duviki, mo huhui na tangaloi kina leo i God.

A tangaloi ramo lavi Pol vaki lo tanotano na arekiana

12Vunu a ngwera Rom ramo tau i Galio kwara ne kwareki a kavman lakua nona ngwera Gris. Vae lo taro hi a gwaloana noi Isrel* ramo vileki tabulutaki ramo kwiribibi Pol, ramo lavia vaki lo ingwa na arekiana. 13Hikani ramo viti “A tangaloi hika u vai kwara ne revei na tangaloi rana kaluhaki God lo hala he taritarisa tea mana Tangwata*.”

14Hikani i Pol u vai kwara ne kwaha, vae i Galio mo kwaha maira mo viti “I kamu a gwaloana noi Isrel, tulu rongohuri. Kwara vae a tangaloi hika he bakoto tea diko u vai a kinau hati, diko u galo lo tangwata, kwara vae aia u taritarisa kwara i nau nana rongohurikamu. #Bol 23.29; 25.18-19 15Vae hika a viroroa huri na leo mana hina mana nomiu tangwata sibomiu, i kamu sibomiu tulu ne vai tabetabeki. Vae i nau nanahe kwaheki na leo te vano hi kwara ihe u bakoto, ihe u hati.” #Sione 18.31 16Hikani mo livutira tivarea tina ingwa na arekiana. 17Vae ramo kwalibibi Sostenes, a kaitomuaki na vale* na tiutangaroa, ramo takwilia lolo nako na ingwa na arekiana. Vae i Galio he domihuri te vohoki.

I Pol mo mule taliku vaki Antiok lo vanua Siria

18I Pol u hugu lo gwatuivanua Korin mana rabela a rani u rusa, vunu mo tirakinira mo vano vaki lo gwatuivanua Kegeria. Tomua i Pol u vai na tulikileo huira mai God, vae lo vanua hi u bala vuluna, u hiri kumina, kwara ne vosangi kwara a nona tulikileo hi u kworo. #18.18: A bohiana hi kona tagai na vevehuriki lo Leo Harikiana Tuai lui Namba 6.1-21. Vunu mo galo lo aga kwara ne mulemai vaki lo vanua Siria. I Prisila mai Akwila raru huria lo aga hi. #Nam 6.18; Bol 21.24 19-21Ramo galo hake lo gwatuivanua Evesas. Vunu i Pol mo vano vaki lo vale* na tiutangaroa nona gwaloana noi Isrel* mo kwahakwaha maira. Ramo uduhuri kinia kwara ne hugu maira te habete vae he masinge tea. Vae lolona mo tirakinira mo viti “Vae diko a domikiana noi God na mulemai harokamu taliku.” Hikani mo tiraki Prisila mai Akwila raru mo hugu takwa-hi, aia mo galo lo aga dolua vake, mo tiraki Evesas, mo vano lo halana. #a Bol 17.17; b Rom 1.10; 1 Kor 4.19

22Mo maravuti lo gwatuivanua lakua Sisaria mo galo hake mo vano vaki Serusalem mo lai nona lagwaana lakwa na kwarelua* noi Jisas takwa-hi, vunu mo vano vaki lo gwatuivanua lakua Antiok lo vanua Siria. 23Mo huguhugu habete takwa-hi vunu mo tirakinira. Mo vano laliki lo vanua Galesia maia Vrisia, mo kwahabibi na tangaloi hauhuri savia kwara rana huira vakevake.

I Avolos u heretuva lo gwatuivanua Evesas maia Korin

24Hikani a gwaloana noi Isrel* katukwale u vanamai vaki lo gwatuivanua Evesas. A hinana i Avolos, u vora lo gwatuivanua lakua Aleksadria. U kwahakwaha u matangwasara, u kikilai na Uliuli* Kokona u haburu. 25Rau huhuia u rovo ba kina Hala na noda Hugwe*. Tigwaravu a domina u huira lo nona heretuva, vake u huhui bakotoki na tangaloi kina kareaki huri i Jisas. Vae u kikilai a bavtaes noi Sione kehekeheki. #a Rom 12.11; b Bol 19.3 26U tinakaki mo heretuva lolo vale* na tiutangaroa he mataku te vohoki. Vae i Prisila mai Akwila raru mo rongoa, raru mo lavia mule vaki tatagaru raru mo matangwasaraki tabetabeki na Hala noi God lakwae. #Bol 19.8 27Takuni tiua, i Avolos mo domi kwara ne vano vaki lo vanua Gris. Hokinia a rabela eia lolo gwatuivanua Evesas, rau hago maia ramo uli na leo vaki mana tangaloi hauhuri lui Jisas takwa-hi lo vanua Gris. Ramo viti lakwara kwara rana lai tabetabekinia vaki takwa-hi maira. Lolona mo maravuti, u kwareki a kaihago lakwara hinea rau hauhuri lalahi na domi tabetabe lakua noi God. #2 Kor 3.1 28Kina nona leo huira mo gui na gwaloana noi Isrel lo nako na tangaloi rusa, mo vosangi tina Uliuli Kokona kwara i Jisas aia i Vurae*. #Bol 9.22; 17.3

Currently Selected:

A Bolokiana 18: HWT

Highlight

Copy