2 KORIN 3
3
A tangaloi noi Kraes lo gwatuivanua Korin aira hoki na leta hinea u viti huri Pol
1Hikani nu domi kwara tulu rongo hokinia hika kwara keu tuku kwaha domidomikami taliku lolo nakomiu. Vae hete kwehi. A tangaloi tuaki rau kwali a leta nona rabuluimiu kwara rana matangwasarakinira lakwakamu huri tulu he kikilaira tea. Vunu lolona ramo lakao tikamu rau kwali na nomiu leta kwara vae i rabuluimiu rana kikilaira. ?Vae tulu vai kwara tulu ne vaikami kwehi? !Hi tulu reraka! #a 2 Kor 5.12; b Bol 18.27; Rom 16.1 2I kamu vohoki, i kamu hoki na nomai leta lakwakamu, u ulibibiana lolo domimai, vae a tangaloi doluaki rau taga lavia, rau valukia. #1 Kor 9.2 3Vunu u matangwasara vake kwara i Kraes* sibona aia u uli na leta hi, vae mo tirakinia tilo kabamai kwara kena betekinia. A leta hi i Kraes he ulia te kina igi, vake he kikiria te lo vatu lalakua. Vae u boloki kina Tanungwe noi God Tatoka mo ulia tilolo domidomi na tangaloi. #a Eks 24.12; 31.18; 34.1; Dut 9.10,11; b Prov 3.3; 7.3; Jer 31.33; Esik 11.19; 36.26 4Keu viti lai kwehini huri keu hariki lui Kraes, vae kemo hauhuri mo madi lui God.
I Pol aia a tangaloi boloki na leo harikiana karagwa
5Maikami a kinau tikei kwara ne vaikami kena viti lai kwara, “A boloki hika a nomai boloki.” Vae a kinau hinea rau vaikami kemo huira huri boloki rau vanamai ti God kehekeheki. #2 Kor 2.16 6Aia u vaikami kemo vai lai a bolokiana na nona leo harikiana karagwa. A leo harikiana hini aia hete kinau na tangwata hinea mo uliana, vae aia a kinau na Tanungwe noi God. A tangwata hi ramo ulia, u vai matei na tangaloi, vae a Tanungwe noi God aia u bete ahiana lakwa na tangaloi. #a Eks 24.8; Jer 31.31; 32.40; 1 Kor 11.25; Hib 8.8-13; b Sione 6.63; Rom 7.6
A leo harikiana karagwa noi God mana bulana tangaloi u karea sileti na leo harikiana tuai
7Lolona i Mosis mo lavi na Tangwata*, i God u kikiria lo vatu lalakua kairua. Vae lo taro hi a hahaviada noi God mo vavarama tilo nako i Mosis, a nakona mo kwaka. Vae vaki takuni a vavarama hi mo titikeiki tina nakona. Vae tomua a vavarama hi u huira haburu, a gwaloana noi Isrel* rahe taga lai te tilo nakona kwara ne tuai. A Tangwata hini u vanamai mana hahaviada noi God, vae a bolokiana na Tangwata aia kwara ne vai mate kehekeheki. #Eks 34.29-30 8Aia a hava na hahaviada lakua noi God mo kwaka vakahaki na bolokiana savia hinea a Tanungwe Kokona mo toko vaira. 9A bolokiana nona Tangwata aia u lavi na arekiana noi God tilo mateana tiluda, aia vae a hahaviada lakua noi God u kwaka vakahakinia. Vae a bolokiana nona Tanungwe hinea i God u tuku viti kwara u domidomi koro lakwa na tangaloi, vae a hahaviada lakua noi God u kwaka vakahakinia siletia hi mo kwaka vakahaki na Tangwata. #a Dut 27.26; b Rom 1.17; 3.21 10Tana viti lai kwehi kwara i God u vosangi na nona huirana lakua hika kwahale u haburu sileti na huirana na nona hahaviada hini mo vosangia tomuaki hinea u kwaka, vae hika u rovo u tikei ba. #Eks 34.29-30 11Kareaki a bolokiana hi nona Tangwata hinea u eno he tuai tea, vae i God u vosangi na nona huirana kina nona hahaviada lakua luna. Vae a bolokiana hini nona Tanungwe hinea u eno vaki tuai, aia u vosangi na karekarea na nona huirana u lakua karakara luna.
12Keu huira, kehe mataku tea, huri keu tau na nomai domidomi u madi lo bolokiana hinea a Tanungwe mo toko vai. 13I kami hete hoki Mosis hinea mo tau na lugwa koro na nakona kwara a gwaloana noi Isrel rana hatu tagai na hahaviada hinea lo nakona mo hivo mo toko tikei. #Eks 34.33,35 14Kareaki, tuai a gwaloana noi Isrel a domiga u vono kina hala na bolokiana hini tuai. Mo vano vaki na hika lolona ramo valuki na leo lo Leo Harikiana Tuai, a kinau eia u tuku tu koro na domidomiga hoki na lugwa hinea tuai mo kakavu koro na nako i Mosis. Vae diko rau hariki lui Kraes*, aia kehekeheki neri lavi na lugwa hini letiu tina domiga. #Rom 11.25 15Vae vaki na hika lo hava taro te hinea ramo valuki na Tangwata noi Mosis a lugwa hi u kakavu koro na domiga radu nga hoki na lugwa hini mo kakavu koro na nako i Mosis. 16Vae diko a tangaloi ne bohi vaki mana Hugwe i God, a lugwa hi vae ne laiana letiu. #3.16: Lo hala kairuaki a domidomi na leo hi aia hokinia hika kwara, Vae a Hugwe i God u lavia letiu hoki na Uliuli Kokona mo viti huri Mosis kwara, “Lolona mo bohi vaki mana Hugwe i God, a lugwa hi vae mo laiana letiu.” #Eks 34.34; Rom 11.23,26 17Hikani a leo hi “a Hugwe i God” u viti na Tanungwe Kokona. Vae diko a Tanungwe na noda Hugwe* u toka mana tangaloi u teri na kaigwaruga tiura. #Sione 7.39; 8.32,36; Rom 8.2; Gal 5.1,13 18I kita vunu, a hahaviada noi God u vavarama tiluda, vae a tangaloi rau tagai na nunu i God lo nakoda hinea a lugwa he kakavu koroa tea. A hahaviada hi u vanamai tina Hugwe hinea a Tanungwe Kokona, vae u vaikita tamo mulemai hokinia kina hahaviada hinea mo toko lakua vakevake. #Eks 16.7; 24.17
Currently Selected:
2 KORIN 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
