Popular Bible Verses from 2 KORIN 3

Share

Hikani a leo hi “a Hugwe i God” u viti na Tanungwe Kokona. Vae diko a Tanungwe na noda Hugwe* u toka mana tangaloi u teri na kaigwaruga tiura.

I kita vunu, a hahaviada noi God u vavarama tiluda, vae a tangaloi rau tagai na nunu i God lo nakoda hinea a lugwa he kakavu koroa tea. A hahaviada hi u vanamai tina Hugwe hinea a Tanungwe Kokona, vae u vaikita tamo mulemai hokinia kina hahaviada hinea mo toko lakua vakevake.

Vae diko a tangaloi ne bohi vaki mana Hugwe i God, a lugwa hi vae ne laiana letiu.

Maikami a kinau tikei kwara ne vaikami kena viti lai kwara, “A boloki hika a nomai boloki.” Vae a kinau hinea rau vaikami kemo huira huri boloki rau vanamai ti God kehekeheki. Aia u vaikami kemo vai lai a bolokiana na nona leo harikiana karagwa. A leo harikiana hini aia hete kinau na tangwata hinea mo uliana, vae aia a kinau na Tanungwe noi God. A tangwata hi ramo ulia, u vai matei na tangaloi, vae a Tanungwe noi God aia u bete ahiana lakwa na tangaloi.