2 KORIN 10
10
I Pol u duvi na leo lakwara hinea rau viti kwara a nona huirana tikei
1I nau i Pol, nu viti lakwakamu kwara tulu ne rongohuri na leo hika hinea na viti huriau sibogu. A tangaloi rau tuku viti kwara diko nu hugu maikamu nu lailai hivokiau, vae diko nu hugu vakahao tikamu nu vai madikikamu. Vae i nau nu kwaha tabetabe maikamu lo hina i Kraes* hinea u hivokinia, a hahakavina eia huri na tangaloi. Na viti lakwakamu kwara, #1 Kor 2.3 2na maravuti maikamu, vae tulu hatu vaiau kwara na kwaha madikikamu. Nu viti kwehi huri a tangaloi tuaki rau viti kwara i kami keu tuku vai kinau lo doridori na tangaloi vohoki. Vae nu kikilai kareaki kwara na vai lai na vai madikinira kareaki. #1 Kor 4.21 3Kareaki i kami a tangaloi na varamana, vae keu vai vuro hete kwara kena huri na domidomimai hinea keu vai lo doridori na tangaloi. 4A vivilagoki na vai vuro vano hi kemo vai vuro kinira, aira hete a vivilagoki na varamana, vae aira a noi God hinea rau huira huri kwara vae kena magaraki lavi na ingwa kinira, hinea a ingwa na vai vuro rau madi. Hikani keu tuku vai magaraki na leo kurakura rusa hinea a tangaloi ramo toko vitira huri vae ramai tu koro na vitikareaki. #Eves 6.13-17 5Keu reve surisuri savi na kinau hinea a tangaloi ramo rivukira kina langilangi hinea ramo tu koro na tangaloi kwara rana hatu kikilai God. Keu bohiki savi na domidomi hati nona tangaloi, kemo vaira ramo rongohuri Kraes. 6I kamu hi tulu betekamu ba lakwai Kraes kwara tulu ne rongohuria tigwaravu. Vae diko tuaki tikamu rau galo lo leo hi taliku, i kami keu rarai kwara kena vai kadira huri. #2 Kor 2.9
7I kamu tulu tuku tagai na bohiana na tangaloi noi Kraes, vae tulu tuku taga tavalavarea vohoki. Nu domi kwara tuaki tikamu rau domi kwara aira a tangaloi noi Kraes. U karea kwara aira hi rana domidomi taliku kwara i kami vake kwehi, i kami a tangaloi noi Kraes. 8Vae i nau diko nu kwaha domidomiau haburu mana huirana hinea a noda Hugwe* u betea ba lakwakami a kaihora* kokona, vae nahe maemae lai te huri. A nomai huirana hi huri kwara ne vaikamu tulu ne huira vakevake, tulu ne lalakua vakevake, hete huri kwara ne reve hivokikamu taliku. #a 2 Kor 12.6; b 2 Kor 13.10 9Nohe lengaia tea kwara tulu ne domi kwara nu vai kwara nana vaikamu tulu ne mataku kina nogu leta vano hi. 10A tangaloi tuaki rau viti kwara, “A leo i Pol lo leta vano hi rau huira haburu vake rau mava, vae lolona hinea u hugu maikita u keokeo, a leona rau vuroki vohoki.” 11U karea kwara a tangaloi vano hi rau tuku viti na leo hi rana kikilai na kinau hika. A bohibohianamai hi lolona kena maravuti maikamu, vae ne taritarisa hokinia lo leo vano hi kemo toko vitira lo leta hinea keu hugu vakahao tikamu radu nga. #2 Kor 13.2,10
I Pol u duvi na leo lakwara hinea rau viti kwara u tabe hakekinia sibona
12A tangaloi tuaki hike rau domi kwara aira a tangaloi hahaburuka. Vae i kami keu maemae kwara kena tu maira kena taga kwahekikami kwara ihe maira rau karea siletira hi ratuaki. Vae a tangaloi vano hi rau reraka. Aira siboga rau tau noga dumu kwara ihe u aulu, ihe u evina. Aira kehekeheki rau kwahekinira lo noga domidomi siboga. #2 Kor 3.1; 5.12 13Vae i kami, i God u tau a nomai dumu kwara kena kwaha domidomikami mana nomai bolokiana, vae kenahe vano te sileti na dumu hi. Kena kwaha domidomikami huri na nomai bolokiana kehekeheki hinea i God u betea lakwakami kwara kena vaia, vae a boloki hinea keu vai maikamu aia a duvi na nomai bolokiana hi. #Rom 12.3 14Vae huri hi, lolona hi kemo venatu vaki maikamu, kehe vano te sileti na dumu, huri i kami tomua halaradu kemo lavi na Roro Karea noi Kraes* vaki maikamu. 15Vae hokinia, lolona kemo kwaha domidomikami lo nomai bolokiana maikamu, i kami kehe vano tea sileti na dumu na bolokiana hinea i God mo betea lakwakami. I kami kehe toko kwaha domidomikami tea mana bolokiana nona tangaloi dolua. Vae keu tau na nomai domidomi luna hika kwara a nomiu hauhuriana ne huira vakevake, vunu vake kwara kena vai te bolokiana te maikamu ne lakua vakevake. Vae kehe lengaia tea kwara kena vano sileti na dumu hinea i God mo taua. #Rom 15.20 16Vunu takuni tiua kena vano kena heretuvaki na Roro Karea lo vanua ratuaki tavaluki tikamu. Vae hokinia kenahe boloki tea lo vanua hinea a tangaloi dolua u boloki eia ba, vae kenahe kwaha domidomikami tea mana bolokiana nona tangaloi dolua. #Bol 19.21
17Vae a Uliuli* Kokona u viti kwara, “Ihe te hinea u lengaia kwara ne kwaha domidomia, ne kwaha domidomia mana kinau hi vohoki hinea a noda Hugwe* u vai lakwae.” #Jer 9.24; 1 Kor 1.31 18A tangaloi hinea u tuku kalukinia sibona, aia hete tangaloi vitivitihuri, vae a tangaloi hinea a noda Hugwe u kalukinia, aia hi kareaki a tangaloi vitivitihuri. #1 Kor 4.4-5
Currently Selected:
2 KORIN 10: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
