1 PITA 4
4
Tulu ne bohi na doridorimiu
1Lolona i Kraes* mo hugu lo varamana hika mo rongo hati lo tarabehina. Vae huri hi i kamu vake a doridorimiu ne hoki na doridorina kwara ne rakahuimiu tulu ne huira, huri ihe te hinea u rongo hati lo tarabehina u tiraki na hatiki. #Rom 6.2,7 2Vae u tinakaki hikani, lo nomiu tokaana hike lo varamana tulu hatu tiraki na vaivai hati hinea a domimiu rau lengaia ramo hugwe korokamu, vae tulu ne tiraki God ne hugwe korokamu. 3Lolona hinea tuai tulu mo toko bohibohi hoki na tangaloi na dodoki ramo toko vai, tulu mahuki haburuki na taro. Tulu tuku vai doridori hati, a domimiu rau hati huri na doridori hati, tulu inuinu vae a domimiu rau sala kinia. Tulu vai kanikani lalakua kwara tulu ne livu ravavine, vunu tulu inu a inuinu hati kwara tulu ne torongi haburu. Vunu vake tulu tiutangaroa lakwa na takaro vuroki maira, vae a doridori hi he taritarisa te vohoki. #Eves 2.2-3; Taet 3.3 4Vae hika a tangaloi na dodoki rau idila haburu kikamu huri tulu he bulu te maira lo noga bohiana hati hinea rahe domi huri na kinau te vohoki, vae rau vai kinau haro nga. Lolona ramo taga kwara tulu he vai te hokinira, rau kwaha bulakikikamu. 5Vae rana matangwasaraki na doridoriga lakwai God, aia hi u rarai kwara ne kwaheki na doridori na tangaloi hinea rau hugu radu, maira hinea rau mate ba. #a Bol 10.42; 2 Tim 4.1; b 1 Pita 3.19 6Vae huri hi a Roro Karea mo heretuvakiana vake lakwa na tangaloi hinea rau mate ba. Lolona ramo ahi radu nga rau hagwe na kakadiki ramo mate hoki na tangaloi savia. Vae a Roro Karea mo heretuvakiana lakwara kwara vae a tanungwega rana toka ne taritarisa hokinia i God u toka.
Tulu ne hagohago maikamu
7U garagarani kwara a varamana ne rovo mana vivilagokiki savia vake. Vae huri hi tulu kwiribibikamu sibomiu, tulu tagataga kwara vae tulu ne tiutangaroa lai. #Rom 13.11-12; 1 Sione 2.18 8A kinau lakua karakara sileti na kinau savira aia hi kwara tulu ne lagwalagwa maikamu kina viti kareaki, tulu hatu keokeo, huri a tangaloi hinea u lagwa mana tangaloi u domidomi koro lakwae huri na nona vakasileana rusa. #Prov 10.12; Sem 5.20 9Tulu hahavaki tabetabekikamu muleki vaki tatamiu kina lagwaana, tulu hatu langalangakikamu luna. 10I kamu katukwale kehe tulu lavi na hilehile na huirana ba hinea i God mo betekamu kinira kina nona domi tabetabe lakua kwara tulu ne boloki nona. Vae tulu ne boloki ne taritarisa kina hilehile a gwatuki u rusa hinea mo betekamu kinira katukwale kehe kwara tulu ne hagohago maikamu muleki. #Rom 12.6-8 11Ihe te u heretuva ne heretuvaki na leo noi God, diko ihe te hinea u hago mana tangaloi, ne boloki kina huirana hinea i God mo bete lakwae. Vae lo hala hokinia hi savia, a tangaloi rana tabe hakeki na hina i God vakevake lalahi i Jisas Kraes*, hinea a karekarea mana huirana a nona vaki tuai a gwereki tikei. Io kareaki. #1 Kor 10.31
Ne havutikamu lo taro na rongoana hati
12Rabelagu. Tulu hatu maruti kina kakadiana hati hinea mo toko vaivai rongohikamu hoki na kabu hinea mo kao letiuki na hogo tina kol. Tulu hatu domi kwara a kinau hi u dolua hinea he kihi na tangaloi te ratuaki. #1 Pita 1.7 13Aia ne havutikamu huri tulu mo bulu mai Kraes lo nona rongoana hati hokinia hi, vae ne havutikamu haburu kwahaia hi, vae i God ne vosangi na nona karekarea tivarea. #Bol 5.41 14Diko a tangaloi ramo kwaha bulakikikamu huri tulu mo kwareki a tangaloi noi Kraes, ne havutikamu. Hokinia hi a domianaki aia hika kwara a Tanungwe noi God mo hivo tilumiu, u toka lumiu. #a Sam 89.50-51; Bol 5.41; 1 Pita 2.20; b Aes 11.2 15Te tangaloi hinea u uaua mate tangaloi, diko hinea u babalu, diko hinea u tuku galo lo tangwata, diko hinea u kwali haharaki na boloki nona tangaloi vae aia he vai na kinau tea, vae ne hagwe na kakadiki huri. Vae he taritarisa tea kwara te katukwale tikamu ne vai na doridori hokinira hi vae ne rongo hati luna. 16Vae diko i kamu te katukwale ne rongo hati huri mo kwareki a tangaloi noi Kraes*, ne hatu maemae luna. Vae ne tabe hakeki na hina i God huri a hina i Kraes u eno luna.
17A taro u maravuti ba kwara i God ne tinakaki ne kwaheki na doridori na tangaloi savia, vae i kita hi a tangaloi noi God, ne taga kwaheki na doridorida tomua, ne vai kadikita huri na noda hatiana. ?Vae diko ne tinakaki luda, vae ne gweregwereia hoki na havakinau maira hinea rahe hauhuri te lo Roro Karea hi u vanamai ti God? #a Jer 25.29; Esik 9.6; b 2 Tes 1.8 18A Uliuli* Kokona u viti kwara,
“?Diko u madi lakwa na tangaloi bakoto kwara rana ahi,
vae kworohokinia mana tangaloi
hinea rahe rongohuri God tea,
aira a tangaloi vaivai hati?
A hala ne tikei lakwara.” #Prov 11.31
19Karea, aira hinea ramo rongo hati huri a domikiana noi God kwehi, rana tiraki na mamaurianaga tilo kaba i God hinea mo kihira, hinea a nona tulikileo nehe sovi lai tea. Vake rana vai kinau hinea rau bakoto kehe nga. #Sam 31.5
Currently Selected:
1 PITA 4: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
