1 KORIN 16
16
A hilehile kwara ne hago mana tangaloi noi God lo vanua Sutia
1Hikani na duvi na nomiu leo huri na hilehile kwara tulu ne hago mana tangaloi noi God kinia lo vanua Sutia. A nogu domidomi aia hika. Tulu vai hokinia hi nomo viti lakwa na kwarelua* lo vanua Galesia kwara rana vai. #Bol 11.29; Rom 15.25-26; 2 Kor 8.9; Gal 2.10 2Vataha na kwiki lo Sade, vatavatahakikamu tulu ne lailai te nomiu mane*, tulu ne tau tabetabeki ne eno rarai. Tulu ne bete ne taritarisa lo nomiu mane hinea tulu mo toko lai lo nomiu boloki. Aira hi rau lai lakua rana tau lakua, aira hi rau lai kelekele rana tau kelekele. Vae na maravuti maikamu a nomiu hilehile ne rarai. #Bol 20.7 3Vake u karea kwara tulu ne viviloki haro na nomiu tangaloi te kwara rana kwali na hilehile hi, vae nana maravuti maikamu na bete na leta lakwara, vae a leta vano hi rana viti huri na boloki hi. Vunu na horara kwara rana kwali na nomiu hilehile hi vaki Serusalem. 4Diko nu domi kwara u taritarisa kwara na vano vake, a tangaloi vano hi rana huriau.
I Pol u viti terekaki na halana
5Hikani na vano vaki Masetonia. Na vano vaki Masetonia ne rovo vunu nari venatu vaki maikamu. #Bol 19.21 6Vae nu domi kwara na hugu ne tuai maikamu. Kwara na mabu te maikamu lo taro na kangwkangwa vunu vaki takuni tulu neri hago maiau lo halagu takwanahavaki na vano eia. #Rom 15.24; Taet 3.12 7Nohe lengaia tea kwara na hugu maikamu a taro gwanugwanu vohoki hokinia kwara i nau te lo halagu vaki lo vanua dolua. Vae diko a domikiana na noda Hugwe*, nu lengaia kwara na hugu ne tuai maikamu. #Bol 18.21
8Vae a domidomigu kwara na hugu hike lo gwatuivanua Evesas tarisaki lo Rani* na Pentekos, #a Bol 19.1,10; b Lev 23.15-21; Dut 16.9-11 9huri lo vanua hika aia hokinia kwara a matakihala u matakahi lakweau ba kwara na vai na bolokiana karea hinea a kwaiki ne rusa. Vae a tangaloi u rusa rau tu vovohiau kwara rana magaraki na bolokiana hi. #Bol 19.8-10; 2 Kor 2.12; Kol 4.3; Rev 3.8
10Diko i Timoti mo venatu vaki maikamu, tulu tagahuria ne karea kwara vae ne lagwa ne hugu maikamu, huri aia u boloki nona Hugwe hokinia hinea i nau nomo vai. #a 1 Kor 4.17; b Vil 2.20 11He karea tea kwara tulu ne taga bulakikinia, vae tulu ne hago maia kwara ne rongo karea lo halana, vae ne maravuti maiau taliku, huri i kami mana ratua keu hugu tarae. #1 Tim 4.12
12I tuada hi i Avolos, nu seseaka luna kwara ne huri ratuada ratuaki ne tirokikamu, vae u domi kwara he taritarisa te kwara ne venatu vaki maikamu lo taro hika. Vae a taro ne eia lakwae neri venatu mo tirokikamu. #Bol 18.24; 1 Kor 1.12; 3.5-6
A leo rovonaki noi Pol lakwara
13Tulu likoki, tulu tu ne madi lo nomiu hauhuriana, a domimiu ne hatu kilukilu, vae tulu ne huira. #Sam 31.24; Eves 6.10 14Lo nomiu bolokiana savira tulu ne vaira lo lagwaana kehekeheki.
15I kamu tulu rongo ba kwara i Stevanas mana nona vakabela aira rau mulemai kina tangaloi noi Kraes* tomua halaradu lo vanua Gris, vae rau boloki haburukinira kwara rana hago mana tangaloi noi God. Rabela. Nu seseaka lumiu #a 1 Kor 1.16; b Rom 16.5 16kwara tulu ne domi mavaki na tangaloi hokinira hi, tulu ne rongohurira, vake mana tangaloi savia hinea ramo toko hago maira lo boloki.
17I nau u havutiau haburu huri i Stevanas, i Votunatas, i Akaekas, ramo maravuti ramo lai tanotanomiu ramo hugu maiau. 18Ramo rakati na domigu nomo lagwalagwa, hokinia hi ramo rakati na domimiu tulu mo lagwalagwa. U taritarisa kwara tulu ne domi mavaki na tangaloi hokinira hi. #Vil 2.29; 1 Tes 5.12
19A kwarelua* lo vanua Esia rau hokaki noga lagwaana lakwakamu. I Akwila mai Prisila mana kwarelua hinea rau vileki tabulutaki tatagaru, rau lagwa haburu ramo hokaki noga lagwaana lakwakamu lo hina na noda Hugwe*. #a Bol 18.2,18,26; Rom 16.3; b Rom 16.5 20A rabela savia takwa-hi rau hokaki noga lagwaana lakwakamu.
Tulu hahavakikamu muleki kina boboniana #16.20: A boboniana aia a bohianaga tuai, vae i kita kwahale tau lakao hahavakikita kina duledule kaba. hokinia tulu vituatua. #Rom 16.16; 2 Kor 13.12; 1 Pita 5.14
21A leo hika nu ulia kina kabagu. I nau i Pol nu hokaki nogu lagwaana lakwakamu. #Kol 4.18; 2 Tes 3.17
22Diko te tangaloi he lagwa te mana noda Hugwe, u karea kwara a tangaloi hi ne va sala.
Nomai Hugwe, ko vanamai. #Gal 1.8,9
23A tangaroa karea hika lakwakamu. A Hugwe i Jisas ne hago maikamu kina nona domi tabetabe lakua.
24I kamu vunu hinea i kita tau hariki lui Jisas Kraes, nu lagwa maikamu haburu.
Currently Selected:
1 KORIN 16: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
