1 KORIN 13
13
A hala na lagwaana
1Diko nu kwaha lo leo na tangaloi rusa mana leo na kaihora lolo taetae, vae a lagwaana tikei lugu, a leogu aia hoki na roro vuroki vohoki. I nau hoki na tingitingi, diko a belo hinea rava toko tatangi haro vuroki. 2Diko nu lavi na hilehile na huirana kwara na duruki na leo ti God, vae a lagwaana tikei lugu, i nau a kinau vuroki. Diko nu lavi na kikikila savia, vake nu rongo kikilaki na kinau savia hinea i God mo tavunikinira, vae a lagwaana tikei lugu, i nau a kinau vuroki vohoki. Vake diko a nogu hauhuriana u madi lui God kwara nu taritarisa na kusaki lavi na vuti lalakua, vae a lagwaana tikei lugu, i nau a kinau vuroki vohoki. #Mat 17.20; 21.21; Mak 11.23 3Diko nu bete vuroki savi na nogu vivilagoki lakwa na tangaloi kakaravi, vake nu tiraki na nogu tavaluivuro kwara rana huraiau lo kabu huri i nau a tangaloi noi Kraes*, vae a lagwaana tikei lugu, vae nehe hago te maiau vohoki. #Mat 6.2
4A tangaloi hinea u lagwa mai God, vake u lagwa mana tangaloi, a domina u bua, u vai tabetabeki na tangaloi, a kinau he kadikadia tea, he domidomi hakekinia tea, he domidomia tea. 5A tangaloi hinea u lagwa haburu mai God, vake u lagwa mana tangaloi, he nakonako-vonoka tea, he domi huria te sibona, he lologute te vuroki, he kwiribibi na lologute tea kwara ne tuai. #a Vil 2.4; b Sek 8.17 6A tangaloi hinea u lagwa haburu mai God, vake u lagwa mana tangaloi, he lagwa tea mana hatiki vae u lagwa mana vitikareaki kehekeheki. #Rom 12.9 7A tangaloi hinea u lagwa haburu mai God, vake u lagwa mana tangaloi, a domidomina he sovi tea. Tigwaravu u hauhuri u madi lui God, u tau na domina u madi lui God. Te hava rongoana hati u kihia vae u tu madi, a domina he sovi tea. #a Prov 10.12; Rom 15.1; 1 Pita 4.8; b 1 Kor 9.12
8A lagwaana nehe tikei lai tea. A leo durukiana ti God, vae ne rovo. A tangaloi rau kwaha lo leo mataroi, vae a leo vano hi, a taroki ne vanamai, a tangaloi ranahe vitira te taliku. A tangaloi rau viti na leo na kikikila, vae a kikikila hi ne rovo. 9A leo na kikikila eia, vae tanahe kikilai savi na kinau tea. Tau duruki na leo ti God, vae tau durukinia duviki vohoki. 10Vae a taroki ne vanamai hinea a kinau rana taritarisa rana bakoto, vae lo taro hi a doridori vano hi hinea tau tuku vai duviduviki vohoki, rana rovo rana tikei.
11Lolona i nau a natu radu nga nu kwahakwaha hoki na natu, nu kikilai na kinau hoki na natu, nu domidomi hoki na natu. Vae hikani nomo ngwarasea nu tiraki na doridori na natu. 12Hikani tau tagai na doridori i God, vae aia hokinia kwara tau titiro lo gelas hinea u viaviara. Vae lo taro hinea ne vanamai tana taga vinakonako. Hikani hokinia nu kikilai na duviki vohoki, vae lo taro hi nari kikilai savia ne karea, hokinia i God u kikilaiau karea lo bohianagu savia. #2 Kor 5.7; Sem 1.23
13Vae hikani a doridori aira kaitolu rau eno. A tangaloi u hauhuri lui God, a tangaloi u tau na domina tiluna, vunu u lagwa mai God mana tangaloi. Vae tiura hi kaitolu hinea u haburu, aia hi, a lagwaana. #a 1 Tes 1.3; b 1 Sione 4.16
Currently Selected:
1 KORIN 13: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
