APOKALUPESI 20
20
1Go a punusi agelo sikai e siwo pae nakoroatelagi umai, e dape tea viloki ni epua, go namori ni vatu warua sikai e doko nam̃elearuna. 2Go e pua soki drakon, m̃aata tuai, waina e pei diabolo go Satan, po soli a natau manu sikai, 3po nadi ki nia paki epua, po p̃ogoro e, po pulusoki a elagi ki nia, naga ega ta moro piragi sasap̃o ki nalauna maga mau, pa pa natau wanogoe euga nopu: edaku ki tea wanogoe e one asa one naga ega vei tea veresiana ragi kiki.
4Go a punusi malo tasake maga, go eu dasake ara, go navasap̃otaeana e pei tea vituakiana paki da: go a punusi naatana ni tea maga waina nap̃auda eu pei tea taekotoviana nalakena nanoasokisokiana ni Yesu, go nalakena navasaana ki Sup̃e go ni tea maga waina eu da lotu ki nalo mila mau, go ki nasup̃e kakana mau, go waina eu da dape wotu aneana paki naraeda go paki nam̃elearuda mau; go eu mauri, po maramara sikoti Kristo natau manu sikai. 5Tea p̃ota maga ni tea mate maga eu da mauri mau pa pa natau manu sikai wanogoe euga nopu. Tea wanogoe e pei namoroduleanaana vea. 6Tea waina e peani matele sikai doko namoroduleanaana vea e maropa go e dautau: nara namateana kerua e da peani nakasuaana dap̃au ra mau; ma euga wo pei tea viri maga ki Sup̃e go ki Kristo, go euga wo maramara sikoti a natau manu sikai.
7Go ragi waina natau manu sikai wanogoe euga nopu, Satan ega wo pei tea veresiana m̃elu dua ki tokora ni nakokoroana aneana, 8go ega wo dave naga ega viragi sasap̃o ki nalauna maga waina eu doko naweluki pati ni maramana, Coc go Macoc, naga ega viragi saisai ki da paki navakalo: waina naveveana kakada e dapala naworaone ni natasi. 9Go eu sake usuraki naweleweleana ni navanua, po dalivirigoro tokora ni nam̃enakiana ki tea tautau maga, go natokoana dodomiana: go nakapu e siwo pae nakoroatelagi po gani dinomi ra. 10Go diabolo waina e piragi sasap̃o ki da e pei tea nadikiana paki namarourou ni nakapu go ni sulfur, tokora waina nalo mila go profeta sorosoro ero doko asa; go euga wo pei tea mariana euga vitinu aleati go p̃ogi pa pa ega tu du po du mau du.
11Go a punusi malo tasake warua tare sikai, go tea waina e dasake asa, waina maramana go nakoroatelagi ero sava dua ki naraena pano; go te tokora e da madeada pei tea vap̃aiana mau. 12Go a punusi tea mate maga, tea warua maga go tea kiki maga, eu lawodu narae ni malo tasake; go tusi maga eu pei tea vukepiriana: go tusi p̃ota sikai e pei tea vukepiriana, waina e pei tusi ni namauriana: go tea mate maga eu pei tea vasap̃otaeana m̃elu tea maga waina eu pei tea midiriana tusi maga, pae nawosiana adeada maga. 13Go natasi e pitua ki tea mate maga waina eu doko asa; go namateana go Hades ero pitua ki tea mate maga waina eu doko ara: go eu pei tea vasap̃otaeana sara natam̃oli sikasikai pae nawosiana adeada maga. 14Go namateana go Hades ero pei tea nadikiana paki namarourou ni nakapu. Tea wanogoe e pei namateana kerua, namarourou ni nakapu. 15Go te naata e pe ta pei tea vap̃aiana e pei tea midiriana tusi ni namauriana mau, e pei tea nadikiana paki namarourou ni nakapu.
Currently Selected:
APOKALUPESI 20: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
