APOKALUPESI 16
16
1Go a dogo nadaleo warua sikai waina e dave m̃elu nasum̃a tapu, e noa ki agelo larua, e naga, Kuga vano, po daki lasa larua ni namaritausuana ki Sup̃e paki maramana.
2Go tea vea e pano, po daki lasa aneana paki navanua; go e pei namanuka pitinu sa paki naatam̃oli maga waina eu pilake wotu ni nalo mila, go waina eu do lotu ki nasup̃e kakana.
3Go kerua e daki lasa aneana paki natasi; go e pei nada dapala nada ni naatam̃oli mate sikai; go sara nalo mauri eu mate, go tea maga waina eu doko natasi.
4Go ketolu e daki lasa aneana paki noai sara maga go namata noai ni noai maga, go e pei nada. 5Go a dogo agelo ni noai maga e naga, Ku leana, waina ku doko ragi waia go waina ku doko tuai, Tea Tapu, nalakena ku pasa p̃otae dapala nogoe: 6nalakena eu daki nada ni tea tautau maga go ni profeta maga, go ku dua ra nada naga euga munugi a: eu p̃ia ki nia. 7Go a dogo wede ni naviriana e naga, Ioro, Yehovah Sup̃e O, Tea Kasua mau, navasap̃otaeana anigo maga eu pei lomau go eu leana.
8Go kevati e daki lasa aneana paki elo; go e pei tea vituakiana paki nia naga ega tap̃araki naatam̃oli maga ki nakapu. 9Go naatam̃oli maga eu pei tea tap̃arakiana ki navivitinuana warua: go eu pasa sa ki nagisa ni Sup̃e waina e peani nakasuaana dap̃au nawokatiana maga wanogoe; go eu da midoaki doa mau naga euga tua e nasamasamaana.
10Go kelima e daki lasa aneana paki malo tasake ki nalo mila; go namarakiana aneana e pei tea mariana e maligo; go eu kati namenada nalakena navitinuana, 11go eu pasa sa ki Sup̃e ni nakoroatelagi nalakena navitinuana adeada maga go nalakena namanuka adeada maga; go eu da midoaki doa m̃elu dua ki nawosiana adeada maga mau.
12Go kelatesa e daki lasa aneana paki noai sara warua, Eufrates; go noai kakana e dap̃a, naga napua ki nawota maga waina eu pae elo sake umai ega vei tea marim̃atakiana. 13Go a punusi naatana dolu waina eu da dautau mau, eu dave m̃elu nawoka ni drakon, go m̃elu nawoka ni nalo mila, go m̃elu nawoka ni profeta sorosoro, eu dapala frok maga: 14nalakena eu pei naatana maga ni dimon maga, eu do mari navaivaiana maga; waina eu do dave pano punusi nawota maga ni maramana mamau, naga euga saisai ki da paki navakalo ni naaleatia warua ki Sup̃e, Tea Kasua mau. 15(Kuga leo, aga valoti dapala tea vanako sikai. Tea waina e do leleogoro, po do pavaigoro sugoro aneana maga e maropa, naga ega ta m̃alam̃ala surata mau, go naga euga ta punusi tea ni namaliereana aneana mau.) 16Go eu saisai ki da paki tokora waina e pei tea sosoana pae Heberu ki Harmacedon.
17Go kelarua e daki lasa aneana paki namalopa; go nadaleo warua sikai e dave m̃elu nasum̃a tapu pae malo tasake umai, e naga, E pei tea marisuaana: 18go navila maga, go nadaleo maga, go tovae maga eu pakilina; go naruru warua sikai e pakilina, dapala waina tea takiusi a e da pakilina mau pae ragi waina naatam̃oli maga eu doko maramana pa pa, naruru sikai waina e p̃arua go waina e kasua dapala nogoe. 19Go natokoana warua e pei tea mariana e pei matele dolu, go natokoana maga ni nalauna maga eu dowo: go Babelon warua e pei tea midoakiana namata ni Sup̃e, naga ega tua e lasa munu ni waine ni namaritausuana ni namaetoana aneana. 20Go sara naure eu sava pano, go tava maga eu da pei tea vap̃aiana mau. 21Go usa ni vatu warua, dapala talenta sikai, e siwo pae nakoroatelagi umai paki naatam̃oli maga: go naatam̃oli maga eu pasa sa ki Sup̃e nalakena nawokatiana ni usa ni vatu; nalakena nawokatiana kakana e p̃arua pa p̃arua liu.
Currently Selected:
APOKALUPESI 16: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
