APOKALUPESI 15
15
1Go a punusi navaivaiana p̃ota sikai nakoroatelagi, tea warua go tea ni namagaana, agelo larua waina eu dape nawokatiana larua, waina eu pei tea edaku, nalakena namaritausuana ki Sup̃e e pei tea marisuaana ara.
2Go a punusi tea waina e dapala natasi ni class sikai waina e pei tea marisarisariana ki nakapu; go tea maga waina eu mari matua pa dua ki nalo mila, go ki nasup̃e kakana, go ki naveveana ni nagisana, eu lawodu pisari natasi ni class, eu dape harp maga ki Sup̃e. 3Go eu do lega nalegaana ki Moses tea suasua ki Sup̃e, go nalegaana ki Arnio, eu naga, Nawosiana anigo maga eu p̃arua go eu pei tea ni namagaana, Yehovah Sup̃e, Tea Kasua mau; napua anigo maga eu leana go eu pei lomau, Nawota ni ragi varau maga. 4Sei ega wo da mataku Yehovah O, po samasamani nagisam̃a? Nalakena ku masikim̃a dapu; nalakena nalauna maga mamau puti euga wo umai po lotu naraem̃a: nalakena namariana leana anigo maga eu pei tea mariana eu doko lina.
5Go edaku ki tea maga wanogoe a punusi, go nasum̃a tapu ni tap̃aup̃au ni nanoasokisokiana waina e doko nakoroatelagi e pei tea wolagatiana: 6go agelo larua eu dave m̃elu nasum̃a tapu umai, eu pei tea sugoroana ki linen tautau maramalaga, go eu pei tea tasokiana dalivirigoro namaloda ki tasoki maga ni kold. 7Go sikai ni nalo mauri pati e dua agelo larua lasa larua ni kold waina eu pura ki namaritausuana ki Sup̃e, waina e mauri pa pa e du du po du mau du. 8Go nasum̃a tapu e pei tea vakavuroana ki naasua waina e m̃elu nasamasamaana ni Sup̃e, go waina e m̃elu nakasuaana aneana; go te naata sikai e da mari atae paki ekopu ni nasum̃a tapu mau, pa pa nawokatiana larua ki agelo larua euga vei tea marisuaana.
Currently Selected:
APOKALUPESI 15: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
