PAKI TEA E FILIPPI 3
3
1Tea edaku, taigu maga, kuga laelaea doko Nawota. Naga aga midiri naleo sikai maau maga paki mu e da pei navitinuana paki nau mau, ma e pei nasilaeana paki mu. 2Kuga vunusi koria maga, kuga vunusi tea wosiwosi sa maga, kuga vunusi tea tovakotoviana maga: 3nalakena nigida tu pei tea tovadaviviana maga waina tu do suasua pae Naata ni Sup̃e, po do pakavakae Kristo Yesu, po da do pavatu nap̃okasi mau: 4go kinau a do peani tea ni nap̃okasi waina eu pavatu asa: te naata p̃ota sikai e pe midoaki nia naga e peani tea ni nap̃okasi waina ega vavatu asa, kinau a peani a p̃arua liu: 5a pei tea tovadaviviana naaleatia kelatolu, tea ni naworawora ni Israel, tea ni nawora ni Benyamin, a pei Heberu sikai ni Heberu maga; nalo ni nawotaeana a pei Farisi sikai; 6nalo ni nasuisuiana, a pei tea kopalele ekalesia; nalo ni namarinaleoleanaana waina e doko nawotaeana, a da pei tea vasadip̃aana mau. 7Ma naleo maga waina eu maginau pei tea taluaana naleo maga wanogoe a midoaki da naga eu pei natapepuolikiana, nalakena Kristo. 8Ioro lomau, go nalakena tea wanogoe a do midoa ki naleo maga mamau puti naga eu pei tea tapepuolikiana nalakena navakilagiliuana ni naataeana ni Kristo Yesu Nawota aginau: waina a sua natapepuolikiana ni naleo maga mamau puti nalakena nae, go a midoa ki da naga eu pei nasam̃a, naga aga talua Kristo, 9po pei tea vap̃aiana doko asa, doko da peani namarinaleoleanaana aginau mau, waina e pei tea ni nawotaeana, ma naga aga veani tea waina e pae nasaralomau‐Kristo‐ana, namarinaleoleanaana waina e pei tea ni Sup̃e pae nasaralomauana. 10Naga aga atae a, go nakasuaana ni namoroduleanaana aneana, go nasaisaipeaniana ni narogokitesaana aneana maga, doko do pei tea maridawonakiana aga tapala namateana aneana: 11mase a pe va paratiki namoroduleanaana m̃elu dua ki tea mate maga. 12A da noa naga a dape sua e mau, kite naga a pei tea mariana a p̃ialua sua mau: ma a do sava dausi, a pe vua soki tea waina e pei nalakena a pei tea vuasokiana pae Kristo Yesu. 13Tai maga, kinau a da dum̃agu midoaki nau naga a pua soki sua mau: ma a do mari tea sikai, a do malioki naleo maga ni kiedaku, po do dum̃agu sai ki nau paki naleo maga ni kivea, 14a do sava kasua paki laketoko raki praise ni nasosoana ni elagi ki Sup̃e doko Kristo Yesu. 15Nalakena tea wanogoe, tea maga waina tu p̃ia lua tuga midoaki tea wanogoe: go ku pe midoaki panop̃ota ki te navatuna, tea wanogoe ma Sup̃e e pe wo mari pakasa ki nia paki mu: 16ma tea waina tu pa paratiki sua, e, kuga surata pae tea sikai maau wanogoe.
17Kuga vei tea saisai mari oli au, tai maga, go kuga leopunusi tea maga waina eu do surata dapala nogoe dakiusi waina ku peani gami au pei naatulakeana sikai. 18Nalakena tea laapa eu surata, waina a paka laapa noa ki sua mu ara, go ragi waia a dagi noa ki mu ara, naga eu pei tea kokona ki nakau valadagoto ki Kristo: 19waina ragi edaku adeada e pei namatepuoliana, waina nap̃eleda e pei sup̃e adeada, waina nasamasamaana adeada e doko namaliereana adeada, waina eu do midoaki naleo maga ni maramana. 20Nalakena nalauna anigida e doko nakoroatelagi; waina tu do leogoro Tea Maumaupauri, Nawota Yesu Kristo ega wo pae asa umai: 21waina ega wo mari nap̃atoko ni navakitanoana anigida ega wo panop̃ota, naga ega vei tea maridawonakiana ega tapala nap̃atoko ni nasamasamaana aneana, pae nawosiwosiana ni namariataeana aneana naga ega mari naleo maga mamau puti euga toko etano paki nia.
Currently Selected:
PAKI TEA E FILIPPI 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
