NUMBERS 35
35
1Go Yehovah e pasa paki Moses malo matemate maga ni Moab nadigi ni Yordan m̃aladigi ki Yeriko, po naga, 2P̃a tip̃aki Israel natuna maga, naga euga vitua ki natokoana maga m̃elu tea veanipiolikiana ni naveaniana adeada paki naworawora ni Levi, naga euga toko ara; go kuga tua naworawora ni Levi napega maga daliviri natokoana maga wanogoe. 3Go natokoana maga wanogoe euga vei adeada naga euga toko ara; go napega kakada maga euga vei agi katel adeada maga, go agi naloriki adeada maga, go agi nalo tuavati adeada maga mamau puti. 4Go napega maga ni natokoana maga wanogoe, waina kuga vitua ki da paki naworawora ni Levi, euga toko pae p̃aaka ni natokoana pano paki etaku kubit manu sikai daliviri. 5Go etaku ni natokoana kuga rowogi taleva ni elo sake ega vei kubit manu dua, go taleva ni etua ega vei kubit manu dua, go taleva ni elo musu ega vei kubit manu dua, go taleva ni ep̃au ega vei kubit manu dua, natokoana ega toko m̃aleoputo. Tea wanogoe ega madeada pei napega maga ni natokoana maga. 6Go natokoana maga waina kuga vitua ki da paki naworawora ni Levi, euga vei natokoana latesa ni nasavasiliana, waina kuga vitua ki da euga vei agi tea maripunue naatam̃oli naga ega sava paki asa: go kuga moro dua ra natokoana rualima pati tamate dua. 7Natokoana maga mamau puti waina kuga tua naworawora ni Levi ara, euga vei natokoana rualima pati tamate latolu: kuga vitua ki da ega vilake napega kakada maga. 8Go nalo ni natokoana maga waina kuga vitua ki da m̃elu naveaniana ki Israel natuna maga, kuga tape lua tea laapa m̃elu naworawora warua maga, go kuga tape lua tea visa m̃elu naworawora kiki maga: sara naata euga sikasikai pitua ki natokoana adeada maga paki naworawora ni Levi, ega vae tea veanipiolikiana adeada waina eu peani pioli ki nia.
9Go Yehovah e pasa paki Moses, po naga, 10P̃a vasa paki Israel natuna maga, po noa ki da, p̃a naga, Ragi waina kuga tuagoto Yordan pano paki navanua ni Kanaan, 11Kuga manimu pasa dawona ki natokoana maga waina euga manimu pei natokoana maga ni nasavasiliana; naga tea maripunue naatam̃oli waina e pe mari punue te naata pae nasalup̃eana, ega sava paki asa. 12Go natokoana maga wanogoe euga manimu pei tokora ni nasavasiliana pa dua ki tea siko nada; naga tea maripunue naatam̃oli ega ta mate mau pa pa ega lawodu narae ni nasaisaiana naga ega vei tea vasap̃otaeana. 13Go natokoana latesa ni natokoana maga waina kuga vitua ki da, euga manimu pei natokoana maga ni nasavasiliana. 14Kuga vitua ki natokoana ega tolu taleva kerua ni Yordan, go natokoana ega tolu kuga vitua ki da navanua ni Kanaan; nara euga vei natokoana maga ni nasavasiliana. 15Natokoana latesa wanogoe euga magi Israel natuna maga pei tokora ni nasavasiliana, go magi nam̃enaki, go magi nam̃enaki‐atatoko m̃aleoputo kakada: naga sara naata waina e pe maripunue te naata pae nasalup̃eana, e pe wo sava paki asa. 16Ma e pe atugi a ki naleo sikai ni airon, dapala waina e pe mate asa, e pe vei tea maripunue naatam̃oli: tea maripunue naatam̃oli ega wo pei tea toropusiana paki namateana. 17Ma e pe nadi a ki vatu po atugi a, waina naatam̃oli sikai e pe mariatae mate asa, go e pe mate, e pe vei tea maripunue naatam̃oli; tea maripunue naatam̃oli ega wo pei tea toropusiana paki namateana. 18Kite e pe wokati a ki nalikau sikai ni nakau, waina naatam̃oli sikai e pe mariatae mate asa, go e pe mate, e pe vei tea maripunue naatam̃oli: tea maripunue naatam̃oli ega wo pei tea toropusiana paki namateana. 19Tea siko nada ega tum̃ana doropusi tea maripunue naatam̃oli paki namateana: ragi waina ega sua e, ega toropusi a paki namateana. 20Go e pe vuri a navivilosiana, kite nadi a ki navatuna sikai, doko do kusugoro e, dapala e pe mate asa; 21Kite e pe wokati a ki nam̃elearuna navivilosiana, naga e pe mate: tea waina e pe wokati a, e pe wo pei tea toropusiana paki namateana; e pei tea maripunue naatam̃oli: tea siko nada ega toropusi tea maripunue naatam̃oli paki namateana ragi waina ega sua e. 22Ma e pe vuri a m̃araverave, navivilosiana e pe tika, kite nadi a ki te navatuna doko da kusugoro e mau, 23Kite ki te vatu sikai, waina naatam̃oli sikai e pe mariatae mate asa, doko da punusi a mau, po nadi a asa, naga e pe mate, go e pe ta pei tea kokona ki nia mau, kite laaga naga e pe mari sa ki nia mau: 24Ragi wanogoe nasaisaiana eu pe wo pasap̃otae namawota ni tea atugi go ni tea siko nada, ega vae navasap̃otaeana maga wanogoe. 25Go nasaisaiana euga vualua tea maripunue naatam̃oli m̃elu dua ki nam̃elearu ni tea siko nada, go nasaisaiana euga liliua ki nia paki natokoana ni nasavasiliana aneana, waina e sava sili asa: go ega toko asa doko pa pa paki namateana ki tea viri warua liu, waina e pei tea vuvuraikiana ki naroro tapu. 26Ma ragi sikai tea maripunue naatam̃oli e pe liu kokoi ni natokoana ni nasavasiliana aneana, waina e pe sava paki asa; 27Go tea siko nada e pe vap̃ai a doko etaku ni kokoi ni natokoana ni nasavasiliana aneana, go tea siko nada e pe atugi tea maripunue naatam̃oli; sogi ni nada e pe wo da liko asa mau: 28Nalakena e one asa one naga ega toko natokoana ni nasavasiliana aneana doko, pa pa paki namateana ki tea viri warua liu: ma edaku ki namateana ki tea viri warua liu, tea maripunue naatam̃oli ega liliu paki navanua ni naveaniana aneana. 29Go naleo maga wanogoe euga manimu pei natawonakiana sikai ni navasap̃otaeana usuraki tagona animu maga, doko natokoana animu maga mamau puti. 30Naata sikai e pe mari punue te naatam̃oli, tea maripunue naatam̃oli e pe wo pei tea atugiana pae nawoka ni tea noasokisoki maga: ma tea noasokisoki sikai maau ega ta noasokisoki dip̃a te naata mau naga ega mate. 31Go kuga ta dape te natauluaana mau dip̃a namauriana ki tea maripunue naatam̃oli, waina sogi ni namateana e pe liko asa: ma ega wo pei tea toropusiana paki namateana. 32Go kuga ta dape te natauluaana mau dip̃a naata waina e pe sava paki natokoana ni nasavasiliana aneana pano, dapala waina ega moro liliu paki navanua aneana pea ki namateana ki tea viri. 33Dapala nogoe kuga ta mari navanua waina ku doko asa doko ega loa mau: nalakena nada e do mari navanua e loa: go natap̃augoroana e mari sa magi navanua pei tea mariana nalo ni nada waina e pei tea takiana asa, ma nada ni naata waina e daki nia ega sikina. 34Go p̃a ta mari navanua waina ku doko asa doko, waina kinau a doko m̃aleoputo kakana, ega loa mau: nalakena kinau Yehovah a doko m̃aleoputo ni Israel natuna maga doko.
Currently Selected:
NUMBERS 35: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
