NUMBERS 29
29
1Go atelagi kelarua, nakup̃a vea ni atelagi, kuga veani nasososaisaikiana tapu sikai; kuga ta mari te nawosiana kasua seara asa mau: e manimu pei naaleatia sikai waina kuga sui paiga maga asa. 2Go kuga vitua ki navituaana tap̃arakiana sikai tea ni nap̃o wia paki Yehovah; kau anoai vusavusa sikai, shiip anoai sikai, shiip natuna anoai larua ni natau sikai tea mamaau p̃ia: 3Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai, namagovai kerualima dua ega vilake shiip anoai, 4Go namagovai kerualima sikai ega vilake shiip natuna larua sikasikai sarasara ra: 5Go naninani anoai sikai ega vei navituaana sikai ni namarinaleosaana, naga ega manimu pei natap̃augoroana: 6Ega sokari navituaana tap̃arakiana ni atelagi vau, go navituaana ni flaur kakana, go navituaana tap̃arakiana ni sara ragi go navituaana ni flaur kakana, go navituaana takiana kakada maga, ega tapala natawonakiana kakada, ega vei tea ni nap̃o wia, navituaana sikai pae nakapu paki Yehovah.
7Go nakup̃a kerualima ni atelagi kelarua wanogoe, kuga veani nasososaisaikiana tapu sikai; go kuga mari naatamu euga rogokitesa ki navaliana; kuga ta mari te nawosiana seara asa mau: 8Ma kuga vitua ki navituaana tap̃arakiana sikai paki Yehovah ega vei tea ni nap̃o wia; kau anoai vusavusa sikai, shiip anoai sikai, shiip natuna anoai larua ni natau sikai; euga vei tea mamaau p̃ia: 9Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai wanogoe, namagovai kerualima dua ega vilake shiip anoai wanogoe, 10Go namagovai kerualima sikai ega vilake shiip natuna larua sikasikai sarasara ra: 11Naninani anoai sikai ega vei navituaana sikai ni namarinaleosaana: ega sokari navituaana sikai ni namarinaleosaana ni natap̃augoroana, go navituaana tap̃arakiana ni sara ragi, go navituaana ni flaur kakana, go navituaana takiana kakana maga.
12Go nakup̃a kerualima sikai tamate lima ni atelagi kelarua, kuga veani nasososaisaikiana tapu sikai; kuga ta mari te nawosiana kasua seara asa mau, go kuga vavaigoro nasaisaiana tatutakiana sikai paki Yehovah naaleatia ega larua: 13Go kuga vitua ki navituaana tap̃arakiana sikai, navituaana sikai pae nakapu, tea ni nap̃o wia paki Yehovah; kau anoai vusavusa rualima sikai tamate dolu, shiip anoai dua, shiip natuna anoai rualima sikai tamate pati tea ni natau sikai; euga vei tea mamaau p̃ia: 14Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai rualima sikai tamate dolu wanogoe sikasikai sarasara ra, namagovai kerualima dua ega vilake shiip anoai dua wanogoe sikasikai, 15Go namagovai kerualima sikai ega vilake shiip natuna rualima sikai tamate pati wanogoe sikasikai sarasara ra: 16Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.
17Go nakup̃a kerua kuga vitua ki kau anoai vusavusa rualima sikai tamate dua, shiip anoai dua, shiip natuna rualima sikai tamate pati tea ni natau sikai, tea mamaau p̃ia: 18Go navituaana ni flaur kakada, go navituaana takiana maga ega vilake kau anoai vusavusa maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 19Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakada maga.
20Go nakup̃a ketolu kau anoai rualima sikai tamate sikai, shiip anoai dua, shiip natuna anoai rualima sikai tamate pati, tea ni natau sikai tea mamaau p̃ia; 21Go navituaana ni flaur kakada go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 22Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.
23Go nakup̃a kevati kau anoai rualima sikai, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia: 24Navituaana ni flaur kakada, go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 25Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.
26Go nakup̃a kelima kau anoai loveti, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia: 27Go navituaana ni flaur kakada, go navituaana takiana kakada maga, ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 28Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.
29Go nakup̃a kelatesa kau anoai latolu, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia: 30Go navituaana ni flaur kakada, go navituaana takiana kakada, ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 31Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana maga.
32Go nakup̃a kelarua kau anoai larua, shiip anoai dua, shiip natuna anoai rualima sikai tamate pati, tea ni natau sikai tea mamaau p̃ia: 33Go navituaana ni flaur kakada, go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana: 34Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.
35Go nakup̃a kelatolu kuga veani nasososaisaikiana tapu sikai: kuga ta mari te nawosiana kasua seara asa mau: 36Ma kuga vitua ki navituaana tap̃arakiana sikai, navituaana sikai pae nakapu, tea ni nap̃o wia paki Yehovah: kau anoai sikai, shiip anoai sikai, shiip natuna anoai larua ni natau sikai, tea mamaau p̃ia: 37Go navituaana ni flaur kakada, go navituaana takiana kakada maga ega vilake kau anoai, go shiip anoai, go shiip natuna maga, pataka ni naveveana kakada, ega vae natawonakiana kakana: 38Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.
39Tea maga wanogoe kuga vitua ki da paki Yehovah nasaisaiana tatutakiana animu maga, euga sokari tea ni nasaiana animu maga, go navituaana suasuakiana animu maga, ni navituaana tap̃arakiana animu maga, go ni navituaana ni flaur animu maga, go ni navituaana takiana animu maga, go ni navituaana animu maga ni natam̃ateana. 40Go Moses e noakisai Israel natuna maga asa, pataka ni tea mamau puti waina Yehovah e dip̃aki Moses asa.
Currently Selected:
NUMBERS 29: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
