NUMBERS 22
22
1Go Israel natuna maga eu moro surata, po m̃enaki malo matemate maga ni Moab, taleva kerua ni Yordan leana dip̃a Yeriko.
2Go Balak natu ni Sippor e punusi tea mamau puti waina Israel e mari a paki naworawora ni Amor. 3Go Moab e matau ki p̃arua ki narei, nalakena nara eu laapa: go Moab e dogokitesa nalakena Israel natuna maga. 4Go Moab e noa ki tea matua maga ni Midian, e naga, Taua warua waia ega wo menae kotovi tea mamau puti waina eu doko dalivirigoro gida, dakiusi oks waina e do menae kotovi nam̃enau ni napega. Go Balak natu ni Sippor e pei nawota ni Moab ragi wanogoe. 5Go e dip̃aki lua tea tautauana maga pano punusi Balaam natu ni Beor doko Pethor, waina e doko nadigi ni Noaisara, doko navanua ki narei aneana natuna maga, naga euga soso e umai, e naga, Pa leo, narei sikai eu m̃elu dua ki Ityipt umai: p̃a leo, eu pakanoe narae ni maramana, go eu m̃enaki doko leana dip̃a au: 6Nalakena tea wanogoe, p̃a umai, a pavara ni ko asa, p̃a maginau pasa sa ki narei waia; nalakena eu kasua liu au: mase a pe mariatae marimatua, po atugi ra, po kopasi lua ra m̃elu dua ki navanua pano: nalakena a atae naga tea waina ku pasap̃ia ki nia, e pei tea vasap̃iakiana, go tea waina ku pasa sa ki nia, e pei tea vasasakiana. 7Go tea matua maga ni Moab go tea matua maga ni Midian eu m̃elu pano, namoriana maga ni navasapuaana eu doko nam̃elearuda; go eu rumai punusi Balaam, po noa ki nia ki navasaana maga ki Balak. 8Go e noa ki da, e naga, Kuga m̃enaki nea p̃ogi waia, go aga wo manimu dape navasaana umai, ega tapala waina Yehovah ega noa kinau asa: go tea maraki maga ni Moab eu doko sikoti Balaam doko. 9Go Sup̃e e pakilina ki Balaam, po naga, Naatam̃oli sei maga waina ku mamau doko? 10Go Balaam e noa ki Sup̃e, e naga, Balak natu ni Sippor, nawota ni Moab e dip̃aki lua po noa kinau, e naga, 11P̃a leo, narei waina e m̃elu dua ki Ityipt umai, e pakanoe narae ni maramana: p̃a umai, po maginau pasa sa ki da; mase a pe mariatae marimatua ki da, po kopasi lua ra pano. 12Go Sup̃e e noa ki Balaam, e naga, Kuga ta mamau pano mau; p̃a ta pasa sa ki narei wanogoe mau: nalakena eu pei tea vasap̃iakiana. 13Go Balaam e duleana malip̃ogi ki nia, po noa ki tea maraki maga ki Balak, e naga, Nimu kuga vaki navanua animu pano: nalakena Yehovah e da suasua kinau naga tuga mamau pano mau. 14Go tea maraki maga ni Moab eu duleana, go eu pano punusi Balak, po naga, Balaam e da suasua naga ega sikoti gami pano mau. 15Go Balak e moro dip̃aki lua tea maraki maga pano, eu laapa liu go eu pei tea dodomadaganiana warua liu ra. 16Go eu rumai punusi Balaam, po noa ki nia, eu naga, Balak natu ni Sippor e noa dapala nea, e naga, A pavara ni ko, te navatuna ega ta dugoro ko naga p̃a ta umai punusi au: 17Nalakena aga wo mari ko p̃a wo pei tea dodomadaganiana warua liu, go tea waina p̃a noa kinau asa, tea wanogoe aga wo mari a: nalakena tea wanogoe, p̃a umai, a pavara ni ko asa, po maginau pasa sa ki narei waia. 18Go Balaam e pasadara po noa ki tea suasua maga ki Balak, e naga, Balak e pe tua au nasum̃a aneana e pe vura ki silver go ki kold, ma a pe mari sa liu natip̃akiana ki Yehovah Sup̃e aginau mau naga a pe mari tea kiki kite tea warua. 19Nalakena tea wanogoe, a pavara ni mu, kuga moro doko nea p̃ogi waia, naga aga moro atae tea waina Yehovah ega moro noa kinau asa. 20Go Sup̃e e pakilina ki Balaam p̃ogi, po noa ki nia, e naga, Naatam̃oli maga wanogoe eu pe umai naga euga soso ko, p̃a tuleana, kuga mamau pano; ma navasaana waina aga noa ki‐go asa, tea wanogoe ega sikina p̃a mari a. 21Go Balaam e duleana malip̃ogi ki nia, po sawa ki tea sawagoro nam̃adu ni ass aneana, po pano nara ma tea maraki maga ni Moab eu mamau. 22Go namaetoana ki Sup̃e e pavaga nalakena e pano: go agelo ki Sup̃e e dum̃ana lawo ki nia napua naga ega vei walap̃ota sikai dip̃a e. Go e do sakesaake ass aneana, go tea suasua dua aneana ero sikoti a. 23Go ass wanogoe e punusi agelo ki Yehovah e du napua, lova aneana e doko nam̃elearuna: go ass e daleledao, po paki vanua pano: go Balaam e p̃okati ass naga ega roa e paki napua. 24Go agelo ki Yehovah e lawodu napua kiki sikai namawota ni roara sikai ni vaine go ni kerua sikai, nakoro sikai e doko taleva ni mawirina go ni matuana. 25Go ass wanogoe e punusi agelo ki Yehovah, go e dip̃a soki nakoro, po mari p̃orosi natua ni Balaam dip̃a nakoro: go e moro p̃okati a. 26Go agelo ki Yehovah e disu pano, po lawodu nap̃alaasa tokora waina eu mari sa dalele paki taleva ni matua kite paki taleva ni mawiri mau. 27Go ass e punusi agelo ki Yehovah, go e one natano Balaam e sakesaake asa: go namaetoana ki Balaam e pavaga, go e p̃okati ass ki tiko aneana. 28Go Yehovah e p̃olagati nawoka ni ass, go ass e noa ki Balaam, e naga, Nasava waina a mari a paki‐go, naga ku paka tolu p̃okati au? 29Go Balaam e noa ki ass, e naga, Nalakena ku mari saudoa kinau: lova sikai e pe toko nam̃elearugu, a pe atugi sua ko. 30Go ass e noa ki Balaam, e naga, Kinau a da pei ass anigo, waina ku sakesaake au namauriana mamau anigo, pa pa paki naaleatia waia, kite? Kinau a mari dapala nogoe paki‐go te ragi, kite? 31Go e naga, Ee. Go Yehovah e p̃olagati namata ni Balaam, go e punusi agelo ki Yehovah e lawodu napua, lova aneana e doko nam̃elearuna: go e kolo, po dowo dap̃olosiwo. 32Go agelo ki Yehovah e noa ki nia, e naga, Ekasana ku paka tolu p̃okati ass anigo? P̃a leo, a po dave umai pei walap̃ota sikai, nalakena namariana anigo e dagele naraegu: 33Go ass e punusi au, po paka tolu dalele: e pe ta dalele kinau, a pe mari punue ko, po mauti a. 34Go Balaam e noa ki agelo ki Yehovah, e naga, A po mari naleo sa; nalakena a da atae naga ku lawodugoro au napua: nalakena tea wanogoe e pe vei tea waina e sa namatam̃a, a pe wo liliu pano. 35Go agelo ki Yehovah e noa ki Balaam, e naga, Kuga vano ma naatam̃oli maga wanogoe: ma navasaana waina aga wo noa kigo asa, tea wanogoe ega sikina p̃a wo noa e. Go Balaam e pano, nara ma tea maraki maga ki Balak eu mamau. 36Go ragi waina Balak e dogo naga Balaam e po umai, e dave pano naga ega sua e Natokoana ni Moab, waina e doko kokoi ni Arnon, waina e doko namatap̃ago edaku ni kokoi. 37Go Balak e noa ki Balaam, e naga, Kinau a da dip̃aki lua pa punusi ko po soso ko umai, kite? Ekasana ku da umai punusi au mau? Kinau a da mariatae mari ko p̃a vei tea dodomadaganiana, kite? 38Go Balaam e noa ki Balak, e naga, P̃a leo, a po umai punusi ko: ma kinau a peani naveinawotaana naga aga noa te navatuna, kite? Navasaana waina Sup̃e ega toropusi a nawokagu, tea wanogoe e one au one naga aga noa e. 39Go Balaam ma Balak ero dua pano, go ero umai paki Kiriath‐husoth. 40Go Balak e mari naviriana ni oks maga go ni shiip, go e dua Balaam go tea maraki maga waina eu mamau doko, namagovai ni nap̃okasida. 41Go e pakilina matamai ki nia, naga Balak e piragi Balaam sake paki tokora vakilagi maga ki Baal, go pae tokora wanogoe e punusi narei mamau puti.
Currently Selected:
NUMBERS 22: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
