Popular Bible Verses from NUMBERS 22

Share

Go Yehovah e p̃olagati nawoka ni ass, go ass e noa ki Balaam, e naga, Nasava waina a mari a paki‐go, naga ku paka tolu p̃okati au?

Go e naga, Ee. Go Yehovah e p̃olagati namata ni Balaam, go e punusi agelo ki Yehovah e lawodu napua, lova aneana e doko nam̃elearuna: go e kolo, po dowo dap̃olosiwo.

Go agelo ki Yehovah e noa ki nia, e naga, Ekasana ku paka tolu p̃okati ass anigo? P̃a leo, a po dave umai pei walap̃ota sikai, nalakena namariana anigo e dagele naraegu

Go ass e noa ki Balaam, e naga, Kinau a da pei ass anigo, waina ku sakesaake au namauriana mamau anigo, pa pa paki naaleatia waia, kite? Kinau a mari dapala nogoe paki‐go te ragi, kite?

Go Balaam e noa ki ass, e naga, Nalakena ku mari saudoa kinau: lova sikai e pe toko nam̃elearugu, a pe atugi sua ko.

Go ass e punusi agelo ki Yehovah, go e one natano Balaam e sakesaake asa: go namaetoana ki Balaam e pavaga, go e p̃okati ass ki tiko aneana.