LEVITIKO 8
8
1Go Yehovah e pasa paki Moses, po naga, 2P̃a viragi Aaron umai go natuna maga sikoti a, go sugoro maga, go naroro ni navuvuraiana, go kau anoai ni navituaana ni namarinaleosaana, go shiip anoai dua, go nala ni bred waina leven e dika asa; 3Go p̃a viragi saisai ki puti nasaisaiana mamau namata ni tap̃aup̃au ni nasaisaiana. 4Go Moses e mari dapala waina Yehovah e dip̃aki nia asa; go nasaisaiana mamau eu saisai pisari namata ni tap̃aup̃au ni nasaisaiana. 5Go Moses e noa ki nasaisaiana, e naga, Naleo waia Yehovah e pitip̃aki asa naga ega vei tea mariana. 6Go Moses e piragi Aaron go natuna maga umai, po sarue ra ki noai. 7Go e sugoro e ki sugoro tokop̃ai nawilina, po dasoki a ki tasoki, go e sugoro e ki sugoro kovagoro, po sugoro e ki efod, go e dasoki a ki tasoki midiria vausiana ki mataisau, po otisoki a. 8Go e sugoro e ki tea taurum̃a: go e doropusi Urim go Tummim ero doko tea taurum̃a. 9Go e sawa ki tap̃au vivisiana e doko nap̃auna; go e doropusi tea welewelea ni kold, diadem tapu, e doko tap̃au vivisiana, doko kivea; dapala waina Yehovah e dip̃aki Moses asa. 10Go Moses e dape naroro ni navuvuraiana, po puvurai ki nasum̃atokoana go naleo maga mamau puti waina eu doko asa, po dapugoro ra. 11Go e meseura ki seara kakana wede ni naviriana paka larua, po puvurai ki wede ni naviriana, go lasa maga mamau puti kakana, go tea vavano go laketano kakana, po dapugoro ra. 12Go e daki naroro ni navuvuraiana nap̃au ni Aaron, po puvurai ki nia naga ega tapu. 13Go Moses e piragi Aaron natuna maga umai, po sugoro ra ki sugoro tokop̃ai nawilida, po dasoki ra ki tasoki maga, po pivisi tap̃au varau maga eu doko ara; dapala waina Yehovah e dip̃aki Moses asa. 14Go e piragi kau anoai ni navituaana ni namarinaleosaana umai: go Aaron ma natuna maga eu doropusi nam̃elearuda maga nap̃au ni kau anoai wanogoe ni navituaana ni namarinaleosaana. 15Go e mari punue a; go Moses e dape kovai nadana, po doropusi a e doko napati maga ni wede ni naviriana daliviri ki nakinina, po mari dautau ki wede ni naviriana, go e daki lua nadana nalake ni wede ni naviriana, po dapugoro e, naga ega maneana mari natap̃augoroana. 16Go e dape puti nap̃eletiana waina e doko namaritana maga, go nalaolao ni nadanikapuna, go nap̃elekevatuna dua, pilake nap̃eletiada, go Moses e dap̃ara ki nia wede ni naviriana. 17Ma kau anoai pilake nawilina, go nap̃okasina, go nataena, e dap̃ara ki nia ki nakapu etaku ni tokora ni nam̃enakiana; dapala waina Yehovah e dip̃aki Moses asa. 18Go e puati shiip anoai ni navituaana tap̃arakiana umai: go Aaron ma natuna maga eu doropusi nam̃elearuda maga nap̃au ni shiip anoai wanogoe. 19Go e mari punue a: go Moses e meseura ki nadana wede ni naviriana daliviri. 20Go e daekotokotovi shiip anoai wanogoe; go Moses e dap̃ara ki nap̃auna, go namakotokoto kakana maga, go nap̃eletiana. 21Go e sarue namaritana maga go natuana maga ki noai; go Moses e dap̃ara ki puti shiip anoai wanogoe wede ni naviriana: e pei navituaana tap̃arakiana, tea ni nap̃o lolo: e pei navituaana tap̃arakiana sikai paki Yehovah; dapala waina Yehovah e dip̃aki Moses asa. 22Go e moro puati shiip anoai kerua umai, shiip anoai ni navakavuroana: go Aaron ma natuna maga eu doropusi nam̃elearuda maga nap̃au ni shiip anoai wanogoe. 23Go e mari punue a; go Moses e dape kovai nadana, po doropusi a e doko namatap̃ago ni nadaliga ni matua ni Aaron, go kini lapa ni nam̃elearuna ni matua, go kini lapa ni natuana ni matua. 24Go e piragi Aaron natuna maga umai; go Moses e dape kovai nadana po doropusi a e doko namatap̃ago ni nadaligada ni matua, go kini lapa ni nam̃elearuda ni matua, go kini lapa ni natuada ni matua: go Moses e meseura ki nadana wede ni naviriana daliviri. 25Go e dape nap̃eletiana, go napuena m̃anopunopu go nap̃eletia mamau puti waina e doko namaritana maga, go nalaolao ni nadanikapuna, go nap̃elekevatuna dua pilake nap̃eletiada, go namaona ni matua: 26Go e dape lua m̃elu dua ki nala ni bred waina leven e dika asa, waina e doko narae ni Yehovah, e dape keke sikai waina leven e dika asa, go keke turuturua sikai ni bred ni naroro, go keke manivenive sikai, go e doropusi ra eu doko nap̃eletiana, go namaona ni matua: 27Go e doropusi tea maga mamau puti wanogoe e doko nam̃elearu dua ni Aaron, go doko nam̃elearu maga ni natuna maga, go e salesalea ki da eu pei navituaana salesaleakiana sikai narae ni Yehovah. 28Go Moses e dape lua ra m̃elu dua ki nam̃elearuda maga, po dap̃ara ki da wede ni naviriana pilake naviriana tap̃arakiana: e pei navakavuroana sikai, tea ni nap̃o lolo: e pei navituaana sikai pae nakapu paki Yehovah. 29Go Moses e dape nagorogorona, po salesalea ki nia e pei navituaana salesaleakiana sikai narae ni Yehovah: e pei matele ki Moses, tea aneana ni shiip anoai ni navakavuroana; dapala waina Yehovah e dip̃aki Moses asa. 30Go Moses e dape kovai naroro ni navuvuraiana, go kovai ni nada waina e doko wede ni naviriana, po meseura ki nia paki Aaron, go paki sugoro aneana maga, go paki natuna maga, go paki sugoro maga ki natuna maga sikoti a; go e dapugoro Aaron, go sugoro aneana maga, go natuna maga, go sugoro adeada maga sikoti a. 31Go Moses e noa ki Aaron go natuna maga, e naga, Kuga veni nap̃okasina pisari namata ni tap̃aup̃au ni nasaisaiana: go tokora wanogoe kuga kani a asa, go bred waina e doko nala ni navakavuroana, dapala waina a pitip̃aki asa, po naga, Aaron ma natuna maga euga kani a. 32Go namagovai waina e dupele ni nap̃okasi go ni bred, p̃a tap̃ara ki nia ki nakapu. 33Go kuga ta dave mau m̃elu dua ki namata ni tap̃aup̃au ni nasaisaiana naaleatia larua, pa pa naaleatia maga ni natapugoro‐mu‐ana euga nopu: nalakena ega wo do dapugoro mu naaleatia larua. 34Dapala waina e po pei tea mariana naaleatia waia, dapala nogoe Yehovah e pitip̃aki asa naga ega vei tea mariana, naga ega manimu mari natap̃augoroana. 35Go kuga toko pisari namata ni tap̃aup̃au ni nasaisaiana doko naaleatia larua go nap̃ogiana larua, po do pavaigoro natip̃akiana ki Yehovah, naga kuga ta mate mau: nalakena kinau a pei tea tip̃akiana asa. 36Go Aaron ma natuna maga eu mari pataka ni tea maga mamau puti waina Yehovah e pitip̃aki asa pae nam̃elearu ni Moses.
Currently Selected:
LEVITIKO 8: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
