HOSEA 9
9
1P̃a ta laelaea mau, Israel O! P̃a ta sokamidi dakiusi narei p̃ota maga mau; nalakena ku doropusi Sup̃e anigo po maripele pano, ku dodomi namoriana ki tea masausara doko sara malo wokalesue. 2Malo wokalesue go m̃oru ni navasokiana ni nawa ni vaine, eroga wo da pakale ra mau, go waine vau ega wo mari nasorosoroana paki da. 3Euga wo da doko navanua ki Yehovah doko mau; ma Efraim ega wo liliu paki Ityipt, go doko Assiria euga wo gani navinaga waina e da dautau mau. 4Euga wo da daki lua navituaana takiana maga ni waine paki Yehovah mau, go nae ega wo da maro naviriana adeada maga mau: navinaga adeada ega wo madeada pei navinaga ki tea susue maga; tea maga mamau puti waina eu gani a, euga wo pei tea mariana euga wo loa asa: nalakena navinaga adeada ega vei tea ni navitoloana adeada sikina; ega wo da umai paki ekopu ni nasum̃a ki Yehovah mau. 5Kuga wo mari nasava naaleatia ni nasaisaiana tatutakiana, go naaleatia ni nasaisaiana ki Yehovah? 6Nalakena p̃a leo, eu m̃elu pano nalakena namarisakiana, ma Ityipt ega wo piragi saisai ki da, Memfis ega wo ova ki da: nataputea vivitip̃a ega wo peani naleo wia masauniana ni silver adeada maga: tea makalikali maga euga wo doko ekopu ni tap̃aup̃au adeada maga. 7Naaleatia maga ni navaratiana eu rumai, naaleatia maga ni navitua‐dip̃a‐ana eu rumai; Israel ega wo atae a: profeta e pei tea manumatavusa sikai, naatam̃oli waina e pei tea ni Naatana e doropa, nalakena nalapalapaana ni namarinaleotageleana anigo, go nalakena nakokonaana e p̃arua. 8Profeta e pei tea vavaigoro ki Sup̃e, e do pavaigoro dap̃au Efraim: ma vaivai sikai ki tea valako ki manu e doko napua aneana maga mamau puti, go nakokonaana e doko ekopu ni nasum̃a ki Sup̃e aneana. 9Eu dum̃ada mari ra eu pei tea marisasakiana dapala waina e doko naaleatia maga ni Cibeah: nae ega wo midoa ki parati ki namarinaleotageleana adeada, nae ega wo parati ra namarinaleosaana adeada maga. 10A pap̃ai naga Israel e dakiusi nawa ni vaine doko masop̃alo; a punusi naga tamamu maga eu dakiusi nawa vea ni takavea ni napuliva doko ragi ni namasu vea kakana: ma eu rumai paki Baal‐peor, po dum̃ada mari masale ki da paki naleo ni namaliereana, po pei tea mamaragokiana dakiusi naleo waina eu dodomi a. 11Go Efraim, nasamasamaana adeada ega wo diri pano dakiusi manu sikai: navakilinaana ega wo dika, natienaana ega wo dika, natumauana ega wo dika. 12Eu pe vakale natuda maga, ma a pe wo mari puoli ki da ki namateana, pa pa te naata sikai ega wo da pei tea toropusiana doko mau: ai ki da, ragi waina aga wo m̃elu dua ki da pano! 13Efraim natuna maga dapala waina a punusi sua e, eu pei tea mari‐dawona‐kiana naga euga vei tea vuti‐lua‐pavakotoana sikai; e one Efraim one naga ega viragi lua natuna maga paki namaripunueana. 14P̃a tua ra, Yehovah O; nasava waina p̃a wo dua ra asa? P̃a tua ra nap̃ele doroasa sikai go nasusu dap̃a maga. 15Nasigisigileoana adeada mamau puti eu doko Cilcal doko; nalakena doko tokora wanogoe a pae asa pilosi ra: nalakena nasigisigileoana ni natomariana adeada maga, aga wo kopasi lua ra m̃elu dua ki nasum̃a aginau pano: aga wo da moro dodomi ra mau; tea maraki adeada maga mamau puti eu pei tea mari p̃auluulu maga. 16Efraim e pei tea atugiana, nakoada e kokolo sua, euga wo da dau ki nawa mau: eu pe tapetape, ma a pe wo mari punue nawa ni nap̃eleda waina eu dodomi a. 17Sup̃e aginau ega wo nadi ki da pano, nalakena eu da dogo parati ki nia mau: go euga wo pei tea vanovano maga usuraki nalauna maga.
Currently Selected:
HOSEA 9: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
