HOSEA 8
8
1P̃a lawo ki paiga paki nawokam̃a. Ega wo siwo umai dapala ikila sikai dip̃a nasum̃a ki Yehovah, nalakena eu dapiri navasasokiana aginau po mari p̃auluulu dip̃a nawotaeana aginau. 2Eu pioso paki nau, eu naga, Sup̃e aginau, kinami Israel au atae ko. 3Israel e dip̃adoa tea waina e p̃ia: tea kokona ega wo kopasi lua e. 4Eu sike lawo ki nawota maga, ma e da pae au mau; eu dawona ki tea maraki maga, ma kinau a da atae a mau: eu dum̃ada madeada mari nasup̃e maga ki silver adeada go ki kold adeada, naga euga tum̃ada pei tea marisakiana ara. 5Kinau a midoa ki p̃alo ki kau natuna anigo, Samaria O; namaetoana aginau e pavaga dip̃a ra: pa pa paki seve ragi euga wo da mariatae pei tea mari‐dautau‐kiana mau, doko nasum̃a ni Israel? 6Naatam̃oli wosiwosi sikai e mari a; e da pei Sup̃e mau. Kau natuna ni Samaria ega wo pei tea mari‐p̃oraworaeana. 7Nalakena eu sapura ki nalagi, go euga wo dagaukotovi suitaviro: korn lawodu m̃okai kakana e dika, ega wo da pitua ki navinagana mau; e pe vitua ki nia, ma tea ni nalauna p̃ota maga eu pe wo gani a. 8Israel e pei tea dinomiana sua: eu po dakiusi lasa sikai waina te naata sikai e da masauna mau, m̃aleoputo ni nalauna maga. 9Nalakena eu sake pano paki Assiria dakiusi ass mila sikai waina e sikina doko: go eu pitua ki navituaana maga ni nadodomiana paki Ityipt. 10Eu pe vitua ki navituaana maga ni nadodomiana usuraki nalauna maga, ma kinau a pe wo daperavera ki da m̃araverave; go euga wo pae asa makoto ki navuvuraiana ki nawota maga go ki tea maraki maga. 11Efraim e mari wede maga ni naviriana laapa naga euga tape lua namarinaleosaana, ma eu po maneana pei wede maga ni naviriana naga ega mari naleo sa ara. 12A pe maneana midiri navasaparatikiana manu laapa ni nawotaeana aginau, ma eu pe wo pei tea midoakiana naga eu pe vei naleo vanop̃ota sikai. 13Eu mari naviriana maga ni nap̃okasi euga vei naviriana maga ni navituaana paki nau, go eu gani ra; ma Yehovah e da maro ara mau: sala waia nae ega wo midoa ki parati ki namarinaleotageleana adeada, po parati ra namarinaleosaana adeada maga; euga wo liliu paki Ityipt. 14Nalakena Israel e malio ki Tea Mari‐dawona ki nia, po davagi nasum̃a tapu maga; go Yudah e mari natokoana p̃aakagoroana maga laapa: ma kinau aga wo dip̃aki lua nakapu sikai paki natokoana aneana maga, go ega wo gani dinomi p̃aaka kakada maga.
Currently Selected:
HOSEA 8: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
