JENESIS 50
50
1Go Yosef e dowo paki narae ni tamana, po dagi asa, po dum̃ili a. 2Go Yosef e dip̃aki tea suasua aneana maga, tea maripauri maga, naga euga mari tamana ega vei kola: go tea maripauri maga eu mari Israel e pei kola. 3Go naaleatia rualima pati eu maneana pei tea vakavuroana; nalakena naaleatia maga ni namari‐naveikolaana eu pei tea vakavuroana dapala nogoe; go naka ni Ityipt eu dagisi a naaleatia rualima larua.
4Go ragi waina naaleatia maga ni natagisi‐a‐ana eu nopu, Yosef e pasa ki tea ni nasum̃a ki Faraoh, po noa, A pe wo pap̃ai nasaup̃iaana namatamu, kuga vasa nadaliga ni Faraoh, a pavara ni mu asa, 5po noa, Tamagu e mari au a pivisa, e noa, P̃a leo, kinau aga mate; matigo aginau waina a maginau kili a navanua ni Kanaan, tokora wanogoe p̃a ova ki nau asa. Go tea wanogoe p̃a suasua, a pavara ni ko asa, naga aga sake pano po ova ki tamagu, go aga wo liliu umai. 6Go Faraoh e noa, P̃a sake pano, po ova ki tamam̃a, ega tapala waina e mari ko ku pivisa asa. 7Go Yosef e sake pano naga ega ova ki tamana: go tea suasua mamau puti ki Faraoh eu sake sikoti a pano, tea matua maga ni nasum̃a aneana, nara ma tea matua mamau puti ni navanua ni Ityipt, 8Go tea mamau puti ni nasum̃a ki Yosef, go taina maga, go tea maga ni nasum̃a ki tamana eu mamau pano: ma piakirikiri adeada, go navata ni shiip go ni naninani adeada maga, go navata ni kau adeada maga, eu doropusi ra eu sikida doko navanua ni Coshen. 9Go kariot maga go naatam̃oli ni horse maga eu sake sikoti a pano: go eu pei taua warua sa. 10Go eu rumai paki malo wokalesue ni Atad, waina e doko taleva kerua ni Yordan, go tokora wanogoe eu lalagaarova asa ki nalalagaarovaana warua liu go e madaga liu: go e magi tamana mari nasusueana sikai naaleatia larua. 11Go ragi waina naatatoko maga ni navanua, naworawora ni Kanaan, eu punusi nasusueana malo wokalesue ni Atad, eu noa, Tea waia e pei nasusueana madaga sikai ki naka ni Ityipt: nalakena tea wanogoe nagisana e pei tea sosoana ki Abel misraim, waina e doko taleva kerua ni Yordan. 12Go natuna maga eu maneana mari dakiusi waina e dip̃aki da asa: 13Go natuna maga eu dapetape a paki navanua ni Kanaan, po ova ki nia valea ni vanua ni Makpelah, waina Abraham e pakotovi a e pilake vanua wanogoe, naga ega vei naveaniana ni taikesa sikai, paki Efron nawora ni Heth, narae ni Mamre.
14Go Yosef e liliu paki Ityipt pano, nara ma taina maga, go tea mamau puti waina eu sake sikoti a pano naga euga ova ki tamana, e edaku ki e ova ki sua tamana. 15Go ragi waina Yosef taina maga eu punusi naga tamada e mate, eu noa, Yosef e pe wo pilosi gida, po mari nasaana mamau puti waina tu mari a asa e pe wo liliu paki gida. 16Go eu dip̃aki lua pa punusi Yosef, po noa, Tamam̃a e pitip̃aki, e pea ki e mate, po noa, 17Kuga noa ki Yosef ega tapala waia, P̃a midoakikorokoro, a pavara ni ko asa, natapiriana ki taim̃a maga, go namarinaleosaana adeada, nalakena eu mari sa ki‐go: go ragi waia, au pavara ni ko asa, p̃a midoakikorokoro natapiriana ki tea suasua maga ki Sup̃e ki tamam̃a. Go Yosef e kai ragi waina eu pasa ki nia. 18Go taina maga eu pano po dowo dap̃olosiwo naraena: go eu noa, P̃a leo, au pei tea suasua anigo maga. 19Go Yosef e noa ki da, e naga, Kuga ta mataku mau: nalakena kinau a doko oli Sup̃e kite? 20Go nimu, ku midoaki tea sa paki nau; ma Sup̃e e midoa ki nia naga ega vei tea wia, naga ega mari a ega takiusi waina e doko naaleatia waia, naga ega mauti naatam̃oli laapa euga mauri doko. 21Go tea wanogoe kuga ta mataku mau: kinau aga wo pakale mu, go piakirikiri animu maga. Go e pasakorokoro ra, po pasa dodomi ra.
22Go Yosef e doko Ityipt doko, nara ma tea ni nasum̃a ki tamana eu mamau: go Yosef e mauri doko natau p̃onotia sikai rualima takuna sikai. 23Go Yosef e punusi Efraim natuna maga ni tagona ketolu: go Makir natuna maga Manasseh natuna eu pakilina nap̃atua ni Yosef. 24Go Yosef e noa ki taina maga, e naga, Kinau aga mate: ma Sup̃e ega wo umai punusi mu lomau, po piragi lua mu m̃elu dua ki navanua waia sake pano paki navanua waina e pivisa paki Abraham, paki Isaak, go paki Yakob asa. 25Go Yosef e dape navivisaana sikai ki Israel natuna maga, po noa, Sup̃e ega wo umai punusi mu lomau, go kuga wo dape navatugu maga pae tokora waia sake pano. 26Go Yosef e mate, e pei tea ni natau p̃onotia sikai rualima takuna sikai: go eu mari a e pei kola, go e pei tea toropusiana koffin sikai Ityipt.
Currently Selected:
JENESIS 50: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
