JENESIS 49
49
1Go Yakob e soso natuna naanoai maga, po noa: Kuga saisai, go aga wo noakisai mu tea waina ega wo pakilina ki mu naaleatia edaku maga. 2Kuga saisai, po dogo, Yakob natuna maga; Kuga rogo parati ki tamamu Israel. 3Reuben, nigo ku pei natugu takalapa, nakasuaana aginau, Go naatulakeana ni nakasuaana aginau; Navakilagi‐liu‐ana go nakasua‐liuana. 4Tea lotalota lip̃a dakiusi noai, p̃a wo da peani navakilagi‐liuana mau; Nalakena ku sake paki nawewele ki tamam̃a: Ragi wanogoe ku mari a e loa: e sake paki nawewele aginau. 5Simeon go Levi ero pei tamataida: Lova adeada ero pei nalikau ni namari‐pavakotoana. 6Naatagu, p̃a ta umai paki navusum̃akiana adeada mau; Nasamasamaana aginau, p̃a ta sikoti nasaisaiana adeada mau; Nalakena ero maeto po mari punue naatam̃oli, Go ero mari namasauana adeada po dakotovi nawaliu ni nakolovae ni oks. 7Namaetoana adeada ega vei tea vasasakiana, nalakena e p̃arua; Go namaritausuana adeada, nalakena e kasua: Aga wo dap̃otae ra Yakob, po daperavera ki da Israel. 8Yudah, taim̃a maga euga wo samasamani ko: Nam̃elearum̃a ega wo doko nanoa ni tea kokona ki‐go maga: Tamam̃a natuna naanoai maga euga wo kolo suai natano paki‐go. 9Yudah e pei laion natuna; Natugu, ku po pae tea katipunueana sake pano: E kusu, e one natano dakiusi laion, Go dakiusi laion goroi; sei ega wo pulevule a? 10Naap̃e ki nawota ega wo da m̃elu dua ki Yudah mau, Go tiko ki tea vasadawonaki ega wo da m̃elu dua ki namawota ni natuana mau, Pa pa pa Shiloh ega wo umai; Go narei maga euga wo dogo parati ki nadaleona. 11E likoti ass vusa aneana vaine, Go ass natuna aneana vaine wia; E sarue sugoro aneana maga waine, Go tea suniana aneana nada ni nawa ni vaine: 12Namatana eroga wo miala ki waine, Go napatina maga euga wo dare ki milk. 13Sebulun ega wo doko elau ni natasi: Go ega wo pei nawora ni rarua maga; Go kokoi aneana ega wo liliu Sidon. 14Issakar e pei ass kasua, E o natano namawota ni loga ni shiip: 15Go e punusi tokora ni namaromaroana naga e p̃ia, Go navanua naga e pei tea masauniana; Go e kusu ki napauna naga ega ovaova, Po pei tea suasua naga ega vitua ki nawosiana ni nasautoga. 16Dan ega wo pasa p̃otae narei aneana, Dapala naworawora ni Israel sikai kakada. 17Dan ega wo pei m̃aata sikai napua, adder sikai doko napua, Waina e kati nam̃ago natua ni horse, Go tea waina e sakesaake asa e dowo kitaku. 18A leogoro namautiana anigo, Yehovah O. 19Cad, taua sikai euga wo diesoki a: Ma nae ega wo diesoki nam̃ago natuada. 20Tea ni Asher navinaga aneana ega wo davarevare. Go nae ega wo pitua ki navinaga wia ki nawota. 21Naftali e pei diir goroi waina e pei tea kakaroana: E pitua ki navasaana wia. 22Yosef e pei ara nakau waina e dau, Ara waina e dau pisari namata noai; Arana maga eu sai kalau nakoro ni vatu. 23Tea tipe maga eu mari a e dogokitesa p̃arua, Eu dipe a, po kopalele asa: 24Ma naasu aneana e kasua doko, Go nakasuaana ni nam̃elearuna maga e masalesale doko. Pae nam̃elearu ni Tea Kasua ki Yakob, Pae tea waina e pei Tea Leoparati ki Israel, go Vatu ki Israel, 25Pae Sup̃e ki tamam̃a, waina ega wo silae ko, Go pae Tea Kasua Mau, waina ega wo pasa m̃ata ki‐go, Ki navasam̃atakiana maga ni nakoroatelagi ni elagi, Navasam̃atakiana maga ni epua waina e one etano, Navasam̃atakiana maga ni susu maga, go ni nap̃ele. 26Navasam̃atakiana maga ki tamam̃a Eu po marimatua dap̃au navasam̃atakiana maga ki tamagu maga Pa pa paki tea masauana maga ni tava maga waina eu du du po du mau du: Euga wo doko nap̃au ni Yosef, Go nam̃asua ni nap̃au ni tea waina e pei tea maraki ni taina maga. 27Benyamin e pei wulf sikai waina e pivikati: Malip̃ogi ega wo gani tea katipunueana, Go ragi melu ega wo dap̃otae tea tape‐pavakotoana. 28Tea mamau puti wanogoe eu pei naworawora ni Israel rualima sikai tamate dua: go tea wanogoe e pei tea waina tamada e noa ki da asa po pasa m̃ata ki da; e pasa m̃ata ki puti ra e pataka ni navasam̃atakiana adeada sarasara ra. 29Go e dip̃aki da, po noa ki da, e naga, Kinau aga vei tea saisaikiana paki namatarau aginau maga: kuga ova ki nau sikoti tamagu maga valea waina e doko vanua ki Efron nawora ni Heth, 30Valea waina e doko vanua ni Makpelah, waina e doko narae ni Mamre, navanua ni Kanaan, waina Abraham e pakotovi a e pilake vanua wanogoe paki Efron nawora ni Heth naga ega vei naveaniana ni taikesa sikai: 31Tokora wanogoe eu ova ki Abraham go anagoroi Sarah asa; tokora wanogoe eu ova ki Isaak go anagoroi Rebekah asa; go tokora wanogoe a ova ki Leah asa: 32Vanua wanogoe go valea waina e doko asa, waina e pei tea vakotoviana paki Heth natuna maga. 33Go ragi waina Yakob e dip̃aki sua natuna maga, e dakai natuana paki nawewele, po maro dua ki namerona, po pei tea saisaikiana paki namatarau aneana maga pano.
Currently Selected:
JENESIS 49: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
