PAKI TEA NE CALATIA 6
6
1Tai maga, naatam̃oli sikai e pe vei tea vuasokiana te natapiriana, nimu waina ku pei tea ni Naatana, kuga moro piragi tea tapala nogoe ega liliu doko Naatana ni namatemateana; doko do dum̃am̃a leoparati ki‐go, naga nigo ma p̃a ta pei tea maridogoana mau. 2Kuga tum̃amu manimu dapetape natapetapeana animu maga, go kuga vakavuro ega tapala nogoe nawotaeana ki Kristo. 3Nalakena te naata sikai e pe tum̃ana midoaki nia naga e pei te navatuna, ragi waina e pei tea m̃oli, e pe tum̃ana soro e. 4Ma sara naatam̃oli euga sikasikai maridogo nawosiana adeada, go ragi wanogoe euga wo dum̃ada peani tea vakavakaeana nalo kakada sikida, go euga ta peani a nalo ni tea p̃ota mau. 5Nalakena sara naatam̃oli euga wo sikasikai dapetape natapetapeana adeada.
6Ma tea waina e pei tea vasapiseikiana navasaana ega tua tea waina e pasapiseiki nia namagovai ni naleo wia aneana maga mamau puti. 7Kuga ta midoaki pele mau; Sup̃e e da pei tea marisaudoakiana mau: nalakena tea waina naatam̃oli sikai e pe sapuraki nia, tea wanogoe ega wo dagaukotovi a. 8Nalakena tea waina e do sapuraki paki nap̃okasina ega wo dagaukotovi m̃elu nap̃okasi namesoana; ma tea waina e do sapuraki paki Naatana ega wo dagaukotovi m̃elu Naatana namauriana waina e du mau du. 9Ma tuga ta pei tea p̃op̃otoro mari tea wia mau: nalakena tu pe ta dodosua mau, tu pe wo dagaukotovi ragi kakana. 10Nalakena tea wanogoe, dapala waina tu peani ragi tuga to mari tea waina e p̃ia paki tea maga mamau puti, go ega warua liu paki tea maga waina eu pei tea ni nasaralomauana.
11Kuga vunusi leter warua maga waina a midiri paki mu ara ki nam̃elearugu. 12Tea maga waina eu masauna naga euga mari naviseikiana wia nalo ni nap̃okasi, eu do maridie mu naga kuga vei tea tovadaviviana; nalakena tea sikai maau naga euga ta pei tea kopaleleana mau nalakena nakau valadagoto ki Kristo. 13Nalakena tea maga waina eu do pei tea tovadaviviana nara eu da pavaigoro nawotaeana mau; ma eu masauna naga nimu kuga vei tea tovadaviviana, naga euga vakavakae nalo ni nap̃okasimu. 14Ma ega ta pakilina ki nau mau naga aga vakavakae, ma aga vakavakae nalo ni nakau valadagoto ki Nawota anigida Yesu Kristo ega sikina, waina maramana e pei tea turiana nakau valadagoto pae asa paki nau, go kinau paki maramana. 15Nalakena natovadaviviana e da pei te navatuna mau, go natikaana ni natovadaviviana mau, ma tea tawonakiana vau. 16Go tea maga waina euga wo surata pae totowo wanogoe, natam̃ateana ega toko ara, go nadodomiana, go eroga toko Israel ki Sup̃e.
17Te naata ega ta mari navitinuana paki nau mau pae ragi waia pa pa: nalakena kinau a do pilake wotu maga ki Yesu doko nap̃atokogu.
18Nasaup̃iaana ki Nawota anigida Yesu Kristo ega sikoti naatamu, tai maga. Amen.
Currently Selected:
PAKI TEA NE CALATIA 6: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
