ESEKIEL 38
38
1Go navasaana ki Yehovah e umai I paki nau, po naga. 2Naatam̃oli natuna, p̃a lawo ki naraem̃a ega leo paki Coc, ni navanua ni Macoc, tea maraki ni Rosh, Meshek, go Tubal,go p̃a veanoasai dip̃a e, p̃a naga. 3Yehovah Sup̃e e noa dapala nea, e naga, p̃a leo, kinau a mari dip̃a ko, Coc O, tea maraki ni Rosh, Meshek, go Tubal. 4Go aga wo mari ko p̃a liliu pano, go aga wo doropusi tagau maga nasum̃a maga, go aga wo piragi lua ko, nimu ma taua mamau ni navakalo anigo, horse maga, go naatamoli sakesaake horse maga, euga vei tea sugoroana ki sugoro ni vatu, taua warua sikai pilake sila go nakokoro, euga wo mamau puti puati lova. 5Persia, Kush, go put euga sikoti ra; tea mamau puti kakada euga vilake nakokoro go kalupau ni vatu: 6Comer, nara ma taua aneana mamau puti; nasum̃a ni Tokarmah doko namatap̃ago edaku maga ni north, nara ma taua aneana mamau puti: narei laapa euga sikoti ko. 7Pa mari m̃ata, io, p̃a tum̃ama mari mata kigo, nigo go taua anigo maga mamau puti waina eu pei tea saisaikiana pakigo, go pa madeada pei tea vavaigoro sikai. 8Edaku ki naaleatia laapa p̃a wo pei tea leopunusiana: doko natau edaku mau maga p̃a wo umai dip̃a navanua waina e pei tea viragililiuakiana m̃elu dua ki lova, waina e pei tea saisaikiana m̃elu dua ki narei laapa, doko tava maga ni Israel, waina e pei maso maladi doko mau doko: ma e pei tea viragilua ana m̃elu duaki narei maga, go euga wo doko navavatuana doko, tea mamau puti kakada 9Go pa wo sake, p̃a wo umai dapala suitaviro sikai, p̃a wo dakiusi napopouru sikai naga p̃a wo Kovagoro navanua, nigo go taua maga mamau puti, go laapa,euga sikoti ko. 10Yehovah Sup̃e e noa dapala nea, e naga, ega wo pakilina naaleatia wanogoe, naga naleo maga euga wo umai paki namidodoana anigo, go p̃a wo midoa p̃ai namidoakipaiana sa sikai: 11Go p̃a wo naga, Kinau aga wo sake paki navanua ni natokoana maga waina eu dika ki p̃aaka; aga wo punusi tea maga waina eu doko dam̃ate, waina eu doko navavatuana doko, waina eu mamau doko tokora waina e da pei tea p̃aakagoroana mau, waina e dika ki tea walagoto maga go ki namata pua maga 12Naga p̃a tape pavakoto tea tape-lua pavakotoana go naga pa tape pavakoto tea vuti-lua-pavakotoana; naga pa roa nam̃elearum̃a dip̃a maso maladi maga waina naatam̃oli e po moro doko ara, go dip̃a narei waina eu pei tea vira-gisaisai-kiana m̃elu dua ki nalauna maga, waina eu pei talakea ni katel go naloriki maga,waina eu doko m̃aleoputo ni maramana doko. 13Sheba, go Dedan, go tea vakokoto maga ni Tarshish, nara ma laion tureai kakada maga mamauputi, euga wo noa kigo, euga wo naga, Ku po umai naga p̃a tape pavakotoana tea tape lua pavakotoana kite? Ku po saisai ki taua anigo naga p̃a tape pavakoto tea vutiluapavakotoana, kite? Naga pa viragi lua pavakoto silver go kold, naga p̃a viragi lua pavakoto katel go naloriki maga, naga p̃a viragi lua pavakoto tea vuti lua pavakotoana warua kite? 14Nalakena tea wanogoe naatamoli natuna, p̃a veanoasai, po noa ki Coc, p̃a naga, Yehovah Sup̃e e noa dapala nea, e naga, doko naaleatia wanogoe ragi waina narei aginau Israel euga wo doko dam̃ate doko, p̃a wo da atae a mau, kite? 15Go p̃a wo pae kiama umai, m̃elu dua ki namatap̃ago edaku maga ni north, nigo go narei laapa kuga mamau,doko do sakesaake horse maga, tea mamau puti kakada, taua warua sikai go taua ni naatam̃oli marimatua maga ni navakalo: 16Go p̃a wo sake umai dip̃a narei aginau Israel, dapala napopouru sikai doko do kovagoro navanua; ega wo pakilina naaleatia edaku maga, naga aga wo mari ko p̃a wo umai dip̃a navanua aginau, naga nalauna maga euga atae au,ragi waina aga wo mari natapuana aginau ega vei tea ataeana pae ako, Coc O, kivea ki namatada maga. 17Yehovah Sup̃e e noa dapala nea e naga, nigo ku pei nae waina Kinau a pasa nalo kakam̃a ragi ni tuai pae tea suasua aginau profeta maga ni Israel, waina eu peanoasai natau laapa naaleatia maga wanogoe naga aga wo mari ko p̃a wo mari dip̃a ra, kite? 18Go ega wo pakilina naaleatia wanogoe, ragi waina Coc ega wo umai dip̃a navanua ni Israel, Yehovah Sup̃e e noa e, naga namaritausuana aginau ega wo sake umai paki naraegu. 19Nalakena kinau a pasa natotowokasuaana aginau go namaritausuana vivitinu aginau, a naga, lomau naaleatia wanogoe nauru warua sikai ega wo pakilina navanua ni Israel; 20Dapala waina naika maga ni natasi, go manu maga ni namalopa, go nalo mauri maga ni vanua, go nalo kakaravi maga mamau puti waina eu kakaravi natano, go naatamoli maga mamau puti waina eu doko narae ni maramana, euga wo duruuru naraegu, go tava maga euga wo pei tea nadikiana pakitano, go napatira maga euga wo Pevera, go p̃aaka maga mamau Puti euga wo sapura ki Paki natano. 21Go aga wo soso lova sikai umai dip̃a e usuraki tava aginau maga mamau puti, Yehovah Sup̃e e noa e: lova ki sara naata ega wo dip̃a taina. 22Go aga wo Parati a ki nasasanaana sa go ki nada; go aga wo pue a, nara ma taua aneana maga mamau puti go narei laapa waina eu mamau doko, ki usa lelep̃esi sikai, go ki usa ni vatu warua maga, ki nakapu, go ki brimstone. 23Go aga wo dum̃agu mari au aga vei tea samasamaniana, po mari natapuana aginau ega vei iea adaeana, go aga wo dum̃agu mari au aga vei tea ataeana namata ni nalauna laapa; go euga wo atae naga kinau a Pei Yehovah.
Currently Selected:
ESEKIEL 38: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
