ESEKIEL 37
37
1Namelearu ni Yehovah e doko au, go e piragi lua au pano ki naata ni Yehovah, po lawo ki nau a doko m̃aleoputo ni nap̃aloa; go e pura ki navatu maga; 2Go e mari au a surata usuraki m̃aleoputo kakada: go kuga leo, nara eu laapa doko narae ni nap̃aloa; go p̃a leo, eu garagara p̃arua. 3Go e noa ki nau, e naga, naatamoli natuna, navatu maga waia eu mariatae mauri kite? Go a pasdara, po naga, Yehovah Sup̃e o,nigo ku atae a. 4Go e moro noa ki nau e naga, p̃a veanoasai nalo ni navatu garagara maga waia, po noa ki da, p̃a naga nimu navatu garagara maga o, kuga rogo navasaana ki Yehovah. 5Yehovah Sup̃e e noa dapala nea paki navatu maga waia,e naga, kuga leo, aga wo sili paki nap̃alaumu, go kuga wo mauri. 6Go aga wo doropusi nawa maga euga toko mu, go aga wo mari nap̃okasi ega sokagoro mu, go aga wo kovagoro mu ki nawili,po doropusi namero ni namauriana ega toko nap̃alaumu, go kuga wo mauri, go kuga wo atae naga kinau a pei Yehovah. 7Go a Peanoasai dapala waina a pei tea tip̃akiana asa: go rag waina a do peanoasai, nasaruru sikai e dokom go kuga leo, naruru sikai, go navatu maga eu dum̃ada sokarira ki navatu paki navatu. 8Go a leo, go p̃a leo, nawa maga eu doko ara, go nap̃okasi e sokagoro ra, go nawili e kovagorora: ma namero ni namauriana e dika ara. 9Go e noa ki nau, e naga, p̃aveanoasai paki nalagi, p̃aveanoasai, naatam̃oli natuna, po noa ki nalagi, naatam̃oli natuna, po noa ki nalagi, p̃a naga, Yehovah Sup̃e e noa dapala nea, e naga, p̃a m̃elu pae nalagipati umai, namero ni namauriana o, po mero dua tea maripunueana maga waia naga euga mauri. 10Go a peanoasai dapala waina e dip̃aki nau asa, go namero ni namauriana e umai paki da, go eu mauri, po lawodu ki natuada maga, eu pei taua warua liu sikai ni naatam̃oli. 11Go e noa ki nau, e naga, Naatamoli natuna, navatu maga waia eu pei nasum̃a mamau ni Israel: p̃a leo, eu naga, navatugida eu gargara, naleogoroana anigida maga eu panopuoli; tu pei tea taeluana pano. 12Nalakena tea wanogoe p̃a veanoasai po noa kida, p̃a naga, Yehovah Sup̃e e noa dapala nea, e naga, kuga leo, aga mari mu kuga sake m̃elu dua ki matigomu maga, po mari mu kuga sake m̃elu dua ki matigomu maga umai, narei aginau o; go aga wo piragi mu paki navanua ni Israel. 13Go kuga wo atae naga,ragi waina aga wo p̃olagati matigomu maga, po mari mu kuga sake m̃elu dua ki matigomu uami, narei aginau o. 14Go aga wo doropusi naatagu ega toko nap̃alaumu, go kuga wo mauri, go aga wo lawo ki mu kuga tokonavanua animu doko: go kuga wo atae naga kinau Yehovah, kinau a pasa asa, po pakavuro e Yehovah e noa e. 15Go navasaana ki Yehovah e moro paki nau. 16Go nigo naatam̃oli natuna, Pa tape nakau welewelea sikai, Po midiri tea waia asa, agi Yuda, go agi Israel natuna maga waina eu mamau: go p̃a tape nakau welewelea mamau sikai, po midri tea waia asa, agi Yosef, go agi nasum̃a mamau ni Israel waina eu mamau doko. 17Go p̃a mari ra eroga saisai po pei nakau welewelea sikai maau, naga eroga vei tea sikai maau doko nam̃elearum̃a. 18Go ragi waina narei anigo natuda maga euga wo pasa pakigo, po naga, p̃a wo da pisei ki gami nasava waina ku mari a mau kite? 19Pa noa ki da, p̃a naga Yehovah Sup̃e e noa dapala nea, e naga, kuga leo, aga wo dape nakau welewela ni Yosef, waina e doko; nam̃elearu ni Efraim, go nalauna maga ni Isarel waina eu mamau doko; go aga wo mari ra eroga saisai, nara ma nakau welewela ni Yudah,po mari ra eroga vei nakau welewelea sikai maau, go eroga wo pei tea sikai maau doko nam̃elearugu. 20Go nakau welewelea maga waina ku midiri doko ara, eroga wo doko nam̃elearum̃a namatada maga. 21Go p̃a noa ki da, p̃a naga, Yehovah Sup̃e e noa dapala nea, e naga, Kuga leo, aga wo Piragi lua Israel natuna maga m̃elu m̃aleoputo ni nalauna maga, waina eu paki ara pano, go aga wo, piragi saisai ki da daliviri, po piragi ra umai paki navanua adeada. 22Go aga, wo mari ra eroga vei nalauna sikai maau navanua warogoe, doko tava maga ni Israel; go nawota sikai maau ega wo maraki puti ra: go eroga wo da moro pei nalauna dua ipau, go eroga wo da moro pei namarakiana dua mau: 23Go euga wo da moro dum̃ada mari ra euga vei lea mamaragokiana ki idolo adeada maga mau, kite ki tea karaikitaana adeada maga mau, kite ki natapiriana adeada te seara kakada mau: ma aga wo mauti pauri ra m̃elu dua ki tokora tokoana adeada maga mamauputi, waina eu mari naleo sa asa, go aga wo mari dautau ki da: dapala nogoe euga wo pei narei aginau, go kinau aga wo pei Sup̃e adeada. 24Go tea suasua aginau David ega wo pei nawota dap̃au ra; go euga wo peani tea leoparatiki sikai, maau: go euga wo surata navasap̃otaeana aginau maga, po pavaigoro natawonakiana aginau maga, po mari pataka da. 25Go euga wo doko navanua waina a dua tea suasua aginau yakob asa, tokora waina tamamu maga eu pea doko asa; go euga wo doko asa, nara ma natuda maga, go natuda natuda maga, pa pa po du mau du: go tea suasua aginau David ega wo pei tea maraki adeada pa pa po du mau du. 26Go aga wo mari navasasokiana sikai ni natamateana paki da: ega wo pei navasasokiana sikai pakida waina ega tu du po du mau du: go aga wo lawo ki da, po mari ra euga laapa, go aga wo lawo ki tokora tapu aginau ega toko m̃aleoputo kakada pa pa ega tu mau du. 27Go nasum̃a tokoana aginau ega wo doko kiada; go kinau aga wo pei Sup̃e adeada, go nara euga wo pei narei aginau. 28Go nalauna maga euga wo atae naga kinau a pei Yehovah waina a tapugoro Israel, ragi waina tokora tapu aginau ega wo doko m̃aleoputo kakada pa pa ega tu mau du.
Currently Selected:
ESEKIEL 37: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
