EKSODAS 31
31
1Go Yehovah e pasa paki Moses, po naga, 2P̃a vunusi, a soso pae nagisana Besalel natu ni Uri, natu ni Hur, ni naworawora ni Yudah. 3Go a pakavuro e ki Naata ni Sup̃e, doko namanumatuaana, go doko namidoakiataeana, go doko naataeana, go doko sara nawosiana visarasara maga, 4Naga ega midoaki nawosiana maga ni naveimataisauana, naga ega wosiwosi kold, go silver, go brass, 5Go natae‐midiri‐vatu‐ana agi navakavuroana, go natae‐midirinakau‐ana naga ega wosiwosi sara nawosiana visarasara maga. 6Go kinau, p̃a leo, a pitua ki sikoti a Oholiab, natu ni Ahisamah, ni naworawora ni Dan; go a doropusi namanumatuaana doko nap̃op̃o ni tea maga waina eu pei tea vei p̃op̃o manumatua, naga euga mari tea mamau puti waina a dip̃aki‐go asa: 7Tap̃aup̃au ni nasaisaiana, go areka ni nanoasokisokiana, go tea tap̃augoro waina e doko elagi asa, go naleo mamau puti ni Tap̃aup̃au; 8Go wede ni naloriki kakana maga, go nakau ni nasulu tautau go naloriki kakana mamau puti, go wede ni natap̃arakiana ni tea ni nap̃o wia; 9Go wede ni naviriana tap̃arakiana go naloriki kakana mamau puti, go tea vavano go laketano kakana; 10Go sugoro vausim̃atakiana maga, go sugoro tapu maga agi Aaron tea viri, go sugoro maga ki natuna maga, naga euga suasua nawosiana ki tea viri; 11Go naroro ni navuvuraiana, go tea ni nap̃o wia ni nasei lolo maga agi tokora tapu: euga mari ega tapala tea mamau puti waina a dip̃aki‐go asa.
12Go Yehovah e pasa paki Moses, po naga, 13Go nigo p̃a vasa paki Israel natuna maga, po naga, Lomau kuga vavaigoro sabbath aginau maga: nalakena nae e pei navaivaiana sikai namawota kakagu go kakamu usuraki tagona animu maga; naga kuga atae naga kinau a pei Yehovah waina a do dapugoro mu. 14Go kuga vavaigoro sabbath; nalakena nae e pei tea tapu animu: naata waina e mari a e pei tea m̃oli ega vei tea maripunueana lomau: nalakena tea maga waina eu mari nawosiana asa, naata maga wanogoe euga vei tea taeluaana m̃elu dua ki m̃aleoputo ni narei adeada. 15Naaleatia latesa nawosiana ega vei tea mariana asa; ma naaleatia kelarua e pei sabbath ni namaromaroana warua, tea tapu ki Yehovah: tea maga waina eu mari nawosiana naaleatia ni sabbath, euga vei tea maripunueana lomau. 16Go Israel natuna maga euga vavaigoro sabbath, naga euga mari sabbath usuraki tagona adeada maga, ega vei navasasokiana waina ega tu du po du mau du. 17Nae e pei navaivaiana sikai namawota kakagu go ni Israel natuna maga pa pa ega tu du po du mau du: nalakena naaleatia latesa Yehovah e mari nakoroatelagi go maramana, go naaleatia kelarua e doko dorogo asa po maromaro.
18Go e dua Moses, ragi waina e pasa pusum̃aki sua paki nia tava Sinai, tea welewelea dua wanogoe ni nanoasokisokiana, tea welewelea dua ni vatu, tea midiriana ki nakini ni Sup̃e.
Currently Selected:
EKSODAS 31: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
