EKSODAS 29
29
1Go tea waia e pei naleo waina p̃a mari a paki da naga p̃a tapugoro ra asa, naga euga maginau suasua nawosiana ki tea viri: p̃a vuati kau natuna anoai sikai go shiip anoai dua tea mamaau p̃ia, 2Go bred waina leven e dika asa, go keke turuturua maga waina leven e dika ara waina eu pai tea sariana ki naroro, go keke manivenive maga waina leven e dika ara waina eu pei tea vuvuraikiana ki naroro: p̃a mari ra euga vei tea ni flaur wia ni whiit. 3Go p̃a toropusi ra euga toko p̃olo sikai, do dape ra umai paki m̃aladigi doko p̃olo wanogoe, go kau anoai wanogoe go shiip anoai dua wanogoe. 4Go p̃a viragi Aaron go natuna maga euga umai paki m̃aladigi ki namata ni tap̃aup̃au ni nasaisaiana, go p̃a sarue ra ki noai. 5Go p̃a tape sugoro maga wanogoe, po sugoro Aaron ki sugoro tokop̃ai nawilina, go ki sugoro varau ni efod, go ki efod, go ki tea taurum̃a, go p̃a tasoki a ki tasoki midiria vausiana ki mataisau ni efod: 6Go p̃a sawa ki tap̃au vivisiana ega toko nap̃auna, go p̃a doropusi diadem tapu ega toko tap̃au vivisiana. 7Go p̃a tape naroro ni navuvuraiana, po da ki nia nap̃auna, po puvurai ki nia. 8Go p̃a viragi natuna maga umai paki m̃aladigi, go p̃a sugoro ra ki sugoro tokop̃ai nawilida maga. 9Go p̃a tasoki ra ki tasoki maga, Aaron go natuna maga, go p̃a vivisi tap̃au varau maga euga toko ara: go naveitea‐viri‐ana ega vei adeada, pae natawonakiana sikai waina ega tu do po du mau du: go p̃a vakavuro nam̃elearu ni Aaron go nam̃elearu ni natuna maga. 10Go p̃a viragi kau anoai sikai umai paki m̃aladigi paki narae ni tap̃aup̃au ni nasaisaiana: go Aaron go natuna maga euga toropusi nam̃elearuda maga nap̃au ni kau anoai wanogoe. 11Go p̃a mari punue kau anoai wanogoe narae ni Yehovah pisari namata ni tap̃aup̃au ni nasaiaiana. 12Go p̃a tape kovia nada ni kau anoai wanogoe, po doropusi a ega toko napati maga ni wede ni naviriana ki nakinim̃a; go p̃a taki puti nadfa pisari nalake ni wede ni naviriana. 13Go p̃a tape puti nap̃eletia waina e kovagoro namaritana maga, go nalaolaona waina e doko nadanikapuna, go nap̃elekevatuna dua, go nap̃eletia waina e doko ara, go p̃a tap̃ara ki do wede ni naviriana. 14Ma nap̃okasi ni kau anoai wanogoe, go nawilina, go nataena, p̃a tap̃ara ki da ki nakapu etaku ni tokora ni nam̃wenakiana: nae e pei naviriana sikai ni namarinaleosaana. 15Go p̃a vuati shiip anoai sikai; go Aaron go natuna maga euga toropusi nam̃elearuda nap̃au ni shiip anoai wanogoe. 16Go p̃a mari punue shiip anoai wanogoe, go p̃a tape nadana, po meseura ki nia paki wede ni naviriana daliviri. 17Go p̃a takotokotovi shiip anoai wanogoe, po sarue namaritana maga, go natuana maga, po doropusi ra euga visari namakotokoto kakana maga, go nap̃auna. 18Go p̃a tap̃ara ki shiip anoai wanogoe mamau wede ni naviriana: nae e pei naviriana tap̃arakiana sikai paki Yehovah: e pei naõ lolo sikai naviriana sikai pae nakapu paki Yehovah. 19Go p̃a vuati shiip anoai kerua; go Aaron go natuna maga euga toropusi nam̃elearuda maga nap̃au ni shiip anoai wanogoe. 20Go p̃a mari punue shiip anoai wanogoe, po dape kovai nadana, po doropusi a ega toko namatap̃ago ni nadaliga ni matua ni Aaron, go namatap̃ago ni nadaliga ni matua maga ni natuna maga, go kini lapa ni nam̃elearuda ni matua maga, go kini lapa ni natuada ni matua maga, po meseura ki nada wanogaoe paki wede ni naviriana daliviri. 21Go p̃a tape kovai nada waina e doko wede ni naviriana, go kovai ni naroro ni navuvuraiana, po meseura ki nia paki Aaron, go paki sugoro aneana maga, go paki natuna maga go paki sugoro maga ki natuna maga sikoti a: go nae ega tapu, go sugoro aneana maga, go natuna maga, go sugoro maga ki natuna maga sikoti a. 22Go p̃a tape m̃elu dua ki shiip anoai wanogoe nap̃eletia, go napuena m̃anopunopu, go nap̃eletia waina e kovagoro namaritana maga, go nalaolao ni nadanikapuna, go nap̃elekevatuna dua, go nap̃eletia waina e doko ara, go natuana ni matua; nalakena nae e pei shiip anoai sikai ni navakavuroena: 23Go m̃olim̃oli sikai ni bred, go keke turuturua sikai ni bred ni naroro, go keke manivenive sikai, m̃elu dua ki p̃olo ni bred waina leven e dika asa waina e doko narae ni Yehovah: 24Go p̃a toropusi puti a euga toko nam̃elearu dua ni Aaron, go nam̃elearu maga ni natuna maga; go p̃a salesalea ki da euga vei navituaana salesaleakiana sikai narae ni Yehova. 25Go p̃a tape ra m̃elu dua ki nam̃elearuda maga, po dap̃ara ki da wede ni naviriana euga sake nvairiana tap̃arakiana wanogoe, euga vei nap̃o lolo sikai narae ni Yehovah: nae e pei naviriana sikai pae nakapu paki Yehovah. 26Go p̃a tape nagorogoro ni shiip anoai ni navakavuroana waina e pei agi Aaron, go p̃a salesalea ki nia ega vei navituaana salesaleakiana sikai narae ni Yehovah; go ega vei anigo matele. 27Go p̃a tapugoro nagorogoro ni navituaana salesaleakiana go natua ni navituaana sikosikoviana, waina e pei tea salesaleakiana, go waina e pei tea sikosikoviana, ni shiip anoai ni navakavuroana, ni tea waina e pei agi Aaron, go ni tea waina e pei agi natuna maga: 28Go ega magi Aaron go natuna maga pei natawonakiana sikai waina ega tu du po du mau du, waina Israel natuna maga euga to mari a: nalakena nae e pei navituaana sikosikoviana sikai: go ega vei navituaana sikosikoviana sikai waina Israel natuna maga euga to mari a m̃elu naviriana maga ni navituaana ni natam̃ateana adeada maga, navituaana sikosikoviana adeada paki Yehovah. 29Go sugoro tapu maga waina eu pei agi Aaron euga vei agi natuna maga waina euga wo edakugoro e, naga euga vei tea vuvuraikiana ara go naga nam̃elearuda euga vei tea vakavuroana ara. 30Naaleatia larua tea kaka ni natuna maga waina e pei tea viri doko oli a ega suni ra, ragi waina ega umai paki ekopu ni tap̃aup̃au ni nasaisaiana naga ega suasua ekopu ni tokora tapu. 31Go p̃a vuati shiip anoai ni navakavuroana, po peni nap̃okasina tokora tapu sikai. 32Go Aaron go natuna maga euga kani nap̃okasi ni shiip anoai wanogoe, go bred waina e doko p̃olo, pisari namata ni tap̃aup̃au ni nasaisaiana. 33Go euga kani tea maga waina natap̃augoroana e pei tea mariana ara, naga nam̃elearuda euga vei tea vakavuroana asa go naga euga vei tea tapugoroana asa: ma naatam̃oli p̃ota sikai ega ta gani ra mau, nalakena eu dapu. 34Go seara kaka ni nap̃okasi ni navakavuroana, kite seara kaka ni bred, e pe tupele pa pa paki malip̃ogi, go p̃a tap̃ara ki tea tupele ki nakapu: ega ta pei tea kaniana mau, nalakena nae e dapu. 35Go p̃a mari tapala nogoe paki Aaron, go paki natuna maga, ega tapala tea mamau puti waina a dip̃aki‐go asa: p̃a vakavuro nam̃elearuda naaleatia larua. 36Go sara naaleatia p̃a mari kau natuna anoai ni naviriana ni namarinaleosaana nalakena natap̃augoroana maga: go p̃a mari wede ni naviriana ega tautau ragi waina p̃a maneana mari natap̃augoroana; go p̃a vuvurai ki nia naga p̃a tapugoro e. 37Naaleatia larua p̃a magi wede ni naviriana mari natap̃augoroana, po dapugoro e: go wede ni naviriana ega tapu p̃arua liu; sara naleo waina euga kisidogo wede ni naviriana euga tapu.
38Go tea waia e pei tea waina p̃a mari a doko wede ni naviriana; shiip natuna dua ni natau sikai sara naaleatia sara ragi. 39Shiip natuna sikai p̃a mari a malip̃ogi; go shiip natuna kerua p̃a mari a ragi melu: 40Go namagovai kerualima sikai ni efah sikai ni flaur wia waina e pei tea sariana ki namagovai kevati ni hin sikai ni naroro tukiana; go namagovai kevati ni hin sikai ni waine, navituaana takiana sikai, eroga vilake shiip natuna sikai. 41Go shiip natuna kerua p̃a mari a ragi m̃elu, go p̃a mari paki nia ega tapala navituaana ni flaur ni malip̃ogi, go ega tapala navituaana takiana kakana, ega vei nap̃o lolo sikai, naviriana sikai pae nakapu paki Yehovah. 42Ega vei naviriana tap̃arakiana sikai ni sara ragi usuraki tagona animu maga pisari namata ni tap̃aup̃au ni nasaisaiana narae ni Yehovah: tokora waina tuga wo saisai asa, naga aga vasa paki‐go asa. 43Go tokora wanogoe kinau go Israel natuna maga tuga wo saisai asa; go ega wo pei ytea tapugoroana ki nasamasamaana aginau. 44Go aga wo dapugotro tap̃aup̃au ni nasaisaiana, go wede ni naviriana: go Aaron go natuna maga aga wo dapugoro ra, naga euga maginau suasua nawosiana ki tea viri. 45Go aga wo doko m̃aleoputo ni Israel natuna maga, go aga wo pei Sup̃e adeada. 46Go euga wo atae naga kinau a pei Yehovah Sup̃e adeada, waina a piragi lua ra m̃elu dua ki navanua ni Ityipt umai, naga aga toko m̃aleoputo kakada: Kinau a pei Yehovah Sup̃e adeada.
Currently Selected:
EKSODAS 29: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
