PAKI TEA NE EFESO 2
2
1Go e pakamauri ki mu, ragi waina ku pei tea mate ki natapiriana animu maga go ki namarinaleosaaan animu maga, 2waina ku surata doko ara sala vea pae natomariana ni maramana waia, pae tea maraki ni nakasuaana ni namalopa, ni naatana waina e do p̃osiwosi ragi waia doko narogopiriana natuna maga; 3go nigida maga tu mamau puti mauri doko m̃aleoputo kakada sala vea doko namasauana sa maga ni nap̃okasigida, tu do mari namasauana maga ni nap̃okasi go ni namidodoana maga, go tu pei namaetoana natuna maga pae navakilinaana, dakiusi tea p̃ota maga: 4―ma Sup̃e, waina e pei sogolapa nalo ni nadodomiana, nalakena nadodomiana warua aneana waina e dodomi gida asa, 5go ragi waina nigida tu pei tea mate ki natapiriana anigida maga, e pakamauri ki gida sikoti Kristo (ku pei tea mautipauriana ki nasaup̃iaana), 6po sike gida tu duleana sikoti a, po mari gida tu dasake sikoti a doko tokora maga ni nakoroatelagi, doko Kristo Yesu: 7naga ega visei ki nasogolapaana warua liu ni nasaup̃iaana aneana ragi varau maga waina euga wo umai doko navakaleana paki gida doko Kristo Yesu: 8nalakena ku pei tea mautipauriana ki nasaup̃iaana pae nasaralomauana; go tea wanogoe e da m̃elu mu mau: e pei navituam̃olikiana ki Sup̃e: 9e da m̃elu nawosiana maga mau, naga te naata sikai ega ta pakavakae mau. 10Nalakena tu pei tea mariana aneana, tea tawonakiana doko Kristo Yesu raki nawosiana wia maga, waina Sup̃e e pea mari m̃ata ki da naga tuga surata pae ara.
11Nalakena tea wanogoe kuga midoa ki nia, naga sala vea nimu, tea ni nalauna p̃ota maga nalo ni nap̃okasi, waina eu pei tea sosoana ki Tea tika natovadaviviana pae tea maga waina eu pei tea sosoana ki Tea tovadaviviana, nalo ni nap̃okasi, tea mariana ki nam̃elearu maga; 12naga ragi wanogoe ku doko masale ki Kristo, ku pei tea vanop̃ota maga paki nalauna ni Israel, go nam̃enaki maga paki navasasokiana maga ni nasaiana, ku da peani te naleogoroana mau go ku pei tea tika ki Sup̃e doko maramana. 13Ma ragi waia doko Kristo Yesu nimu waina ku madu uvea sala vea ku pei tea mariana ku pei m̃aladigi doko nada ni Kristo. 14Nalakena nae e pei natam̃ateana anigida, waina e mari sokata ki gida toro pei tea sikai maau, go e p̃orae lua napukoro ni namawota, 15e mari puoli doko nap̃okasina ki nakokonaana, nawotaeana ni natip̃akiana maga doko natawonakiana maga; naga ega mari dawonaki tea rua doko asa eroga vei naatam̃oli vau sikai maau, po mari natam̃ateana; 16go naga ega mari sokata ki da doko nap̃atoko sikai maau eroga moro pei p̃op̃o wia paki Sup̃e pae nkau valadagoto, e mari punue nakokonaana asa: 17go e umai po dogorogo ki natam̃ateana paki mu waina ku madu uvea, go ki natam̃ateana paki tea maga waina eu du m̃aladigi: 18nalakena toro dua peani naviragiana pae asa doko Naatana sikai maau paki Tamana. 19Nalakena tea wanogoe ku da moro pei nam̃enaki maga go nam̃enaki‐atatoko maga mau, ma ku pei tea ni natokoana sikoti tea tautau maga, go tea ni nasum̃a ki Sup̃e, 20tea tavagiana doko laketano ni apostolo maga go profeta maga, Kristo Yesu nae e pei vatu laketano warua ni naweluki; 21waina natavagiana mamau, tea tasokatakim̃atakiana doko asa, e do disu paki naveinasum̃atapu‐ana doko Nawota; 22waina nimu ma ku pei tea saisaidavagiana doko asa, naga kuga vei nasum̃atokoana sikai ki Sup̃e doko Naatana.
Currently Selected:
PAKI TEA NE EFESO 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
