DEUTERONOMY 1
1
1Tea maga waia eu pei navasaana maga waina Moses e pasa ara paki Israel mamau taleva kerua ni Yordan doko Masop̃alo, doko nap̃aloa ni Arabah, pisari Suf, namawota ni Paran, go Tofel, go Leban, go Haseroth, go Di‐sahab. 2E pei nasurataana ni naaleatia rualima sikai tamate sikai pae Horeb paki Kadesh‐barnea, ki napua ni tava Seir. 3Go e pakilina natau kerualima pati, atelagi kerualima sikai tamate sikai, nakup̃a vea ni atelagi, naga Moses a pasa paki Israel natuna maga, ki tea mamau puti waina Yehovah e dua e asa doko natip̃akiana paki da; 4Edaku ki naga e atugi Sihon, nawota ki naworawora ni Amor, waina e doko Heshbon, go Ok nawota ni Bashan, waina e doko Ashtaroth, ni Edrei: 5Doko navanua ni Moab, taleva kerua ni Yordan, Moses e atulake dogorogo nawotaeana waia, 6e naga, Yehovah Sup̃e anigida e pasa paki gida Horeb, po naga, Ku po doko parau doko tava waia: 7Kuga maradoa po surata nasurataana animu, go kuga vaki navanua ni tava ki naworawora ni Amor pano, go paki tokora maga mamau puti waina eu doko m̃aladigi, doko nap̃aloa ni Arabah, go doko navanua ni tava, go doko navanua ni nasiwosiwoana, go doko Sauth, go doko nadigi ni natasi, navanua ki naworawora ni Kanaan, go Lebanon, pa pa paki noaisara warua, noaisara Eufrates. 8Kuga leo, a po lawo ki navanua naraemu: kuga sili po peani navanua waina Yehovah e pivisa paki tamamu maga asa, paki Abraham, go paki Isaak, go paki Yakob, naga ega tua ra asa, go naworaworada edaku ki da. 9Go ragi wanogoe a pasa paki mu, po naga, Kinau a marisa masikigu dapetape mu mau: 10Yehovah Sup̃e animu e mari mu ku laapa, go kuga leo, naaleatia waia nalaapaana animu e dapala m̃asoe maga ni nakoroatelagi. 11Yehovah, Sup̃e ki tamamu maga, ega mari mu kuga moro disu paka manu sikai, go ega vasa m̃ata ki mu, dapala nasaiana aneana paki mu! 12Dapale sava aga masikigu dapetape navileana animu, go namadagaana animu, go navululuana animu? 13Kuga manimu piragi naatam̃oli manumatua maga, tea midoakiatae go tea ataeana maga, euga vae naworaworamu maga, go aga wo mari ra euga vei nap̃au maga dap̃au mu. 14Go ku pasadara au, po naga, Tea waina ku po noa e, e p̃ia ki gami naga auga mari a. 15Go dapala nogoe a piragi nap̃au maga ni naworaworamu maga, naatam̃oli manumatua maga, go tea ataeana maga ki tea laapa, po mari ra eu pei nap̃au maga dap̃au mu, tea maraki ni manu maga, go tea maraki ni p̃onotia maga, go tea maraki ni rualima lima maga, go tea maraki ni rualima maga, go tasiga maga, pae naworaworamu maga. 16Go ragi wanogoe a pasa parati ki tea vasap̃otae animu maga, po naga, Kuga rogo naleo maga namawota ni taimu go ni taimu, po pasap̃otae leana namawota ni naata sikai go ni taina, go ni nam̃enaki‐atatoko waina e sikoti a doko. 17Doko navasap̃otaeana, kuga ta piragi narae mau; kuga rogo tea vakitano go tea vakilagi eroga vataka sikai; kuga ta matau ki narae ni naatam̃oli mau; nalakena navasap̃otaeana e pei tea ki Sup̃e: go te naleo waina e kasua liu paki mu, kuga viragi a umai paki nau, go kinau aga wo dogo e. 18Go ragi wanogoe a dip̃aki mu sara naleo waina kuga mari ra.
19Go tu surata pae Horeb, po duaduru masop̃alo warua go mataukiana wanogoe mamau waina ku punusi a, pae napua paki navanua ni tava ki naworawora ni Amor, dapala waina Yehovah Sup̃e anigida e dip̃aki gida asa; go tu umai paki Kadesh‐barnea. 20Go a noa ki mu, Ku po umai paki navanua ni tava ki naworawora ni Amor, waina Yehovah Sup̃e anigida e dua gida asa. 21P̃a leo, Yehovah Sup̃e anigo e po lawo ki navanua naraem̃a: p̃a sake pano po peani a, dapala waina Yehovah Sup̃e ki tamam̃a maga e po noa kigo asa; p̃a ta mataku mau, go p̃a ta m̃anaunau mau. 22Go ku umai paki m̃aladigi ki nau, sara naata sikasikai kakamu, po naga, Tuga tip̃aki lua naatam̃oli maga pea ki gida, naga euga manigida leo pavaraka navanua, po manigida moro dape navasaana umai nalo ni napua waina tuga wo sake pae asa pano, go nalo ni natokoana maga waina tuga wo paki ara. 23Go a midoaki m̃ata ki tea wanogoe: go a piragi naatam̃oli rualima sikai tamate dua kakamu, eu sikasikai agi naworawora sikasikai sarasara ra: 24Go eu maradoa po sake paki tava pano, po umai paki nap̃aloa ni Eshkol, po leo pavaraka asa. 25Go eu puati ki nawa ni navanua nam̃elearuda, po piragi a siwo umai paki gida, po manigida moro dape navasaana umai, po naga, E pei navanua wia waina Yehovah Sup̃e anigida e dua gida asa. 26Ma ku po karai sake pano, go ku mari p̃auluulu dip̃a natip̃akiana ki Yehovah Sup̃e animu: 27Go ku daururu doko tap̃aup̃au animu maga, po naga, Nalakena Yehovah e pilosi gida, e po piragi lua gida m̃elu dua ki navanua ni Ityipt umai, naga ega vitua ki gida paki nam̃elearu ni naworawora ni Amor, naga ega mari puoli ki gida. 28Esava waina tuga wo sake paki asa pano? Taigida maga eu mari nap̃op̃ogida eu m̃anaunau, go eu naga, Narei maga eu p̃arua go eu parau do liu gida; natokoana maga eu p̃arua go eu pei p̃aaka vakilagi maga; go p̃arua liu tokora wanogoe au punusi Anakim natuna maga asa. 29Ragi wanogoe a pasa paki mu, po naga, Kuga ta p̃ilake mau, go kuga ta matau ki da mau. 30Yehovah Sup̃e animu, waina e do pea ki mu, nae ega wo manimu marimari, dapala tea mamau puti waina e manimu mari a Ityipt naraemu; 31Go doko masop̃alo, tokora waina ku po punusi naga Yehovah Sup̃e animu e dapetape mu dapala naatam̃oli e dapetape natuna, pae napua mamau waina ku pae asa pano, pa pa ku po umai paki tokora waia. 32Ma ku da saralomau Yehovah Sup̃e animu mau, nalo ni naleo waia. 33Nae waina e pea ki mu pano, naga ega manimu laaga tokora sikai waina kuga sike tap̃aup̃au animu maga asa, e doko nakapu p̃ogi, go e doko napopouru aleati, naga ega visei ki mu napua waina kuga vae asa pano. 34Go Yehovah e dogo nadaleo ni navasaana animu maga, go e maeto, go e pivisa, 35po naga, Lomau tea sikai maau ni tagona sa waia ega wo da punusi navanua wia mau, waina a pivisa naga aga tua tamamu maga asa, 36Ma Kaleb, natu ni Yefuneh, nae sikina ega vunusi a; go navanua waina e pasi a, aga wo dua e asa, go natuna maga, nalakena e dausi parati ki Yehovah. 37Go Yehovah e maeto ki nau nalakena nimu, po naga, Nigo ma, p̃a wo da pano po sili asa mau: 38Yoshua natu ni Nun, waina e lawodu naraem̃a, nae ega wo pano po sili asa: p̃a tua e nakasuaana; nalakena nae ega wo mari Israel naga ega veani a. 39Go p̃arua liu, piakirikiri kiki animu maga waina ku naga euga vei natapepavakotoana sikai, go natumu maga waina eu dika naataeana ni nawiaana go ni nasaana naaleatia waia, nara euga wo sili pano, go aga wo dua ra asa, go nara euga wo peani a. 40Ma nimu kuga maradoa po surata paki masop̃alo, pae napua waina e paki Natasi Miala. 41Go ku pasadara po noa ki nau, ku naga, Au po mari naleo sa dip̃a Yehovah, auga wo sake pano po mari navakalo, dapala tea mamau puti waina Yehovah Sup̃e aginami e po dip̃aki gami ara. Go sara naata sikasikai kakamu, ku pilake nalikau ni navakalo animu maga, po mari m̃ata naga kuga sake paki tava pano. 42Go Yehovah e noa ki nau, e naga, P̃a noa ki da, p̃a naga, Kuga ta sake pano, go kuga ta mari navakalo mau; nalakena kinau a da doko m̃aleoputo kakamu mau; naga kuga ta pei tea atugiana narae ni tea kokona ki mu maga. 43Dapala nogoe a pasa paki mu, go ku da dogo parati ki nau mau; ma ku mari p̃auluulu dip̃a natip̃akiana ki Yehovah, po pei p̃au kasua, po sake paki tava pano. 44Go naworawora ni Amor waina eu doko tava wanogoe, eu dave umai dip̃a mu, po kopasi mu dapala namariana ki bii maga, po atugi mu ku dowo Seir, io go pa pa paki Hormah. 45Go ku moro liliu umai po dagi narae ni Yehovah; ma Yehovah e da dogo nadaleomu mau, go e da daki dorogo paki mu mau. 46Go dapala nogoe ku doko Kadesh doko naaleatia laapa, pataka ni naaleatia maga waina ku doko asa doko.
Currently Selected:
DEUTERONOMY 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
