DANIEL 11
11
1Go ragi waia aga wo noakisai ko nalomauana. 2P̃a leo, nawota dolu euga wo ko duleana Persia; go kevati ega wo pei sogolapa ki nasogolapaana warua liu puti ra: go ragi waina ega wo kasua pae nasogolapaana aneana ega wo pulevule tea mamau puti dip̃a namarakiana ni Yavan. 3Go nawota marimatua sikai ega wo duleana, waina ega wo maramara ki namaramaraana warua, po mari dapala namasauana aneana. 4Go ragi waina ega wo duleana sua, namarakiana aneana ega wo mawora, po pei tea tap̃otawotaeana paki nalagi pati ni nakoroatelagi; ma ega wo da paki namatarau aneana waina euga wo edakugoro e mau, go ega wo da dapala namaramaraana aneana waina e maramara asa mau; nalakena namarakiana aneana ega wo pei tea vakuluaana, go ega wo pei agi tea p̃ota maga masale ki nara. 5Go nawota ni sauth ega wo kasua, go tea sikai ni tea maraki aneana maga; go ega wo kasua pakilagi liu sa, po peani namarakiana; namarakiana aneana ega wo pei namarakiana warua sikai. 6Go ragi waina natau seara euga wo nopu eroga wo saisai dum̃ada puluti ra; go nawota ni sauth natuna nagoroi ega wo umai punusi nawota ni north naga ega mari natam̃ateana: ma ega wo da mauti nakasuaana ni naruna mau: go nawota ni sauth ega wo da lawodu mau, go naruna mau; ma nae ega wo pei tea vituakiana go tea maga waina eu piragi a umai, go tea waina e pesi a, go tea waina e mari a e kasua ragi maga wanogoe. 7Ma tea sikai ni nawasi ni nakoana maga ega wo duleana oli a, waina ega wo umai paki taua ni naatam̃oli navakalo maga, go ega wo sili paki natokoana ni p̃aaka ki nawota ni north, go ega wo marimari dip̃a ra, go ega wo marimatua: 8go sup̃e adeada maga ma, pilake nasup̃e takiana adeada maga, go pilake lasa masauniana adeada maga ni silver go ni kold, ega wo dapeluapavakoto ara paki Ityipt; go nae ega wo makoto ki nawota ni north natau seara. 9Go ega wo umai paki namarakiana ki nawota ni sauth, ma ega wo liliu paki navanua aneana. 10Go natuna maga eroga wo pulevule, go euga wo piragi saisai ki taua sikai ni taua warua maga ni naatam̃oli navakalo, waina euga wo umai, po saraperavera, po surata duaduru: go euga wo liliu po mari navakalo pa pa paki tokora ni p̃aaka aneana. 11Go nawota ni sauth ega wo maritakokona, go ega wo dave umai po mari navakalo paki nia, paki nawota ni north: go ega wo mari taua warua sikai euga wo lawodu, go taua wanogoe euga wo pei tea vituakiana paki nam̃elearuna. 12Go taua wanogoe euga wo pei tea viragiluaana, go nap̃op̃ona ega wo pei tea sikeana pakilagi: go ega wo mari tivilia maga euga wo dowo, ma ega wo da marimatua mau. 13Go nawota ni north ega wo liliu, go ega wo mari taua sikai tea warua liu tea vea euga wo lawodu; go ragi waina ragi maga, natau maga euga wo nopu, ega wo umai pilake taua warua sikai ni naatam̃oli navakalo maga go nasogolapaana warua. 14Go ragi maga wanogoe tea laapa euga wo duleana dip̃a nawota ni sauth: go tea marip̃aragoto maga ni narei anigo natuda maga euga wo dum̃ada dape dakati ra naga euga lawosoki navunusiana; ma euga wo dowo. 15Go nawota ni north ega wo umai, po nadi ki sula sikai pakilagi, po puati natokoana sikai ni p̃aaka maga: go taua navakalo ni sauth euga wo da lawodu mau, go narei matadoaana aneana maga mau, go te nakasuaana ega wo da doko naga ega lawodu mau. 16Ma tea waina ega wo umai dip̃a e ega wo mari dapala namasauana aneana, go te naata ega wo da lawodu naraena mau: go ega wo lawodu navanua ni nasamasamaana, go namarisakiana ega wo doko nam̃elearuna. 17Go ega wo lawo ki naraena naga ega umai pilake nakasuaana ni namarakiana aneana mamau, go tea leana seara euga wo sikoti a, go ega wo mari namasauana aneana: go ega wo dua e nagoroi maga natuda nagoroi, naga ega mari sa ki nia; ma ega wo da lawodu mau, go ega wo da maneana pei te navatuna mau. 18Go ega wo doa naraena paki naure maga, go ega wo puati tea laapa, ma tea maraki sikai ega wo mari navasadaoana aneana ega makoto; go ega wo mari navasadaoana aneana ega roaroa paki nia. 19Go ega wo doa naraena paki tokora ni p̃aaka maga ni navanua aneana: ma ega wo dapilagona po dowo, go ega wo da pei tea vap̃aiana mau. 20Go tea sikai ega wo duleana doko oli a waina ega wo mari tea tape nasautoga sikai ega surata duaduru nasamasamaana ni namarakiana; ma naaleatia pisa maau go ega wo pei tea marip̃oraeana, namaetoana ega wo dika asa, go navakalo ega wo dika asa. 21Go tea midoakip̃alokiana sikai ega wo duleana doko oli a, waina eu da dua sua e nadodomadaganiana ni namarakiana mau: ma ega wo umai ragi ni natam̃ateana, go ega wo puati namarakiana pae navasam̃om̃osiana maga. 22Go naru maga ni natave sikai euga wo pei tea tapeluaana ki natave sikai pa dua ki naraena, go euga wo pei tea marip̃oraworaeana; go tea maraki ma ni navasasokiana. 23Go edaku ki navulutiana waina euga wo mari a paki nia ega wo mari pae nasurueana: nalakena ega wo sake umai, go ega wo kasua, pilake nalauna kiki sikai. 24Ega wo umai ragi ni natam̃ateana po paki tokora m̃anopunopu liu maga ni navanua; go ega wo mari tea waina tamana maga eu da mari a mau, go tamana maga tamada mau; ega wo madeada sapura ki tea tapepavakotoana maga, go tea vutiluapavakotoana maga, go nasogolapaana: go ega wo midoaki namidoakiana aneana maga dip̃a tokora maga ni p̃aaka, pa pa te ragi. 25Go ega wo pulevule nakasuaana aneana go nap̃op̃ona dip̃a nawota ni sauth pilake taua warua sikai ni naatam̃oli navakalo maga; go nawota ni sauth ega wo dum̃ana pulevule a paki navakalo pilake taua warua sikai ni naatam̃oli navakalo maga go tea kasua p̃arua liu: ma ega wo da lawodu mau, nalakena euga wo midoaki namidoakiana maga dip̃a e. 26Go tea maga waina eu do gani navinaga aneana euga wo marip̃orae a, go taua ni naatam̃oli navakalo aneana maga euga wo saraperavera: go tea laapa euga wo dowo pei tea maripunueana. 27Go nawota dua wanogoe, nap̃op̃oda ega wo paki namarisakiana, go eroga wo pasa nasorosoroana pisari wede sikai maau: ma ega wo da disu p̃ia mau; nalakena namatap̃agona edaku ega wo ko pei agi ragi tatutakiana. 28Go ega wo liliu paki navanua aneana pilake nasogolapaana warua; go nap̃op̃ona ega wo dip̃a navasasokiana tapu; go ega wo mari namasauana aneana, po liliu paki navanua aneana. 29Go ragi tatutakiana ega wo liliu asa, po umai paki sauth; ma ega wo da doko ragi edaku dapala waina e doko ragi vea mau. 30Nalakena shipe maga ni Kittim euga wo umai dip̃a e; go ega wo susue, po liliu, po maeto dip̃a navasasokiana tapu, po mari namasauana aneana: go ega wo liliu po midoaki tea maga waina eu doropusi navasasokiana tapu. 31Go taua navakalo aneana ega wo maneana lawodu, go euga wo mari nasum̃a tapu, nasum̃a ni p̃aaka, ega vei tea m̃oli, go euga wo dape lua naviriana tap̃arakiana ni sara naaleatia, go euga wo sike lawo ki tea mamaragokiana waina e do mari a e pei maso maladi. 32Go tea maga waina eu do mari nasigisigileoana dip̃a navasasokiana ega wo mari ra euga tapala tea maligo maga ki navasam̃om̃osiana maga: ma narei waina eu atae Sup̃e adeada euga wo kasua, po mari matua. 33Go tea manumatua maga ni narei euga wo pasa pisei ki tea laapa: ma euga wo dowo ki lova go ki mena ni nakapu, ki naviragiluapavakotoana go ki natapepavakotoana, naaleatia laapa. 34Go ragi waina euga wo dowo, euga wo pei tea silaeana ki nasilaeana kiki: ma tea laapa euga wo puluti ra ki navasam̃om̃osiana maga. 35Go tea manumatua maga seara kakada euga wo dowo, naga ega mari ra pae ara euga sara, go naga ega mari ra euga tautau, go naga ega mari ra euga tare, pa pa paki ragi ni namatap̃agona edaku: nalakena e ko pei agi ragi tatutakiana. 36Go nawota ega wo mari dapala namasauana aneana; go ega wo dum̃ana dape a pakilagi, po dum̃ana mari a ega warua dap̃au sara sup̃e, po pasa tea ni namagaana maga dip̃a Sup̃e ki sup̃e maga: go ega wo disu p̃ia pa pa namaetoana ega wo nopu; nalakena tea waina e pei tea midoakidawonakiana ega wo pei tea mariana. 37Go ega wo da midoaki sup̃e maga ki tamana maga mau, go namasauana ki nagoroi maga mau, go ega wo da midoaki te sup̃e sikai mau: nalakena ega wo dum̃ana mari a ega vakilagi dap̃au tea mamau puti. 38Ma ega wo dodomadagani oli a sup̃e ni p̃aaka maga: go ega wo dodomadagani sup̃e sikai waina tamana maga eu da atae a mau ki kold, go ki silver, go ki vatu wia maga, go ki naleo masauniana maga. 39Go ega wo mari paki tokora maga ni p̃aaka kasua liu pilake nasilaeana ki sup̃e p̃ota sikai; ega wo mari naata waina ega wo atae p̃otae a ega warua ki nasamasamaana: go ega wo mari ra euga wo maramara dap̃au tea laapa, go ega wo dap̃otae navanua naga ega vei namoriana. 40Go ragi ni namatap̃agona edaku nawota ni sauth ega wo mari navakalo paki nia: go nawota ni north ega wo umai dip̃a e dapala nalagi atu sikai, pilake kariot maga, go tea sakesaake horse maga, go shipe laapa; go ega wo umai sili navanua maga, po saraperavera po surata duaduru. 41Ega wo umai sili navanua ni nasamasamaana, go navanua laapa euga wo dowo: ma tea maga waia euga wo pei tea vualuaana m̃elu dua ki nam̃elearuna, Edom, go Moab, go takavea ni Ammon natuna maga. 42Go ega wo sai ki nam̃elearuna paki navanua maga: go navanua ni Ityipt ega wo da m̃elu pano mau. 43Ma ega wo peani namarakiana dap̃au naleo tauakiana maga ni kold go ni silver, go ni naleo masauniana mamau puti ni Ityipt: go naka ni Lubia go naka ni Ethiopia euga wo sikoti navasiana aneana maga. 44Ma narogorogoana pae ist go pae north ega wo mari a ega wo mataku: go ega wo dave pano pilake namaetoana warua naga ega mari sa ki po mari tea laapa euga mavunuvunu. 45Go ega wo lawo ki tap̃aup̃au maga ni nasum̃a aneana namawota ni natasi go ni tava tapu ni nasamasamaana; ma ega wo umai paki namatap̃agona edaku aneana, go te naata ega wo da silae a mau.
Currently Selected:
DANIEL 11: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
