PAKI TEA NI KORINTHO 10
10
1Ma kinau Paulo a dum̃agu pasa paratiki mu pae namatemateana go namarimatemateana ki Kristo, kinau waina a pakitano m̃aleoputo kakamu ragi waina a doko sikoti mu, ma ragi waina a puoli a piviari paki mu: 2ma a pavarani mu, naga aga ta piviari ragi waina aga sikoti mu ki navavatuana waina a midoa ki nia naga aga wo piviari dip̃a te seara, waina eu midoaki gami dapala au do surata pae nap̃okasi. 3Nalakena ragi waina au do surata doko nap̃okasi au da mari navakalo pae nap̃okasi 4mau (nalakena nalikau maga ni namarinavakaloana aginami eu da pei tea ni nap̃okasi mau, ma eu marimatua narae ni Sup̃e paki narakaipakitano‐ana ni p̃aaka maga); 5au do dakai pakitano namidodoana maga, go sara naleo vakilagi waina eu pei tea tapeana sake dip̃a naatae‐Sup̃eana, go au do piragi lua pavakoto sara namidodoana paki narogoparatiki Kristo‐ana; 6go au do marim̃ata sua naga auga sikosiko sara narogopiriana, ragi waina narogoparatikiana animu ega wo pei tea vakavuroana.
7Nimu ku leopunusi naleo maga waina eu doko naraemu? Te naata sikai e pe tum̃ana pavatu asa naga e pei tea ki Kristo, ega moro dum̃ana midoaki tea waia, naga, dakiusi waina nae e pei tea ki Kristo, dapala nogoe kinami ma au pei tea ki Kristo. 8Nalakena a pe vakavakae p̃arua liu tea wanogoe nalo ni naveinawotaana aginami (waina Nawota e pitua ki nia paki natavagi‐mu‐ana, go e da paki narakai‐mu‐pakitano‐ana mau), a pe ta pei tea mariana a pe maliere mau: 9naga aga ta dapala a pe vakamatakua ki mu ki epistole maga mau. 10Nalakena, eu naga, Epistole aneana maga eu madaga go eu kasua; ma natoko‐sikoti‐gida‐ana ni nap̃atokona e manainai, go navasaana aneana e pei tea midoakip̃alokiana. 11Tea tapala nogoe ega midoaki tea waia, naga, dapala waina au doko ki navasaana pae epistole maga ragi waina au puoli, au dapala nogoe doko ki namariana ragi waina au doko sikoti. 12Nalakena au da piviari naga auga tum̃agami midoaki p̃otae gami naga au pei tea seara kite naga au dakiusi te seara ni tea maga waina eu dum̃ada pasap̃iakinoa ara: ma nara, waina eu do dum̃ada dowogi ra pae ara, po do dum̃ada midoaki p̃otae ra naga eu dum̃ada dakiusi ra, eu da midoaki atae mau. 13Ma kinami auga wo da pakavakae p̃arua liu totowo aginami mau, ma dapala totowo ni laine totowo waina Sup̃e e maginami p̃otawotae a ega vei totowo, naga ega valoti pa paratiki mu. 14Nalakena au da dum̃agami sai ki gami p̃arua sa mau, dapala au pe ta paloti pa paratiki mu mau: nalakena au paloti pa paratiki sua mu doko narogorogoana wia ki Kristo: 15doko da do pakavakae p̃arua liu totowo aginami mau nalo ni nawosi‐mawosa‐ana maga ki naatam̃oli p̃ota maga; ma au do peani naleogoroana naga, ragi waina nasaralomauana animu ega wo disu po p̃arua, auga wo pei tea mariana auga wo p̃arua m̃aleoputo kakamu pae laine totowo aginami paki nawarualiuana, 16naga auga rogorogo ki narogorogoana wia pa pa paki tokora maga waina eu one taleva kerua kakamu, go naga auga ta pakavakae nalo ni laine totowo ki naatam̃oli p̃ota sikai mau nalo ni naleo maga waina eu pei tea marim̃atakisuaana. 17Ma tea waina e do pakavakae ega vakavakae Nawota. 18Nalakena tea waina e dum̃ana pasap̃iakinoa e, nae e da pei tea maridogopiragiana mau, ma tea waina Nawota e pasap̃iakinoa e.
Currently Selected:
PAKI TEA NI KORINTHO 10: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
