1 PAKI TEA NI KORINTHO 16
16
1Ma nalo ni navilaesaisaikiana magi tea tautau maga, dapala waina a dip̃a ki ekalesia maga ni Calatia asa, nimu ma kuga mari ega tapala nogoe. 2Naaleatia vea ni wiik sara naata kakamu euga sikasikai doropusi daua ki ega toko pisari a, tea waina e pe talua e, naga ragi waina aga valoti navilaesaisaikiana seara euga ta pei tea mariana ragi wanogoe mau. 3Go ragi waina aga valoti doko sikoti mu, tea maga waina ku pe wo midoaki p̃otae ra naga eu p̃ia, aga wo dip̃aki lua tea maga wanogoe pae tusi maga naga euga tape nasaup̃iaana animu paki Yerusalem pano: 4go e pe vataka ni waina kinau ma aga vano, eu pe wo sikoti au pano. 5Ma aga wo paloti punusi mu, ragi waina aga wo surata duaduru sua Masedonia; nalakena a naga aga surata duaduru Masedonia; 6ma mase a pe wo doko sikoti mu, kite a pe wo doko sikoti mu ragi ni namaladiana, naga nimu kuga vusi au naga aga vaki tokora waina a pe wo paki asa pano. Nalakena a da masauna naga aga vunusi mu pae napua ragi waia mau; 7nalakena a leogoro naga aga toko sikoti mu doko te ragi, Nawota e pe suasua. 8Ma aga toko Efeso doko pa pa Pentekoste; 9nalakena namata warua sikai go marimatua e maginau dap̃olaga doko, go tea tugoro maga eu laapa.
10Ma Timotheo e pe valoti, kuga vunusi naga ega ta mataku doko sikoti mu mau; nalakena e do p̃osiwosi nawosiana ki Nawota dapala waina kinau ma a mari a: 11nalakena tea wanogoe te naata ega ta midoaki p̃alo ki nia mau. Ma kuga vusi a doko natam̃ateana pano, naga ega umai punusi au: nalakena a do leogoro asa ega sikoti taigida maga umai. 12Ma nalo ni Apollo taigida, a pavarani p̃arua ki nia naga ega sikoti taigida maga paloti punusi mu: go e da pei namasauana aneana mau naga ega valoti ragi waia: ma ega wo paloti ragi waina ega wo peani ragi waina e p̃ia ki nia.
13Kuga to leleogoro, kuga to lawodu doko nasaralomauana, kuga vei naanoai maga, kuga kasua. 14Naleo animu maga mamau puti euga vei tea mariana doko nadodomiana.
15Ma a pavarani mu, tai maga (ku atae nasum̃a ki Stefana, naga eu pei takavea ni Akaia, go naga eu dum̃ada lawo ki da naga euga magi tea tautau maga suasua), 16naga nimu ma kuga toko etano paki tea tapala nogoe maga, go paki sara naata waina eu do p̃osiwosi sikoti ra po do posiwosimawosa. 17Go a laelaea nalakena naumaiana ki Stefana go ki Fortunato go ki Akaiko: nalakena navuoliana animu nara eu pakavuro e. 18Nalakena eu pakamaromaro ki naatagu go ki animu: nalakena tea wanogoe kuga atae m̃ata ki tea maga waina eu dapala nogoe.
19Ekalesia maga ni Asia eu pasadodomi mu, Akula go Priska ero pasadodomi p̃arua ki mu doko Nawota, nara ma ekalesia ni nasum̃a adeada. 20Taigida maga mamau puti eu pasadodomi mu. Kuga tum̃amu pasadodomi mu ki natum̃iliana tautau sikai.
21Navasadodomiana aginau, Paulo, ki aginau nam̃elearugu. 22Te naata e pe ta dodomi Nawota mau, ega vei tea vasasakiana. Nawota ega wo umai. 23Nasaup̃iaana ki Nawota Yesu Kristo ega sikoti mu. 24Nadodomiana aginau ega sikoti puti mu doko Kristo Yesu. Amen.
Currently Selected:
1 PAKI TEA NI KORINTHO 16: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
