NAMBABA 36
36
Kpaal-la Zelofihad toloo sɩ laa
1Gɩlɩad ŋaa Makɩɩ nanʋala nɛ, a ŋaa Manasɛ ma nihiŋ, ba kala lɩɩ Josɛf doho nɩaa tʋɔŋ nɛ. Ŋɩɩ nɛ Gɩlɩad doho nɩaa dɩa kʋhɩasɩŋ sii mʋ Mosis arɩ Iziral tɩŋŋaa sɩpaalaaraa teeŋ, 2a bʋl, “La TƖƖNA sɩ bʋla pɩ Mosis a leŋ la tɔnsɛ a kɛŋ tintee-la kpaa Iziral tɩŋŋaa, ʋ leŋe la joŋ la naambie Zelofihad kpaalɩŋ pɩ ʋ toloo nɛ. 3Dɩ tolie-la nɛ mʋ jaa Iziral tɩŋŋaa doho dɔŋ, kpaal-la ba sɩ laa jaŋ ŋaa doho-la ba sɩ jaa kʋŋ. Ŋɩɩ jaŋ leŋ dɩ tintee-la ba sɩ kpaa pɩla muuri. 4Dɩ jɩna-la la Iziral tɩŋŋaa sɩ jaŋ joŋ kʋyɔbɔɔ pɩ ba tɩŋŋaa nɛ yie, kpaal-la tolie-la sɩ laa jaŋ ŋaa doho-la ba sɩ jaa kʋŋ, ŋɩɩ jaŋ leŋ dɩ la nyɩmma doho nɩaa kpaalɩŋ muuri.”
5Ŋɩɩ nɛ Mosis bʋl wɩɩ-la La Tɩɩna sɩ bʋla pʋ pɩ Iziral tɩmma-la. Ʋ sɩ, “Wɩɩ-la Manasɛ doho nɩalɩŋ sɩ bʋla ŋaa wʋtɩtɩɩ nɛ. 6Wɩɩ-la La TƖƖNA sɩ bʋla nɛ ŋ-la: Zelofihad tolie-la kɛŋ wombiiŋ dɩ ba jaa baala-la ba sɩ cho nɛ, ama ba maga dɩ ba jaa ba doho-la tɩtɩa nɩaa nɛ. 7Tinteeŋ kpaal-la Iziral tɩŋŋaa doho kala sɩ laa, ʋ bɩ jaŋ wuo kʋ ŋaa doho dɔŋ kʋŋ. Doho na-kala jaŋ tɩɩ ba naabalɩma tinteeŋ a kaa mʋmʋ. 8Dɩ Iziral tɩŋŋaa tolo kala nɛ laa tinteeŋ kpaalɩŋ ʋ doho nɩaa tʋɔŋ, ʋ maga dɩ ʋ jaa doho-la tɩtɩa nɛ, dɩ doho kala tinteeŋ sɩ́ cholo jʋʋ doho dɔŋ kʋŋ, dɩ ŋɩɩ leŋ dɩ Iziral tɩɩna kala tɩɩ ʋ naabalɩma tinteeŋ. 9Doho kala tinteeŋ kpaalɩŋ bɩ maga dɩ ʋ cholo jʋʋ doho dɔŋɔ kpaalɩŋ.”
10-11Ŋɩɩ nɛ Zelofihad tolie-la, ba sɩɩ yɩrɛ Mala, Tɩɩza, Hogila, Mɩlɩka arɩ Nua ŋaa ŋɩɩ La TƖƖNA sɩ dagɛ Mosis, a jaa ba nyɩmma doho nɩaa. 12Ba fa jaa Josɛf nanʋala Manasɛ doho nɩaa nɛ, ba kpaalɩŋ ha hɛ ba nyɩmma doho nɩaa tʋɔŋ.
13Wombie-la arɩ wɩalɩŋ La TƖƖNA sɩ to Mosis lɛ a dagɛ Iziral tɩŋŋaa, bʋa-la lɛ ba sɩ hɛ Mʋab tintee-taalɩsɩ-la sɩ kpagɛ Jɔdaŋ fuo-la, Jeriko cholo nɛ ŋɩɩ.
Currently Selected:
NAMBABA 36: SIS
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
