NAMBABA 17
17
Arɔŋ dantɩga tɔsɔ
1La TƖƖNA bʋla pɩ Mosis, 2“Bʋla pɩ Iziral tɩŋŋaa dɩ doho doho fii arɩ balɩa-la sɩpaalaarʋ kala kɛŋ dantɩga kʋ pɩŋ, dɩ ŋ ŋmʋnsɛ ʋ yɩrɩŋ hɛ. 3Levi doho nɩaa dantɩga lɛ, ŋmʋnsɛ Arɔŋ yɩrɩŋ hɛ. Doho na-kala sɩpaalaarʋ maga dɩ ʋ kɛŋ dantɩgɛ bala nɛ. 4Joŋ dantɩgɩsɩ-la bil lɛbɩ-la lɛ mɩ sɩ yie kɔ Iziral tɩŋŋaa teeŋ tʋɔŋ, mɩ niiriŋ daga-la sɩpaaŋ lee-la mɩ sɩ yie kɔ ma teeŋ. 5Nɩɩ-la mɩ sɩ lɩɩsa dantɩga jaŋ tɔsɛ. Dɩ ŋɩɩ nɛ ŋaa, ʋ jaŋ giri wɩalɩŋ Iziral tɩŋŋaa sɩ yie vɛnɛɛ gʋrɩmɛ ma teeŋ a ta.”
6Mosis sɩ bʋl wɩalɩŋ pɩ Iziral tɩŋŋaa, ba doho doho fii arɩ balɩa-la sɩpaalaarʋ kala kɛŋ ʋ dantɩga kɔ, Arɔŋ ma kʋa pɛ. 7Ŋɩɩ nɛ Mosis kɛŋ dantɩgɩsɩ-la jʋʋ bil lɛbɩ-la lɛ La TƖƖNA sɩ yie kɔ Iziral tɩŋŋaa teeŋ, La TƖƖNA niiriŋ daga-la sɩpaaŋ.
8Taŋ sɩ pʋla, Mosis jʋʋ lɛbɩ-la lɛ La TƖƖNA niiriŋ daga-la sɩ hɛ, dɩ Arɔŋ dantɩga sɩ ŋaa Levi doho nɩaa kʋa tɔsɔ a fɩɩlɛ, a nɛŋ fʋfʋlaa. 9Ŋɩɩ nɛ Mosis paa dantɩgɩsɩ-la kala La TƖƖNA sɩpaaŋ a kaa kʋ lɩɩ dagɛ Iziral tɩŋŋaa, ba na wɩɩ-la sɩ ŋaa. Nʋʋkala joŋ ʋ kʋa.
10Ŋɩɩ nɛ La TƖƖNA bʋla pɩ Mosis, “Mɩɩra kɛŋ Arɔŋ dantɩga jʋʋ bil mɩ niiriŋ daga-la sɩpaaŋ dɩ ʋ ŋaa magɩl a chɩchagɩlɛ Iziral tɩmma-la sɩ bɩ mɩ niiŋ ka sɛɩ, dɩ ba bɩra sɩ́ wɩaa gʋrʋmʋ dɩ ŋɩɩ leŋ dɩ ba sʋʋ.” 11Mosis ŋaa ŋɩɩ tɩtɩa La TƖƖNA sɩ dagʋ. 12Ŋɩɩ nɛ Iziral tɩŋŋaa bʋla pɩ Mosis, “Ŋɩɩ-na la lɛlɛ nɛ, la kala jaŋ sʋʋ. 13Dɩ la nɛ mʋ kpagɛ La TƖƖNA dɩ-zɔŋ-la la jaŋ sʋʋ-na, ŋɩɩ-na la kʋŋ bɩra bɩ ka.”
Currently Selected:
NAMBABA 17: SIS
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
