Maak 1
1
Jɔɔŋ Wɩa lɩɩ-fooru-la bʋl Wɩa wɩaa pɩpɩ nɩaa
Mat. 3.1-12; Luuk 3.1-18; Jɔɔŋ 1.19-28
1Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.
2Wɩa wʋlaabʋlla ba sɩɩ yɩrɛ Azaaya fa ŋmʋnsa arɩ Wɩa sɩ,
“Mɩ jaŋ tɩŋ mɩ tɩndaara dɩ ʋ laa ŋ sɩpaaŋ mʋ
a wasɛ wombiiŋ bil ŋ lɛ.”
3Ʋ sɩ,
“Nʋʋ nɛ chɩŋ tintee-hɩlɩŋ lɛ a heelee bʋl,
‘Má wasɛ wombiiŋ bil La Tɩɩna lɛ.
Má pori wombii-la dɩ ʋ tʋʋlɛ woruŋ a pʋ.’ ”
4Ŋɩɩ nɛ baal kʋbala kɔ baa yɩrɛ Jɔɔŋ a fufo nɩaa Wɩɩchʋɔlɛ lɩɩŋ. Ʋ heele bʋl tintee-hɩlɩŋ lɛ, “Má bɩrɩma lɩɩ ma wʋbɔŋŋɔɔ lɛ, ka dɩ mɩ foma Wɩɩchʋɔlɛ lɩɩŋ, dɩ Wɩa joŋ ma wʋbɔŋŋɔɔ chɛma.” 5Ʋ sɩ bʋl ŋɩɩ, Judiya tɩŋŋaa arɩ Jerusalɛm tɩŋŋaa kala lɩɩ a mʋ ʋ teeŋ, a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ. 6Bʋntaŋŋa pʋnaa gɛnnɩŋ nɛ Jɔɔŋ fa laalɛ a kɛŋ tembiiŋ vɔɔ ʋ tɩŋa. Ʋ kʋdiilee nɛ fa nyaŋgɩrɩgɛba arɩ tʋʋŋ. 7Ʋ yie bʋl Wɩa wɩaa pɩpɩ nɩaa a bʋl, “Nʋʋ dɔŋ jaŋ to mɩ harɩŋ kɔ. Ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. 8Lɩɩŋ dʋndʋŋa nɛ mɩ-na kaa fufoma, ama ʋ-na jaŋ joŋ Wɩa Dɩŋ-zɔmʋŋ hɛ ma lɛ.”
Jɔɔŋ fo Yesu Wɩɩchʋɔlɛ lɩɩŋ
Mat. 3.13–4.11; Luuk 3.21-22; 4.1-13
9Bʋa-la lɛ Yesu sii lɩɩ taŋ-la ba sɩɩ yɩrɛ Nazarɛt a hɛ Galilii tinteeŋ lɛ a kɔ Jɔɔŋ teeŋ, ʋ fou Wɩɩchʋɔlɛ lɩɩŋ Jɔdaŋ fuo-la lɛ. 10Ʋ sɩ mɩɩra kʋʋ lɩɩ fuo-la tʋɔŋ, ʋ wʋla beŋ dɩ wɩa-nyuŋ guu kpaa balɩa. Ŋɩɩ nɛ Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. 11Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”
Sɩtaanɩ kʋ magɩsɛ Yesu
12Ʋ bɩ diene ka Wɩa Dɩŋ-zɔmʋŋ kɛnʋ jʋʋ tintee-hɩlɩŋ. 13Ʋ hɛ nɩmɛ ŋɩɩ halɩɩ tapʋlaa mahɩŋ balɩa, ʋ dɩ baga kɩaa dʋndʋŋa. Sɩtaanɩ yie kɔ a magɩsʋ. Ŋɩɩ nɛ Wɩa tɩndaaraa kʋ pɛ ʋ lɛ.
Yesu yɩrɛ chenfil-kpʋʋraa banɛsɛ
Mat. 4.12-22; Luuk 4.14-15; 5.1-11
14Ba sɩ kɛŋ Jɔɔŋ tɔ dɩa, ʋ ŋɩɩ harɩŋ, Yesu sii a mʋ Galilii tinteeŋ a bʋl Wɩa wʋzɔmɔ-la aa pɩ nɩaa 15a bʋl, “Bʋa-la yie nɛ. Wɩa kuorii-la kpaga nɛ. Má bɩrɩma lɩɩ ma wʋbɔŋŋɔɔ lɛ a laa Wɩa wʋzɔmɔ-la dii.”
16Yesu fa sɩ joŋ Galilii mʋgʋ-bal-la niiŋ vɩvɛŋ, ʋ na Saamɔŋ arɩ ʋ ŋaana Anduru. Ʋ naba dɩ ba faa yuo jóŋ nɛ, bɛɛ wɩaa ba ŋaa chenfil-kpʋʋraa nɛ. 17Ʋ yɩrɛba, “Má kʋ to mɩ harɩŋ, mɩ jaŋ dagɛma ŋɩɩ ma sɩ jaŋ kɩkɛsɛ nɩaa.” 18Ba guu sii a leŋ ba jómba ta aŋ to ʋ harɩŋ.
19Ʋ joŋ ŋɩɩ baa mʋ, dɩ baalaa balɩa nɛ ŋɩɩ. Baa yɩrɛ Jeems arɩ Jɔɔŋ. Ba fa ŋaa Zebidi biiriŋ nɛ. Ba hɔŋ ba lɩɩŋ daboro lɛ a tʋtɔ ba jómba bʋɔsʋŋ. 20Ʋ sɩ naba, ʋ yɩrɛba. Ba leŋ ba nyɩmma Zebidi arɩ nɩalɩŋ kala fa sɩ tɩma pɩba ka ba titimba lɩɩŋ daboro-la tʋɔŋ aŋ to ʋ harɩŋ.
Yesu vaarɛ baal kʋbala fa sɩ kɛŋ jɩŋ-bɔmʋŋ
Luuk 4.31-37
21Ba joŋ ŋɩɩ a mʋmʋ a kʋ yi Kapɛnam. Ŋɩɩ nɛ chɛ-wiesii-la chɛɛŋ, Yesu sii a mʋ jʋʋ Wɩɩchʋɔlɛ dɩa a dɩdagɛ nɩaa. 22Ʋ sɩɩ dagɛba ŋɩɩ, ʋ ŋaaba wʋkpuŋkpere. Ʋ bɩ baa daga arɩ Wɩa teniŋ kerichiba sɩ yie dɩdagɛba ŋɩɩ. Ʋ bʋl wɩaa arɩ ʋ nɛ kɛŋ wɩɩ-la doluŋ.
23Ŋɩɩ nɛ dɩ baal nɛ ŋɩɩ. Jɩŋ-bɔmʋŋ kɛnʋ. Ʋ kʋ jʋʋ aa ŋmoo niiŋ, 24“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”
25Yesu kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” 26Jɩŋ-bɔŋ-la kɛŋ baal-la terigi aŋ faasa chɩɩrɛ kɩŋkɛŋ aŋ lɩɩ ʋ lɛ.
27Nɩalɩŋ kala mɩɩra hirigi a pɩpɩɛsɛ dɔŋɔ, “Bɛɛ nɛ ŋ-la? Wʋfalɩɩ nɛ ʋʋ dagɛ. Ʋ paala kɛŋ doluŋ a wuo jɩŋ-bɔŋŋɔɔ a bʋl wɩaa pɩba, ba tuto ʋ niiŋ.”
28Ŋɩɩ lɛ nɛ, ʋ wɩaa guu teeli Galilii tinteeŋ kala.
Yesu vaarɛ nɩaa yʋgɛ
Mat. 8.14-17; Luuk 4.38-41
29Ŋɩɩ nɛ Yesu sii a lɩɩ Wɩɩchʋɔlɛ dɩa-la lɛ, ʋ dɩ Jeems arɩ Jɔɔŋ, a mʋ Saamɔŋ arɩ Anduru dɩa. 30Ba mʋa dɩ Saamɔŋ hɩɩlɩ-haala pɩna a wʋwɩɩlɛ, ʋ yaraa kala lɩŋ. Yesu sɩ kɔ ŋɩɩ, ba bʋla pʋ. 31Ŋɩɩ nɛ ʋ kʋ jʋʋ a kɛŋ haal-la nɩsɩŋ lɛ a kaa chʋʋlɛ. Ʋ yaraa fa sɩ lɩma ŋɩɩ, ʋ fɩɛlɛ. Ʋ sii ŋaa kʋdiilee pɩba.
32Ʋ dɩdaanɩŋ sɩ yie, ba kɛŋ nɩalɩŋ kala sɩɩ wɩɩlʋ arɩ jɩŋ-bɔŋŋɔɔ sɩ kɛŋ nɩalɩŋ kala a kaa kɔ Yesu teeŋ. 33Kapɛnam nɩaa kala gire kɔ a hilimi Saamɔŋ dɩa boiŋ niiŋ. 34Yesu vaarɛ nɩaa sɩ kɛŋ nyanyal dosunuŋ a yʋgɛ, a kiri jɩŋ-bɔŋŋɔɔ ma yʋgɛ nɩaa lɛ. Jɩŋ-bɔmɔ-la jɩŋ Yesu nɛ, ŋɩɩ nɛ tɩɩ ʋ bɩ ba wombiiŋ pa dɩ ba bʋl wɩaa.
Yesu bʋl Wɩa wɩaa Galilii tinteeŋ lɛ
Luuk 4.42-44
35Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa. 36Ka Saamɔŋ arɩ ʋ dɔnsʋ-la ma sii lɩɩ chɩchɛʋ. 37Ba sɩ naʋ, ba bʋla pʋ, “Nʋʋkala nɩɩ chɛŋ.”
38Ŋɩɩ nɛ Yesu bʋla pɩba, “Má leŋ dɩ la mʋ tasɩŋ dɔnsʋŋ ma dɩ mɩ bʋl Wɩa wɩaa nɩmɛ. Ŋɩɩ wɩaa nɛ mɩ kɔ.”
39Ʋ sii a mʋ gɔllɛ Galilii tinteeŋ kala a jʋʋ Wɩɩchʋɔlɛ dɩɩsɩŋ aa bʋl Wɩa wɩaa aŋ pɛ kikiri jɩŋ-bɔŋŋɔɔ ma nɩaa lɛ.
Yesu vaarɛ gbege
Mat. 8.1-4; Luuk 5.12-16
40Ŋɩɩ nɛ gbege kʋbala ma kɔ Yesu teeŋ a tuu kpirimi a sʋlʋ, “Dɩ ŋ nɛ cho, ŋaa dɩ mɩ duori.”
41Nisusuŋ kɛŋ Yesu. Ʋ lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” 42Ŋɩɩ nɛ yawɩɩl-la guu lɩɩ baal-la lɛ, ka ʋ duori.
43Ŋɩɩ nɛ Yesu bʋla pʋ arɩ sɩɩfɩɛsɩŋ a bʋl, 44“Viiri aŋ sɩ́ wɩɩ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.”
45Ama baal-la kɛŋ wɩɩ-la kaa lɩɩ a bʋla gaarɛ leriŋ kala. Ŋɩɩ nɛ Yesu bɩra bɩ wuo chaasa jʋʋ taŋ kala tʋɔŋ, ama ʋ yie mʋ hɔŋ pɔkɔŋ nyuŋ, ka nɩaa lɩɩ lee na-kala a kʋkɔ ʋ teeŋ.
Currently Selected:
Maak 1: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Maak 1
1
Jɔɔŋ Wɩa lɩɩ-fooru-la bʋl Wɩa wɩaa pɩpɩ nɩaa
Mat. 3.1-12; Luuk 3.1-18; Jɔɔŋ 1.19-28
1Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.
2Wɩa wʋlaabʋlla ba sɩɩ yɩrɛ Azaaya fa ŋmʋnsa arɩ Wɩa sɩ,
“Mɩ jaŋ tɩŋ mɩ tɩndaara dɩ ʋ laa ŋ sɩpaaŋ mʋ
a wasɛ wombiiŋ bil ŋ lɛ.”
3Ʋ sɩ,
“Nʋʋ nɛ chɩŋ tintee-hɩlɩŋ lɛ a heelee bʋl,
‘Má wasɛ wombiiŋ bil La Tɩɩna lɛ.
Má pori wombii-la dɩ ʋ tʋʋlɛ woruŋ a pʋ.’ ”
4Ŋɩɩ nɛ baal kʋbala kɔ baa yɩrɛ Jɔɔŋ a fufo nɩaa Wɩɩchʋɔlɛ lɩɩŋ. Ʋ heele bʋl tintee-hɩlɩŋ lɛ, “Má bɩrɩma lɩɩ ma wʋbɔŋŋɔɔ lɛ, ka dɩ mɩ foma Wɩɩchʋɔlɛ lɩɩŋ, dɩ Wɩa joŋ ma wʋbɔŋŋɔɔ chɛma.” 5Ʋ sɩ bʋl ŋɩɩ, Judiya tɩŋŋaa arɩ Jerusalɛm tɩŋŋaa kala lɩɩ a mʋ ʋ teeŋ, a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ. 6Bʋntaŋŋa pʋnaa gɛnnɩŋ nɛ Jɔɔŋ fa laalɛ a kɛŋ tembiiŋ vɔɔ ʋ tɩŋa. Ʋ kʋdiilee nɛ fa nyaŋgɩrɩgɛba arɩ tʋʋŋ. 7Ʋ yie bʋl Wɩa wɩaa pɩpɩ nɩaa a bʋl, “Nʋʋ dɔŋ jaŋ to mɩ harɩŋ kɔ. Ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. 8Lɩɩŋ dʋndʋŋa nɛ mɩ-na kaa fufoma, ama ʋ-na jaŋ joŋ Wɩa Dɩŋ-zɔmʋŋ hɛ ma lɛ.”
Jɔɔŋ fo Yesu Wɩɩchʋɔlɛ lɩɩŋ
Mat. 3.13–4.11; Luuk 3.21-22; 4.1-13
9Bʋa-la lɛ Yesu sii lɩɩ taŋ-la ba sɩɩ yɩrɛ Nazarɛt a hɛ Galilii tinteeŋ lɛ a kɔ Jɔɔŋ teeŋ, ʋ fou Wɩɩchʋɔlɛ lɩɩŋ Jɔdaŋ fuo-la lɛ. 10Ʋ sɩ mɩɩra kʋʋ lɩɩ fuo-la tʋɔŋ, ʋ wʋla beŋ dɩ wɩa-nyuŋ guu kpaa balɩa. Ŋɩɩ nɛ Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. 11Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”
Sɩtaanɩ kʋ magɩsɛ Yesu
12Ʋ bɩ diene ka Wɩa Dɩŋ-zɔmʋŋ kɛnʋ jʋʋ tintee-hɩlɩŋ. 13Ʋ hɛ nɩmɛ ŋɩɩ halɩɩ tapʋlaa mahɩŋ balɩa, ʋ dɩ baga kɩaa dʋndʋŋa. Sɩtaanɩ yie kɔ a magɩsʋ. Ŋɩɩ nɛ Wɩa tɩndaaraa kʋ pɛ ʋ lɛ.
Yesu yɩrɛ chenfil-kpʋʋraa banɛsɛ
Mat. 4.12-22; Luuk 4.14-15; 5.1-11
14Ba sɩ kɛŋ Jɔɔŋ tɔ dɩa, ʋ ŋɩɩ harɩŋ, Yesu sii a mʋ Galilii tinteeŋ a bʋl Wɩa wʋzɔmɔ-la aa pɩ nɩaa 15a bʋl, “Bʋa-la yie nɛ. Wɩa kuorii-la kpaga nɛ. Má bɩrɩma lɩɩ ma wʋbɔŋŋɔɔ lɛ a laa Wɩa wʋzɔmɔ-la dii.”
16Yesu fa sɩ joŋ Galilii mʋgʋ-bal-la niiŋ vɩvɛŋ, ʋ na Saamɔŋ arɩ ʋ ŋaana Anduru. Ʋ naba dɩ ba faa yuo jóŋ nɛ, bɛɛ wɩaa ba ŋaa chenfil-kpʋʋraa nɛ. 17Ʋ yɩrɛba, “Má kʋ to mɩ harɩŋ, mɩ jaŋ dagɛma ŋɩɩ ma sɩ jaŋ kɩkɛsɛ nɩaa.” 18Ba guu sii a leŋ ba jómba ta aŋ to ʋ harɩŋ.
19Ʋ joŋ ŋɩɩ baa mʋ, dɩ baalaa balɩa nɛ ŋɩɩ. Baa yɩrɛ Jeems arɩ Jɔɔŋ. Ba fa ŋaa Zebidi biiriŋ nɛ. Ba hɔŋ ba lɩɩŋ daboro lɛ a tʋtɔ ba jómba bʋɔsʋŋ. 20Ʋ sɩ naba, ʋ yɩrɛba. Ba leŋ ba nyɩmma Zebidi arɩ nɩalɩŋ kala fa sɩ tɩma pɩba ka ba titimba lɩɩŋ daboro-la tʋɔŋ aŋ to ʋ harɩŋ.
Yesu vaarɛ baal kʋbala fa sɩ kɛŋ jɩŋ-bɔmʋŋ
Luuk 4.31-37
21Ba joŋ ŋɩɩ a mʋmʋ a kʋ yi Kapɛnam. Ŋɩɩ nɛ chɛ-wiesii-la chɛɛŋ, Yesu sii a mʋ jʋʋ Wɩɩchʋɔlɛ dɩa a dɩdagɛ nɩaa. 22Ʋ sɩɩ dagɛba ŋɩɩ, ʋ ŋaaba wʋkpuŋkpere. Ʋ bɩ baa daga arɩ Wɩa teniŋ kerichiba sɩ yie dɩdagɛba ŋɩɩ. Ʋ bʋl wɩaa arɩ ʋ nɛ kɛŋ wɩɩ-la doluŋ.
23Ŋɩɩ nɛ dɩ baal nɛ ŋɩɩ. Jɩŋ-bɔmʋŋ kɛnʋ. Ʋ kʋ jʋʋ aa ŋmoo niiŋ, 24“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”
25Yesu kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” 26Jɩŋ-bɔŋ-la kɛŋ baal-la terigi aŋ faasa chɩɩrɛ kɩŋkɛŋ aŋ lɩɩ ʋ lɛ.
27Nɩalɩŋ kala mɩɩra hirigi a pɩpɩɛsɛ dɔŋɔ, “Bɛɛ nɛ ŋ-la? Wʋfalɩɩ nɛ ʋʋ dagɛ. Ʋ paala kɛŋ doluŋ a wuo jɩŋ-bɔŋŋɔɔ a bʋl wɩaa pɩba, ba tuto ʋ niiŋ.”
28Ŋɩɩ lɛ nɛ, ʋ wɩaa guu teeli Galilii tinteeŋ kala.
Yesu vaarɛ nɩaa yʋgɛ
Mat. 8.14-17; Luuk 4.38-41
29Ŋɩɩ nɛ Yesu sii a lɩɩ Wɩɩchʋɔlɛ dɩa-la lɛ, ʋ dɩ Jeems arɩ Jɔɔŋ, a mʋ Saamɔŋ arɩ Anduru dɩa. 30Ba mʋa dɩ Saamɔŋ hɩɩlɩ-haala pɩna a wʋwɩɩlɛ, ʋ yaraa kala lɩŋ. Yesu sɩ kɔ ŋɩɩ, ba bʋla pʋ. 31Ŋɩɩ nɛ ʋ kʋ jʋʋ a kɛŋ haal-la nɩsɩŋ lɛ a kaa chʋʋlɛ. Ʋ yaraa fa sɩ lɩma ŋɩɩ, ʋ fɩɛlɛ. Ʋ sii ŋaa kʋdiilee pɩba.
32Ʋ dɩdaanɩŋ sɩ yie, ba kɛŋ nɩalɩŋ kala sɩɩ wɩɩlʋ arɩ jɩŋ-bɔŋŋɔɔ sɩ kɛŋ nɩalɩŋ kala a kaa kɔ Yesu teeŋ. 33Kapɛnam nɩaa kala gire kɔ a hilimi Saamɔŋ dɩa boiŋ niiŋ. 34Yesu vaarɛ nɩaa sɩ kɛŋ nyanyal dosunuŋ a yʋgɛ, a kiri jɩŋ-bɔŋŋɔɔ ma yʋgɛ nɩaa lɛ. Jɩŋ-bɔmɔ-la jɩŋ Yesu nɛ, ŋɩɩ nɛ tɩɩ ʋ bɩ ba wombiiŋ pa dɩ ba bʋl wɩaa.
Yesu bʋl Wɩa wɩaa Galilii tinteeŋ lɛ
Luuk 4.42-44
35Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa. 36Ka Saamɔŋ arɩ ʋ dɔnsʋ-la ma sii lɩɩ chɩchɛʋ. 37Ba sɩ naʋ, ba bʋla pʋ, “Nʋʋkala nɩɩ chɛŋ.”
38Ŋɩɩ nɛ Yesu bʋla pɩba, “Má leŋ dɩ la mʋ tasɩŋ dɔnsʋŋ ma dɩ mɩ bʋl Wɩa wɩaa nɩmɛ. Ŋɩɩ wɩaa nɛ mɩ kɔ.”
39Ʋ sii a mʋ gɔllɛ Galilii tinteeŋ kala a jʋʋ Wɩɩchʋɔlɛ dɩɩsɩŋ aa bʋl Wɩa wɩaa aŋ pɛ kikiri jɩŋ-bɔŋŋɔɔ ma nɩaa lɛ.
Yesu vaarɛ gbege
Mat. 8.1-4; Luuk 5.12-16
40Ŋɩɩ nɛ gbege kʋbala ma kɔ Yesu teeŋ a tuu kpirimi a sʋlʋ, “Dɩ ŋ nɛ cho, ŋaa dɩ mɩ duori.”
41Nisusuŋ kɛŋ Yesu. Ʋ lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” 42Ŋɩɩ nɛ yawɩɩl-la guu lɩɩ baal-la lɛ, ka ʋ duori.
43Ŋɩɩ nɛ Yesu bʋla pʋ arɩ sɩɩfɩɛsɩŋ a bʋl, 44“Viiri aŋ sɩ́ wɩɩ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.”
45Ama baal-la kɛŋ wɩɩ-la kaa lɩɩ a bʋla gaarɛ leriŋ kala. Ŋɩɩ nɛ Yesu bɩra bɩ wuo chaasa jʋʋ taŋ kala tʋɔŋ, ama ʋ yie mʋ hɔŋ pɔkɔŋ nyuŋ, ka nɩaa lɩɩ lee na-kala a kʋkɔ ʋ teeŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014